الشاعر اللي يبى يطرق بحوور القصيد = حياه حياه .. (والدنيا هذا حالها)
يحسب حساب القريبه ماحسب للبعيد = هذاه ماأبغاه ( والدنيا هذا حالها )

يا مرحبا بالمفيد اللي يبا يستفيد = في شرح معناه ( والدنيا هذا حالها )
اللي يدوّر على شيءٍ وباسه شديد = يلقاه يلقاه ( والدنيا هذا حالها )

المشاركة الأصلية كتبت بواسطة حمد بن جوباح (المشاركة 340634) . .. حيا الله الشبح :) استلم استلم يا مرحبا بالمفيد اللي يبا يستفيد = في شرح معناه ( والدنيا هذا حالها ) اللي يدوّر على شيءٍ وباسه شديد = يلقاه يلقاه ( والدنيا هذا حالها )

الك البقا والله يدبرك فيما يريد = وكلٍ بيمناه ( والدنيا هذا حالها )
أجل تباها على ماقيل( واضرب حديد ) = أكتب وتقراه ( والدنيا هذا حالها )

كل تاجر ٍ فالشرا والبيع عنده رصيد = ثوبك ومخباه ( والدنيا هذا حالها )
اللي يورّد يصدّرها ورايي سديد = كل ٍ من ارشاه ( والدنيا هذا حالها )

المشاركة الأصلية كتبت بواسطة نايف الحميدي (المشاركة 340668) الله الله صحت السنتكم واصلووووووووووووووووو وعلى القوه دمتم بعز

المشاركة الأصلية كتبت بواسطة الفالح (المشاركة 340681) صح لسانك يالشبح وصح لسانك يابن جوباح وتراني في صفك والليل اخوكم الفالح

المشاركة الأصلية كتبت بواسطة رشيد النقريني (المشاركة 340958) صح الله السنت شعارنا ولاهنتم وبيض الله وجيهكم

الجندي اللي يبى يلبس بدال العميد = هذا وش أدوواه ( والدنيا هذا حالها)
ياوليد جوباح ودك فالجهد والجهيد = أقرب وتلقاه والدنيا هذا حالها

اللي يبا المرجله عن دربها ما يحيد = ما تقصر اخطاه ( والدنيا هذا حالها )
النار تاكل حطب وتقول هل من مزيد = يا الذيب يا الشاه ( والدنيا هذا حالها )

:)

المرجله ماهي بغتره وثوبٍ جديد = بالجهد والجاه ( والدنيا هذا حالها)
ننطله فيها ليا زدنا عليها الوقيد = ونشوي بها شواه و( الدنيا هذا حالها )

هذا الشبح لو لبس ثوبين عايد وعيد = ما يستر ارداه ( والدنيا هذا حالها )
ما ينقل الدم فالشريان غير الوريد = داءه مع ادواه ( والدنيا هذا حالها )

:)