الليله المعنى سوات السيف ويقص العظم =يالي تود العلم علم به عتابه كلها
مرزوق حربه بارده والسم في جوف الدسم= قومآ يصادقها وقوم بحيلته يحتلها

الليله المعني بحر واللي كتبه الله يتم = ومع الطريق يبين لي دق العلوم وجلها
مرزوق يالنشمي على وضح النقا رز العلم = ماهو كما ناس مع الايام شاين دلها

العلم واضح مثل عين الشمس يامال الشحم= امش بسلوم الناس يامرزوق والا خلها
حنا رجال المعرفه والراس يتبعه القدم= اقولها واللي عقد روس الحبال يحلها

اللي بنا بيت الوفا مايستوي باللي هدم = كل العلوم اللي براسك كم وانا فاطن لها
حملك كبير وليلتك فيها ملازمك الندم = ياللي مسكت الارض وازريت الحمول اتشلّها

قصرآ قصيف الظل يامرزوق جعله يرجم= لاينبني بين القصور اللي يضلل ضلها
ياصاحبي مالك ومال الترك وعيال العجم= وش تستفيد من العجم يومنك اطبلها

يابو فهد حنا الرجال اهل المحامد والكرم = واهل الكرم ترفع مقام اصحابها وتجلها
الطيّب إله الطيب ويحصل على ذلك نعم = واهل الردى تهبا ويبقى بالضماير غلها

منته بري يابو محمد فالقضيه متهم= استح على لحيتك يامرزوق والا ثلها
انته تبا الضربه تجي في يام والا في دهم= والا تباها فالهنوف اللي تغازل خلها

يابو فهد يفهم لها الرجال وضيع الرخم = واللي بلش بالمشكله يتعب ويلقا حلها
وانته كلامك فيه ريبه واستلم من الاهم = لاتخلف الهقوات ياللي رفقتك ماملها

المشاركة الأصلية كتبت بواسطة رجـم النـايـف المطيري (المشاركة 334613) الله الله صح لسانك يامرزوق العتيبي وصح لسان النشمي تحياتي لكم ياخواني وانا متابع لكم 000 00 0 والصف صف زميلي شاعر النخبه النشمي ضد المدير مرزوق العتيبي

اليا رما شلفاه ابن غانم توقع في لحم=صل الفروض الخمس اخذ مني نصيحه صلها
نبا نسجلها على مرزوق وكتب ياقلم=وهل السيوف الحدب لا حمي الوطيس اتسلها

سنة محمد واضحه وبليس فيها ينرجم = ياللي تنادي بالصلاه اهملتها في حلها
نبا نسجلها على النشمي ونختم بالختم = ان الهدف ياراعي الحيلات ماتاصلها