ياسلطان الجذع نسمع علومك كل ليل ويوم = وتقرا نشرة الاخبار وانته تشرب البيره
الا ياللي تراسل بالخبر رده وهات علوم = علومك تالي الهجره دوادي يالله الخيره

علومي تردع الظالم وتنصر وقفه المظلوم =وابو عرام ماشفنا بعد.. شره ولاخيره
انا داري عن اللي في ضميرك ياكبير القوم =لكن الحلم كم مفسر(ن) يبلش بتفسيره

هلا يامرحبا والحين ارحبك على المقسوم = نبا خوتك مع خطً بعيداتٍ مشاويره
لك الله لي ثمان اسنين ياسلطان صح النوم = افصلها واقيسها معك مانعرف الحيره

علامك تخر الترحيب عن ضيف حضر معزوم =الا ياكبرها ياعبرها ياطيب السيره
من الديوان صادر ياوسيع المعرفه مرسوم =ولاهو يم رحال بدربه يشعب ابعيره

علامك شمت ياوجه السعد وانته قوي عزوم = الا ياللي تصلي لك صلاةً دون تكبيره
اظن الجن تهرج عن لسانك وانته المنجوم = لو اذكرك باقوالك ماغير تلعّن الديره

انا ماشمت مع ربعي رياجيل الوفاء ملزوم =لكن الوقت تبعدني وتدنيني مقاديره
ترانا مالحقنا فالسوالف ظلم وام الدوم =ولكن انشد سعود العصيمي واخذ تقريره

ياسلطان الجذع ماحدن يقدر عيشة المحروم = لاتشكي للزمان ولاتدوّر من معاذيره
ترى خانك لسانك قصدك الاهرام يا زيزوم = اثرك انته تراجع مرجعك وتجيب تبريره

والا ياصحابنا اهل ظلم ماغير الرجوم رجوم =تذروا سدها لاجاكم الصيف ومعاصيره
انا ماخانني منطق لسان ..ومقصدي معلوم =ولكن انت تفسيرك((مجنح ))شوف لك غيره

ترى اللقمه في حلقك نشبت وسدّت لك البلعوم = وطول الوقت تشحذ للغنم برسيم وشعيره
ياسلطان العن الشيطان واحذر لا تخاو البوم = ولاتفخر بخوتهم وتصبح عيرتك عيره

تسير بالخطاب اللي عليه من الشيوخ ختوم =واظنك تالي الايام من جرف لدحديره
قبل لا أعرفك هذيه {{وصيه جدي المرحوم}}=لكن ادفن علومك لاتزعل ساكن الديره

ترى ماحدن بطامع فيك وانته برطمك مشروم = ولا ياللي دلوّ الناس زارت جمه وبيره
قديمه يالجذع ترجع وتاطا الجمر يالضرغوم = تحولها على ربعك حسافه نجس تفكيره

انا مااحد بطامع بي وسيفي فالعرب ملحوم =ولكن انت كل طامع بك يالله الخيره
تصوم تصوم يالطيب وتفطر بالبصل والثوم =نبا رجلك تقدم وانت تفهقها بتاخيره

دمحت الاوله وانته طمعت وجبت لك برشوم = تراها وقفتينً ساريات بدون تأشيره
ولا ياجاحد المعروف مانبغا معك مطعوم = هذولا ربعك وذميتهم وايدينك قصيره

ترى تكرارها ماهوب بين الناس عيب لوم =يابن غنام بحر العز مرسيتة بوابيره
كبير السن وعلومك علوم صغير (ن) مفطوم =لكنك زر ثوبك يابيض الشارب بازاريره

المشاركة الأصلية كتبت بواسطة { سلطان الجذع } (المشاركة 336381) انا ماشمت مع ربعي رياجيل الوفاء ملزوم =لكن الوقت تبعدني وتدنيني مقاديره ترانا مالحقنا فالسوالف ظلم وام الدوم =ولكن انشد سعود العصيمي واخذ تقريره

المشاركة الأصلية كتبت بواسطة محمد الروقي (المشاركة 336386) ياسلطان الجذع ماحدن يقدر عيشة المحروم = لاتشكي للزمان ولاتدوّر من معاذيره ترى خانك لسانك قصدك الاهرام يا زيزوم = اثرك انته تراجع مرجعك وتجيب تبريره

المشاركة الأصلية كتبت بواسطة سعود العصيمي (المشاركة 337190) ولكن انشد سعود العصيمي واخذ تقريره هههههههههههه والله التقرير اللي جاني منك يالاسطورة لايوحي بالخير خخخخخخخخ صح لسانك على كل حال واصلوا