مرحبا ترحيبت ً تنشط لها كل الضماير=والعلوم الوافيه والطيبه من حظ أهلها
يعلم الله مانبا خوت عديمين البصاير=يالشمالي ماينوخ للحمول الا جملها

البقا بك والعلوم مصلّحه والدم فاير=من جهلها ما عرفهامن عرفها ماجهلها
المكاسب في زمان اليوم اقل من الخساير=كان عندك سالفه لاتسحي عجل وقلها

اخر الايام يامكثر عيال ام الكباير=جتك كلمه ياوسيع البال جب كلمه بدلها
يالشمالي فاخر الايام مدري ويش صاير=بارك الله في الرفيق الي ليا مالت عدلها

من بغا درب السنع يلقا السنع ماهوب حاير=والكلام يطول والزبده لقت رجال اكلها
انتبه يانايف الروقي يبيحن السراير=لاتبحّث في خفاها خلها تمشي قبلها

ياعسا نو المخايل يسقي أفياض الحفاير=الديار الي قتلها الوقت ليته ماقتلها
مانبيح بالسراير لو زمان الناس باير=كل نفسً ياوسيع المعرفه تلقا عملها

كان مريت الحفاير في طريقك وانت زاير=لد عينك في شيوخٍ روسها تحمى عقلها
مايصح الاالصحيح ولايقر الا القراير=يحفظ الله من وصل لاومور ماغيره وصلها

انت اشوفك فاخر الايام مثل الطير طاير=والعرب ما عاد ندري وش رضاها من زعلها
ليش الد العين انا ماني بخابر لي خباير=والدير يا صحبي كل العرب تعرف جبلها

انت نايم لين جوك وزهبوك وجيت ثاير=والعرب قامت تحايل مار ماتمشي حيلها
وانت شاعر مار يلذع فيك ماسٍ فى الظفاير=لو تزيّف فى الحقايق غصب عنك اردك الها

أنت أظنك صرت كسرن ماتجبرك الجباير=كم وكم ناسن خثلها الوقت يوم الله خثلها
مامعك حيله على راسك يدور ن الدواير= مار كم واحد يقول اعلوم مثلك مافعلها