ياهل المنتدى من يرتكي للصعيب ؟؟ = من يظنه لها قدامه الملعبه
لايجيني شويعر حادر اله شعيب = الضعيّف ضعيّف مانبى نشعبه

يالشبح ماطلبت الا البعيد القريب = جالك اللي ضديده باللقاء يرعبه
شفت برق الخيال ولاحصل به نصيب = جاب لحن الجفاف اللي قعد يلعبه

ماتضيع الحقووق ومن وراها طليب = وانت ماشفت لك شي عشان أطلبه
دام شفته ترى يقفاه ريحٍ مهيب = يالله انك على الاجواد لاتجذبه

دام مزنه علانا ماتصبب صبيب = يالله انك عن اعيون العرب تذهبه
انت ياللي تطمش معي خلك اديب = جبت لك حنظله ماعاد فيه اعنبه

يالله انه حوالينا براس الهضيب = الشعف ياطويل العمر لا تدع به
لاتحسب الغضاره طافحه بالحليب = جبت لك سم وانته لازمٍ تشربه

دام صاحبك مثلي يالفطين اللبيب = سالمه واسترح من تحت في شنبه
مانذمك ولكن فيك عشرين عيب = فاقد(ن) شي بالله كيف ننفعك به

ياخوي السعد هرجك مخيفٌ مريب = أعرف اللي تقوله قبل لا تكتبه
أبو عشرين في عارضه 200 شيب = من صدووف الليالي ( كيف ماتقلبه ) !!

يالشبح في فنون الشعر طبعك غريب = هب يابو الحصين اللي يلف اذنبه
انتبه للسباع اللي تقانب قنيب = اغلق الباب واقعد داخل المركبه

ودي احط بعض الشعر فوقه صليب = وانت مثل الحبيب اللي يشيل أكتبه
وش يسوا السخل لازاد صوته طريب = لاش قرنٍ نطوح قدم من يطلبه !!