سلام الله على ربع ٍتسوق الطيب من غــادي=كما سوق المزون الساريه في مقدم اركونــه
نبأ ندرج علوم الشيخ والاجواد هجـــــــادي=على منهو ربأ في دارها والسوق بفنونـــــــه

هلا يامرحبا والسابقه تظهر من المادي=سرى ليل المغني يوم غنى القاف بلحونه
وألا ياصاحبي للعلم كان يجيه ردادي=ليا شاف العرب يدري ترى الايام ملعونه

سفير الدوله الصغرى يقرب حد بغــدادي=وانا صوتي يسليني عن المجنون وصحونــه
تحيزم ياعميلي لأ تجي بركاس وقيـــــادي=انا اسوقك كما سوق الجمل للي يسوقونــــه

انا مانيب بالحبل القصير اليوم ورادي=ترى المطفوق لاجاني نفخته نفخ بالونه
يجيك العلم يارجال فالتلفاز والرادي=وألا ياطيب قلب الورع والأصياخ مدفونه

انا ما اطول الهرجه معك سرداد مردادي=معانيها على الخيال منقوضه ومقرونه
يقولون الجوايز وزعوها جمع وأفرادي=وابن دمخان زرق الشلف من قدمه ومن دونه

انا دربي عزاز وسكتي في درب الاجــدادي=وبعض الناس يالغالي على الاديان مديونــه
يأ بن دمخان شوف السيل جاك محدرٍ وادي=وطريق السيل محذور المحيط ولأ تمرونــه

يقولون الجوايز وزعوهـا جمـع وأفـرادي =وابن دمخان زرق الشلف من قدمه ومن دونه

وش وسوم البعير اللي نشوفه طب فالنادي=عساهم لاخذوا وسمه على الثيل يعقلونه
عليك الله واكبر يالزمان الظالم البادي=لقينا وسط بطنك تسعمية عله وبونه

وسوم القوم معروفه وخل الوسم مــن زادي=عليها مطرق وحيه سيوف القوم مسنونــه
وانا لقيت الك سكه وراء غضات الأنهــــادي=تسوم الناس في سوقك ومثلك مايسومونه