الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   إختصار لحصاة رزاح!! (http://www.otaibah.net/m/showthread.php?t=40257)

كبتن عتيبه 06-Jun-2007 06:02 PM
إختصار لحصاة رزاح!!
 
إختصار لمحاوره جرت بيني وبين الشاعر الكبير مرزوق العتيبي وهي من أفضل محاوراتي في مجال الشعر عبر منتديات الهيلا واعتز في هذه المحاوره كثيراً:-

كبتن عتيبه
علاك الهون يامرزوق يامقدّس حصاة ارزاح=حصاة ارزاح جعل الله على راسك يدربيها!!
أن ما ارتاح لين اهجدك يامرزوق ثم ارتاح=واحملك بحصاة ارزاح واصحى لا توطيها!!

مرزوق العتيبي

علاك الله يالكبتن سريت ولا وراك امراح=حصاة ارزاح ماتنزاح لا تقرب حواليهـا
ليا منك نطحت القوم لاتنطح بدون اسلاح=وانا لن قاله الله هرجتـك لذكـرك فيهـا

كبتن عتيبه

عطوك البيت والباب وعطوك القفل والمفتاح=لكن أنته على ماقيـل حاميهـا حراميهـا!!
يامرزوق الجراده زتدها ريش وذنب وجناح=تباهـا تستـوي لكـن ماربـي مسوّيهـا!!

مرزوق العتيبي
ترى محد ٍ بمادح فيك لازدت الصياح اصياح=وهذي سلعـة ٍ ماربـح بايعهـا وشاريهـا
انا مدري علامك ناوي لارض العرب تجتاح=ولكن العرب بارواحها مـن دون اراضيهـا

كبتن عتيبه

بحر تسعين يامرزوق يبغى الكبتن الملاح=ليا استاق السفينه فالبحر يقدر يودّيها!!
لكن انته علاك ملاحظه يالسارق المزاح؟!=ليا منّك لقيت الحنظله فالدرب تسقيهـا!!

مرزوق العتيبي

ليا قلنا مناحـي قـام راع الكبتنيـه طـاح=دام اولها كـذا يالله تستـر مـن تواليهـا
انا عيني بصير ه واعرف الله يرزق الكداح=وبعض الناس من كثر البخل شانت لغاويها

كبتن عتيبه
مادام انك عتيبي ما نبا نحاسبك فاللي راح=لكن الباقيات انقـول (والله مانخليهـا)!!
ياراع المزرعه ياللي تغشى الخوخ والتفاح=يازين المزرعه لو مايغش الناس راعيها!!

مرزوق العتيبي
صحيح اني عتيبي مذهبي سني وطيبي فاح=ومثلك يابن عمي خطوتي يشكر مساعيهـا
وانا بعطيك فرصه ثانيه ونشوف ياسـداح=ولن كررتها جنب وجـا للقـوس باريهـا

كبتن عتيبه

عساها ياوسيع المعرفه ماتقصر الاشبـاح=ليا جات الدعاوي يقنع الاخصام قاضيها!!
يامرزوق الليال املاح وعلوم الرجال املاح=وبقعاء ماتزعلنا ولـو تنفـخ علابيهـا!!


تقبلوا خالص تحياتي

بدر بن ثعلي 06-Jun-2007 06:14 PM
صحة السنتكم وصراحة شعراء مبدعين واتمنى لكم التوفيق............................

أخوكم/ زبون المخاسير

خوي السعد 06-Jun-2007 06:24 PM
ايماني ان المحاوره ليس مقياس جزالتها عدد ابياتها الكثير
انما المقياس الحقيقي هو جزالة البيوت وتسلسل المعنى وهذا ماوجدته
في ذا المحاروه بيض الله وجيهكم ياكبتن عتيبه ويامرزوق العتيبي
استفدنا

راع الحميّا 07-Jun-2007 01:25 AM
يامرزوق الجراده زتدها ريش وذنب وجناح
بيت على مسارين والمعنى طيب
صحت السنكم:):)

عمرالروقي 07-Jun-2007 02:03 AM
محاوره
جزله بمعنى الكلمه
ابداع يالكبتن
وابداع يبو محمد
وسجل اعجابي
بردودك الوافيه
في كل محاوراتك
000000000000

الفراهيدي 07-Jun-2007 03:49 AM
الله الله الله

الله يعطيكم العافية

على المحاورة الطيبه

وصح لسانك

ولسان مرزوق

حزام العصيمي 07-Jun-2007 04:46 AM


ياسلام ياسلام


شعار الله يكفينا شركم :)
ِ
أعجابي وتقديري

سلطان المنصوري 07-Jun-2007 04:47 AM
بيض الله وجيهكم


محاورة عصماء من الوزن الثقيل


سجلوا اعجابي

مرزوق حمدان العتيبي 07-Jun-2007 10:34 AM
...
.
بارك الله فيك ياكبتن عتيبه
واي محاوره معك انا اعتبرها حرب عالميه هههههههه
والشرف لي يابن العم ...
كمااشكر اخواني الشعراء على تعليقاتهم .... وكل كلمه من كلماتهم
هي شهادة فخر في سجلي الشعري ....
...
مودتي ...
...

نواف العصيمي 07-Jun-2007 10:47 AM
يعطيكم العافيه .. وصح لسان الكبتن ولسان المدير

,, محاوره مثلها ماقريت في الانترنت

لاهنتم .. وبيض الله وجيهكم


ولك التقدير والإحترام

العـوفي 10-Jun-2007 02:42 PM
ابداع في ابداع

الله لايضركم كبار بمعنى الكلمة

لاكن ..!!؟؟؟؟؟؟؟؟

حصاة ارزاح وشهي ؟؟

مرزوق حمدان العتيبي 20-Jun-2007 12:25 AM
..
.
اشكر الجميع ... ولايمكن ان نوفيكم قدركم من الشكر..
... مودتي ....

سلطان بن ثعلي 20-Jun-2007 01:23 AM
الله الله

صح السنتكم ياشعار على هذة المحاورة الجزلة

والله انها اقوى من ضرب الرصاص


وشكراً

السميــــــري 09-Oct-2008 05:26 AM


..

صحة الألسن ..
محاورة كانت من الوزن الثقيل ..


بيض الله وجيهكم ..

محمد العتيبي 09-Oct-2008 08:53 AM
..

صحة الألسن ..
محاورة كانت ولا زالت من الوزن الثقيل .. :)


بيض الله وجيهكم ..

عبد العزيز العضيــاني 09-Oct-2008 10:57 AM
الله يعطيكم العافيه
وصحت السنتكم

انا ماني بشاعر بس
يظهر من تركيب البيوت انها محاوره من الوزن الثقيل

وان المعنى مدفون بشكل غير طبيعي

صحت السنتكم وبيض الله وجهك يالكبتن على
هالكاروق والتنسيق الرائع

قادح شرار 09-Oct-2008 12:35 PM
شئ لا يُـعقل ....

ما شاء الله تبارك الله على الشعار .

ونتطلع لتواجدهم المستمر مرة أخرى مع إبداعات مثل هاذي وأحسن .

صحت الألسن يا شباب .

وتقبلوا مروري .

مرزوق حمدان العتيبي 09-Oct-2008 07:10 PM
..
.

االاخوان الاعزاء تواجدكم هو المكسب ..
الله لايهينكم ..
..
ويكفينا فخراً اشادتكم واشادة شاعرين مبدعين
هما
حزام العصيمي وسلطان المنصوري
ونشكرهم على تواجدهم ..
..

هـــداج 09-Oct-2008 07:27 PM
الكبتن كبتن ولا يهون مرزوق يعطيكم العافيه


الساعة الآن »04:37 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd