العام بيرق ثبيت براس ضلع السيل منشور=واليوم فالوادي اللي دون ضلع السيل ثاوي
ما كل زولٍ يعوض بزول فالامثال مذكور=ولا كل من قال انا دكتور للعله مداوي

مايرتخي بيرق أهل السيل والكبتن على الكور=وان طاح بيرق ثبيت اتطيح في كشب متساوي!!
ايروح دكتور ويجيب الزمن عشرين دكتور=أخذ الحكم يالعتيبي من بعيدين الهقاوي

لو انّ به شمس شفناها امس صبح تشعّ بالنور =الله يجيب المطر وتسيل يالواد السناوي
انته منوّل كبير وصرت تال الوقت مكبور=لكن جوّد يدينك في وثيقين العراوي

أنته تعرف الحقيقه مير تعشق كلمة الزور= اتقول ذيب الخلا مات..وعليك الذيب عاوي!!
الوازعيه توفّت والغلا فالقبر مقبور=ياليتها كفِّنت في مشلح بخيت العطاوي!!

ما اذمكم يا صقورٍ طالعه من ماكر صقور=لكن يفرق بواجد عنكم الحر النداوي
ظلمت حظك ولكنك على غلطتك معذور=ما عاد تشري ولا تبتاع فالسوق الغلاوي

اقصور مابه قصور ولا على أهل عشيره قصور=لكن لا تقلع الضلعان يالسيل النحاوي
اقفى زمان السواط وفيصل العيه ومستور=ذالحين عصر العطياني ..وسلطان الجلاوي!!

اللي يقصّر بدينه ما يروح لجنة الحور=ما يعبر الجسر يسقط في لهيب النار هاوي
سلطان شاعر وابو مشهور ابو مشهور مشهور=ما باقي الا تعذرب في حبيّب والعماوي

اهل المحاني هواويه ماغير تلف وتدور=قد مات منهم بصكات الهوى اثنعشر هواوي!!
ماذم ربعي لهم فالملعبه صفً وجمهور=بالعكس تقديرهم كُبر السماء.. يازرق سماوي!!

اهل المحاني رياجيل على ملّه ودستور=اغلبهم شيوخ دين ايصدّرون من الفتاوي
نقّصت من قدر شعارٍ لهم بالمعرفه دور=اتقول كنّك محمّلهم يابن عمّي زراوي

لابالله الجاهليه عندكم ..والجهل مخبور=احكامك بالجنابي يالقضاه اهل الدعاوي!!
تبى تحاول تفرّق صفنا والصف طابور=مانفترق لو تهمقى صفنا وارد عراوي!!

ما انته على الكلمه اللي قلتها مرغم ومجبور=ما يشمت قضاة حقّ عتيبه الاّ كل غاوي
بكره يبا يطلبونك حقّ عند محكّم الشور=وتبرك على ركبة القاضي زبن ثم وش تساوي

حنّا نقول ونعم عرّاف واهل بيوت وقصور=والنعم مقسوم مابين الرفاقه بالتساوي!!
ركبة زبن سلمكم وانته لها منهي ومامور=يمكن تحت ركبة القاضي تحطون الرشاوي!!

تاريخنا من قديم الوقت بالنوماس معمور=وقصوركم يا ثبيت الكم حوالاها حراوي
ركبك حق الطليب وصرت منه اليوم محشور=واليوم تونس على كبدك منه عشرين لاوي