يانسيم الصبا قلبي صبا والشوق نصب علـى قلبـي سحابـة =
= جيت كلي خطا يوم الخطا درب الخطا فيه حثيـت الخطـاوي
احسب الحب واقه وانصفاقه قلت اشوفه واوقـف عنـد بابـه =
= جيت اجرب قدر نفخة صدر مدري كبر والا انا ماكنت نـاوي
البحر يغري المـلاح والمـلاح سبـاح فـي نشـوة شبابـه =
= جو هادي قمر بادي طموحي غير عـادي وكثـرن الهقـاوي
الفضول وعمى الراي وغروري والهوى كيف يخدعني سرابه =
= عقلي اوهمني وقلبي خذلني واثرني طحـت فالحـب متسـاوي
ليت من غاب عن عيني وطول غيبته يتصل حضرة جنابـه =
= كان يقوى على الهجران انا ماني على الصد والهجران قـاوي
القمر والمطر والشمس والازهار والبحر تشكي مـن غيابـه =
= جاذبية غرامه تجعل اللي فـي مـداره وفـي جـوه هـواوي
احتجب في عسام الوقت وانا ضعت في عجه وعتمة ضبابـه =
= وأصبحت شوفته متعذره في الواقع وصارت احـلام ومنـاوي
ياغزال الحمى دمعي هما والقلب روحت بـه عنـدك نهابـة =
= مستحيل اكبح الاشواق والاشواق تدوي كما السيـل النحـاوي
كلما مر طيفك داعب الخفاق من بيـن الاضـلاع وسرابـه =
= كنت احب اجتماعات البشر والحين محبوس في سجنك خلاوي
انت ياملهم الشعر وملاذ الشوق دونـت فيـك احلـى كتابـه =
= كلما ترحل من الذاكرة والعيـن احصلـك فالوجـدان ضـاوي
اعطني قلبك وعهد الهوى واطلق شنب لو وقف دونك ما اهابه =
= لو معه سيف عنتر رمح ابو زيد وشجاعة شليويـح العطـاوي
كيف اهابه وانا منجومي ثبيتي وبرقـاوي وربعـي عتابـه =
= نجرح قلوب عدوان الوطن والدين قول وفعل نجـرح نـداوي

المشاركة الأصلية كتبت بواسطة مرزوق العتيبي (المشاركة 341754) ... . وعليكم السلام ورحمة الله وبركاته ... ياهلال ... صح لسانك ... والله يحييك بين ربعك ... ..

المشاركة الأصلية كتبت بواسطة ابوبجاد الرويس (المشاركة 341848) هلابك يا هلال وصح لسانكـ وحياك الله

المشاركة الأصلية كتبت بواسطة أبو نجر النفيعي (المشاركة 341915) .. صح لسانك يا هلال .. قصيدة جزله .. ورايعه ... ويا مرحبا فيك .. . اخوك

المشاركة الأصلية كتبت بواسطة رشيد النقريني (المشاركة 342006) صح لسااااانك ياهلال قصيدة جزله ورااائعه وبيض الله وجهك يالقري ولاهنت

صح لسانك ياهلال

المشاركة الأصلية كتبت بواسطة عيضه الثبيتي (المشاركة 342241) كيف اهابه وانا منجومي ثبيتي وبرقاوي وربعي عتابه نجرح قلوب عدوان الوطن والدين قول وفعل نجرح نداوي ونعن ونعم ونعم ونعم وحياك الله ياهلال تشرفنا بوجودك هنا تحياااتي

المشاركة الأصلية كتبت بواسطة السميــــــري (المشاركة 343872) صح لسانك ياهلال .. الله يعطيك العافية ماقصررت ..

المشاركة الأصلية كتبت بواسطة محمد الـعـريدي (المشاركة 343961) هلال العتيبي صـح الله لسـانكـ .. ولاهــان شاأأأأأأنكـ .. . قصـيدة جـزله ... تشكر عليـها لله درك والله لايضـرّك تقبل تحيـات أخـوك:محمد العريدي دمت سالما من كل مكروه

المشاركة الأصلية كتبت بواسطة ناصر حامد الثبيتي (المشاركة 926283) هلال الثبيتي . صح لسانك مدد بلا عدد على الرائعة . استمتعت بالقراءة لك .