من منطلق تخالف الاريا و وجهات النظر=بيني وبينك يالجذع سلطان فالراي اختلاف
الشاعر اللي يسبح بحور الشعر بحر بحر=عليه لا تحكم يا سلطان الجذع من شان قاف

تخالف الارياء بديهي,, فطري ,,بكل البشر =بس الحكيم اللي يفرق فالسمان وفالعجاف
على النخل يامعرب الجدين نحكم بالتمر =وهذيك والله ماوراها خير ,,واللي شاف عاف

احكم على اللي يا وسيع المعرفه منك وحدر=ان كان لك قلبٍ يضمّ العلم ما عندك خلاف
اللي يشوف القلب يالجذعان قدّام البصر=اخذ اعترافي واخذ من عيضه ومن وصل اعتراف

مافوقي الا الجدي وسهيل المسمى والقمر =وهذا حصاه من حصا الارض البسيطه مايشاف
لو اعترفتوا يالثلاثه وامعكم صفوا عشر =رايي ثقيل الله يبارك فيك يرجح بالخفاف

انا الجدي وسهيل وصل وعيضه اللي يعتبر=مثل القمر شوق الهنوف اللي مغطيها العفاف
ترى النتيجه واضحه ثلاثه مقابل صفر=لا تحترف تراك باقي ما تجيد الاحتراف

ماهي كذا ...والشيخ يعرف كيف مقدار الجبر =اللي دياره ريف ماهو مثل من داره جفاف
عن شوف وجهك ياطويل العمر يكفينا العذر =لوثت بيت الله لاعاد تطوف في وقت الطواف

المشاركة الأصلية كتبت بواسطة الجـذع (المشاركة 347456) ياسلام ياسلام صح لسانكم يامبدعين واصلوو واصلوو وانا في صف الغالب :p

من ما ضي الايام وانت اتطيع لولاة الامر=واللي يجي في مقدم الطابور ما يرجع خلاف
هذي تراها صورتك بالضبط من بين الصور=انته كبير ولاختصار الاسم يكتب حرف كاف

انتم تبون الفاتنه لكن ماجبتوا مهر =ياطيبكم فالاكل والفرش النظيفه واللحاف
علمك هذا ماتحتمل ردي علاه ..اخذ الخبر =لاتبلش الشعار يارجال وعلومك ضعاف

الفاتنه عشاقها حنّا وهذا اكبر فخر=وانتم تبون الطيبه وايدينكم ما هي نظاف
اللي على راسه يجيب ام الكباير والعبر=مثلك شبوحه قاصره فالعرف وحباله صخاف

الفاتنه عنكم تشوم ويمي تلد النظر =تراك مثل الورع في كرت الشعر دوبك مضاف
ماتقصر شبوحي ليا طق الحجر حيد الحجر =كم واحد مثلك ليا جيته يجي فيه ارتجاف

انته وابن جوباح ومصاول بعد وابو نجر=بالمرسمه مكتوبه اسماكم ما هي من حبر جاف
تبا الحقيقه ما انته بمضبوط في تال الشهر=دربك منوّل معتدل واليوم جا فيه انعطاف