مدري براون وش يسوي لستلم منصب بلير= يطيع بوش بخطته والا يلاقي مصرعه
بعض العرب يقول ريس بوش ماعنده ضمير=وبعض العرب يقول بوش يعيش ويصفق معه

بوش ان بغيت الصدق عنده في السجن 200 اسير=قانونه اقشر والقرار بدون شور يشّرعه
لاصرت امير وذاك امير تضيع في الدرب الحمير=هذا هو المبدا لبوش اللي عسى الله يقلعه

اظاهر انك ياسديد الراي بالدعوه خبير= لكن كلآ ياسديد الرائ رائه يقنعه
المشكله بين العرب والوضع والموقف خطير= هذي حقايق بالوثايق واسمع العلم اسمعه

ايو الله ادري بالخوافي والعذاب المستطير=لكن جعل الله عن الاسلام واهله يدفعه
المشكله في واحدٍ ياصاحبي مافيه خير=قدم علينا اخصامنا واليوم صارو مرجعه

المشاركة الأصلية كتبت بواسطة > الحزيمي < (المشاركة 338520) صح لسانك يا النشمي ولسان سديد الراي وحياك الله واصلو محاوره تستهل المتابعه

حنا نعرف اللي حصل فالوقت الاول والاخير=ياليل يامطولك ردد واطبعي يامطبعه
راع الفكر دايم يميز بين الاعمى والبصير= ومن لا يميز بالفكر ماينفعه ماينفعه

خل الكلام الدبلوماسي هاتها سيفٍ شطير=حدد مصيرك والاجابه هاتها لي مقنعه
احدٍ يبا التكريم واحدٍ وده يظلي مدير=والكل يبكي والمدير الحبل جره واقطعه

ترى الفراسه والسياسه مامعك فيها خشير= ابا ازهم الكبتن يوقعلك بختمه وصبعه
اللي زرعها بر كيف اليوم يحصدها شعير=عد السنه وحسب حسابك فالفصول الاربعه

الكبتن إمكبتن حسب قوله مع الجمع الغفير!!=والختم والاصبع لعله في ورقك يوقعه
لاجل انك انسانٍ محنك تجذب اسلوك الحرير=والضيق مالك فيه وتحب الرحابه والسعه