|
الطير بالجنحان ما حسن رفيفه … وإليا انكسر حدا الجناحين ماطار
الشاعر سجوان الرويس العتيبي يصف الجماعة والتكاتف بهذه القصيدة التي اشهر قصيدة تناقلتها الناس على الاطلاق ، يقول الرويس : والقصيدة أطول من ذلك ولكم شكري على التواصل --------------------------------------------------------------- زماننا غير زمانهم وحتى نتذكر الأولين اخوكم ابن نجد |
المعروف لدى الكثير من المحققين في الشعر الشعبي أن قصيدة الشاعر سجوان الرويس هي ثلاثة أبيات أما الباقي فهي للشاعر محمد النجدي العنزي وكلا الشاعرين ابدع في الوصف .
للإحاطة ولكم الشكر .,,,, |
لاهنت يالذيب على القصه الرائعه .. |
اللي انا اعرفه ان هذا الابيات قائلها السديري
نتمنى من ياتي بالخبر الاكيد |
الطير بالجنحان ما حسن رفيفه
وإليا انكسر حدا الجناحين ماطار يمنا بلا يسرا تراها ضعيفه ورجل بلا ربع على الغبن صبار صح لسان الشاعر الرويس ويغطيك العافية على إيراد هالأبيات . |
هذه القصيده للشاعر/ سجوان الرويس قالها عندما كان في الأحساء ومعروف هذا الأمر حتى لمن خارج القبيله .... |
الله يعطيك العافيه
لاهنت اخوووي |
اقتباس:
مـالك لوا ,, قـالها . وهو في شقـراء , وسـالفتها طويله .. |
مشكور اخوي
|
ابيض وجه لاهنت على مثل هذا الموضوع سلمت يدااااااااك تحيااااتي |
ياوالله الي مع الاجناب كنه على نار
لاهنت |
السلام عليكم هذي قصيده الشاعر محمد النجدي العنزي وذلك لتوضيح الالتباس عند الاخوان
ياالله يامطلوب ياوالي الأقدار أنت الذي مدات جودك لطيفه أطلبك يامعبود عاون هل الكار وتحل شطاتٍ عليهم كليفه أللي مجالسهم بها بن وبهار ونجرٍ يصوت للنشامى رجيفه يامزنةٍ غرا من الوسم مبدار اللي جذبنا من بعيدٍ رفيفه تومر على كل المفالي بالأمطار وتصبح بها ديران قومي مريفه غب المطر فاحت بها ريح الأزهار تخالف النوار مثل القطيفه ترعى بها قطعاننا سر وجهار ترعى زماليق الفياض النظيفه في ضفة الله ثم جبرٍ وجبار خيالةٍ يوم الملاقا عنيفه ترعى بها المجهم من الذود معطار غبوقة الخطار عجلٍ عطيفه ويبني عليها بنية اللبن بجدار عقب الضعف راحت ردومٍ منيفه ماهي حكايا مسردٍ عقب مانار اللي هرب وأطراف رمحه نظيفه ان سوهجوا عنها قليلين الأبصار من دونها نروي السيوف الرهيفة والصبر مفتاح الفرج عند الأذكار ومن لا صبر تصبح حواله كسيفه خطو الولد مثل البليهي إلى ثار زودٍ على حمله نقل حمل اليفه وخطو الولد يبنش على موتة النار مع العرب يشبه لخطو الهديفه وإلى بخصته ماسوى ربع دينار صفر على عودٍ تضبه كتيفه وخطو الولد مثل النداوي إلى طار صيده سمين ولا يصيد الضعيفه إلا ومع ذلك لك الله لنا كار عن جارنا ماقط نخفي الطريفه ونرفا خماله رفية العش بالغار ونودع له النفس القوية ضعيفه ولا نبدي الخافي إلى صار ماصار يفلج قصير البيت لو بان حيفه والجار لابده مقفي عن الجار وكل بجيرانه يعد الوصيفه جارٍ على جاره بختري ونوار وجارٍ على جاره صفاةٍ محيفه نكرم سبال الضيف حق وتعبار لامن ولد الاش شح برغيفه ولابدها تصبح تواريخ وأذكار وتبقى لدسمين الشوارب وظيفة ودمتم ... |
الشاعر عبدالله بن سجوان الرويس
لتصحيح الاسم وحسب ماسمعت انها الثلاث ابيات هذي فقط وهي التي تناقلها شياب الروسان منذ القدم والها قصه معروفه ولامجال لذكرها والاخ النفيعي الي يقول لسديري عليه تصحيح المعلومه فالابيات موثقه ومعروفه منذ امد بعيد تحيتي وتقديري للجميع |
اقتباس:
الابيات المقصوده ليست موجوده في هذه القصيده ؟؟ |
اقتباس:
ياعبدالله ولكن يمكن القافيه جعلت من سمعها وهو قليل الدرايه بالشعر يظن انها من قصيدة النجدي تحيتي وتقديري |
| الساعة الآن »03:30 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd