فاحت دلال القصايد فوق نار الفكر =صفر(ن)يطير عماس الراس فنجالها
اسوقها في فناجيل الغلا والقدر =على رجال(ن)بوسط الصدر منزالها
يامرحبا يامن لدار الكرامه حضر =من يوم ممشاك الى ملفاك لحلالها
ترحيبة(ن)عطرها يبقى سنين ودهر =تفوح اكاليلها من صدر من قالها
في ليلة(ن)نعتبرها من ليال العمر = الطيب عنوانها والمجد لرجالها
في حلة اللي تجلى مجدهم واشتهر = محلحلين الامور ان عقدت حبالها
سقم المعادي نهار المعركه والقشر =سعد الدخيل اللي من الضيم يلجالها
ربعي عتابه رجال(ن)ماتهاب الخطر =افعالها فاللوازم تسبق اقوالها
لو الصحاري ورق والبحر يصبح حبر= ينشف مداده قبل مايحصي افعالها
مبروك مبروك يامن بالمعالي ظفر = يامن رقى في مراقيب العلا ونالها
حزت النواميس من عقب التعب والسهر=والمرجله ماي رجال(ن)بغى طالها
فعلك بدا فالسما ماكنه الا القمر=مجد(ن)شعاعه أنار الارض وجبالها
يافهد يافهد تستاهل وشاح الفخر =وانطلك عمامتي وانطلك عقالها

المشاركة الأصلية كتبت بواسطة مرزوق العتيبي (المشاركة 340437) .. . صح لسانك ياعبد الله على القصيده الجزله ... والف مبروك الدكتوراه لفهد .. ....

المشاركة الأصلية كتبت بواسطة أبو نجر النفيعي (المشاركة 340439) .. يالله حي عبدالله .. تسيف الحال عساك طيّب .. ؟ :) وصح لسانك على القصيده .. جزل وما تجيب الا الجزل .. .. ومبروك لفهد لحصوله على الدكتوراه .. والله يوفق الجميع .. . اخوك.. .

المشاركة الأصلية كتبت بواسطة فيصل المسعودي (المشاركة 340477) اول شيء مبروك لابن العم فهد النفيعي نيله درجة الدكتوراه وثاني شيء صح لسانك ياعبدالله على هالقصيده الجزله المعنونه بالوفاء منك قصيده مشرفه وخبر مشرف ايضاً تقديري فيصل النفيعي

المشاركة الأصلية كتبت بواسطة ماله امان (المشاركة 340543) اولاً مبروك الدكتوراه للاخ فهد النفيعي و صح لسانك ياعبد الله النفيعي على القصيده الجزله تحـــــــياتــــــــــــــــــي،،،،،،،،

المشاركة الأصلية كتبت بواسطة السميــــــري (المشاركة 340546) قصيدة أكثر أكثر من رائعة يارائع .. صح لسانك .. ومبررووك الدكتورااه ,, لصاحبك .. والله يعطيك العافية ..