توي بديت القاف قصدي مسكت الخط السريع = ثم اعترضلي رجم يالله لاتحيي عرضته
قم يالشمالي ياعريب الجد يالرجل الشجيع = افتح عيونك وانتبه للداب

ياللي بدعت القاف لاتبخل بشيٍ تستطيع=الله قدير وهمة الرجال تظهر قدرته
الله يبارك فى الرجال اللي لها حصنٍ منيع=والراس يالولا عقاله كان طارت غترته

الله يوفقك لطريق الخير ويجيب الربيع = مايخسر اللي عالم الغيب امتكفل نصرته
انته شمالي والشمالي خابره صدره وسيع = والمشكله يفقد شعوره يوم يفقد فروته

ياطير ياطير السعد تاتشتري والا تبيع؟=كم تاجرٍ في سوق الاسهم ضاع مكسب تجرته
انا شمالي وانت مدري عنك لو انك لكيع=كم من حفر حفره لكنه طاح داخل حفرته

مايستشك بكلمة الرجال ياكود الصديع = واللي يمد لنا ذراعه ماتكلف كسرته
الشاهد انك يالشمالي في تعاليقك فضيع = يالشاعر اللي في فنون الشعر تنقص خبرته

ياكبرها زبده والا ياما اسرع مالزبده تميع=واللي معه نعره ياما اسرع مانطلع نعرته
تشهد لكنك فى الشهاده ما انت لاقي من يطيع=اللي يناظر ماشقيت بسؤ لدة نظرته

يالفارس اللي جتلك الفرسان جت من كل ريع =كل(ن) بسيفه من على راسك يجرب ضربته
اليا شهدنا ماشهدنا زور واركد يابديع = ياشين فهم اللي بمفهومه يسبب نكبته

انا مع الفرسان وانته مالقينا لك صنيع=ماتسنك الاموترٍ سلفه يسابق نقرته
من يوم شفنا فى الجزيره فوق خمسمية مذيع=ماعاد ندري كم اجير و وش محاصيل اجرته؟