http://www.uparab.com/files/bLubPT1tJInIpThx.jpg

شفت الكتاب اللي به الطب مكتوب = وذكر علي كتاب عيد العتيبي
أبو زياد اللي له المجد مرغوب = ما هو على شرواه والله غريبي
شهم الرجال اللي للأمجاد مندوب = من لابة والله تضد الحريبي
يا كتاب راعي الطيب والطيب مرغوب = ومن مثلكم يا كتاب طبعه يطيبي
الطيب اللي ما لقوا فيه عذروب = غير الشهامة والكرم ما يجيبي
من يقربه ومن يعرفه قال محبوب = ومن شاهده يقول والله قريبي
سمح الوجه والى نطق قول مصيوب = من عادته لا قال قولا يصيبي
لواء طبيب وبالمواقيف محسوب = عن الوفا والمرجله ما يغيبي
وعياله اللي بالوفا يقضوا النوب = احرار ما فيهم ردي وغضيبي
عتبان وافين النسب علم منسوب = يوم الملاقا يهونون الصعيبي
ضد العداء لا صارت افعال وحروب = يوم المعارك يهزمون الحريبي
مني لهم جزل التماثيل مندوب = من الشمال اهديه في كل طيبي
من مجاهد محمد على حسن ما جوب = وانا مع اهل العرف صدري رحيبي
من منطقة تبوك والشعر مكتوب = مع الشكر تنصا كتاب العتيبي

المشاركة الأصلية كتبت بواسطة متعب العصيمي (المشاركة 344930) ونعم اللواء الدكتور كتاب عيد العتيبي.. مجاهد محمد العطوي صح لسانك , وبيض الله وجهك .. ننتظر جديدك.. ولك جزيل ألشكر وفائق ألأحترام..

ابو زياد يفخر به الجميع

صح بدنك يالغالي ووجهك ابيض

ولا شكر على واجب

نورت وشرفت بحضورك

المشاركة الأصلية كتبت بواسطة مخلف الهقاوي (المشاركة 344981) اخوي مجاهد,,صح لسانك,,ويستااهل ابو زياد,,بيض الله وجهك,,تقبل مروري

صح بدنك يالغالي مخلف الهقاوي

وماعليك زود ووجهك ابيض

منور بحضورك

المشاركة الأصلية كتبت بواسطة مرزوق العتيبي (المشاركة 345344) ... . مجاهد العطوي اولا الله يحييك في محلك سعداء بتواجدك بيننا ... ونعم فيك وفي قبيلتك .. الشامخه .. ... وصح لسانك ويستااااااهل الممدوح .... رائعه تستاهل التثبيت

الله يبقيك اخوي مرزوق العتيبي

وانا اسعد يالغالي وماعليك زود انتم هل الطوله

صح بدنك وهذا حق وواجب واشكرك على تثبيت القصيدة

الاروع تنويرك للموضوع

المشاركة الأصلية كتبت بواسطة قبلان (المشاركة 345351) اخوي مجاهد ... الله يحيك في الهيلا .. يامرحبا تراحيب المطر .. وصح لسانك .. جزله يالنشمي .. لاهنت .. والدكتور كتاب يستاهل المدح .. تحيااااااااااتي لك

الله يبقيك ويسلمك وبك المهلا

الف شكر لك نورت وشرفت موضوعي بحضورك

المشاركة الأصلية كتبت بواسطة فيصل المسعودي (المشاركة 345502) حياك الله يالعطوي بين اخوانك وفي محلك هلابك الوفاء لا جاء من اهله ماهو غريب والمدح والطيب لا عد وقيل في اهله كذلك ماهو غريب صح لسانك ياوافي ويستاهل المدح والطيب ابو زياد شكراً لك تقديري أخوك فيصل النفيعي

ابقاك الله يالغالي ومافي شك كلنا اخوان

وتسلم يالغلا ماعليك زود وهذا حق وواجب للي مثل كتاب

صح بدنك وعلى شانك

لا شكر على واجب

غريب ومسافر

المشاركة الأصلية كتبت بواسطة أبو نجر النفيعي (المشاركة 345688) ... حياك الله يا مجاهد .. ومرحبا فيك بيننا ابناء قبيله عيبه الهيلا .. .. وصح لسانك مليوون على الابيات الجزله ولا شك من شاعر جزل .. ويستاااهل الممدوووح .. عيد العتيبي .. وننتظر جديدك ... اخوك..

ابقاك الله اخوي ابو نجر

وبك المهلا والنعم فيكم

صح بدنك وعلا شانك والل يسلمك وشهادة اعتز فيها

وابشر باللي يسرك

المشاركة الأصلية كتبت بواسطة نايف الحميدي (المشاركة 345727) اخوي صح لساااانك على هالقصيده ابدعت واللواء كتاب يستاهل اخوك

صح بدنك يالغالي

الابداع تواجدك ومشاركتك بالموضوع

نورت وشرفت بحضورك

المشاركة الأصلية كتبت بواسطة السميــــــري (المشاركة 346262) غرررررررريب .. صح لسانك .. على هذه الشامخة .. وبيض الله وجهك .. ويستاهل المدح راع الطيب .. .. أخووك .

صح بدنك يالغالي والف شكر لتنويرك الموضوع

ووجهك ابيض يالسميري

نورت وشرفت بحضورك

المشاركة الأصلية كتبت بواسطة (محيميد السميري) (المشاركة 673477) حياك الله بين اخوانك وصح اللسانك أخوي واللواء الدكتور كتاب يستاهل المدح وبيض الله وجهك أخـــــــــــــ،،،،،،،،،،،،،،ـــــــــــــوك