ويـــــن شعـــــار المحاورة وويـــــــن عشاقها
سلام لعتيبة الهيلا هل العادات وأهل الفعول
.................................................. ............والطيب ملكلّـــها والطيب ملكلّــــها ربعي ليا ضاقت الدنيا علي وشفت منها ميول .................................................. ...........عيـــطى ونزبنلّها عيــطى ونزبنلّها يالله يإخوان وترى وزن اللحن كذا لا تحسبون إن الشطر الثاني مكسور هذا هو وزنه أوله طويل وآخره قصير شوي،،وينكم ياهل المحاورة |
يامرحبا ياهلا بالفارس اللي ركب فوق الخيول
.................................................. ..... اقلط وسلم لها اقلط وسلم لها يالحر الاشقر سحابتنا ليجا الليل تمطر سيول .................................................. عتيبة اتعب لها عتيبة اتعب لها ابو سلطان |
إلعب وأنا ألعب ياأبو سلطان والمعنى بظهر الذلول
.................................................. .........والربع ما أمــلّها والربع ما أمــلّها حنا عتيبة هــــل الطـــالات وزحولن سلايل زحــول .................................................. .........وسيوفنا نســـلّها وسيوفنا نسلـّــــها |
انا معك يالصقر ساطي وعندي في المعاني بتول
.................................................. ..... خوتك اشفي لها . خوتك اشفي لها وانا عتيبي بعد والسيف في غمدة وحدة يهول .................................................. .... عدوننا نذلها .. عدواننا انذلها ابو سلطان |
متابعينكم يالربع متابعينكم ....
العب ياولد العب ........ |
المعذرة ياأبو سلطان على التأخير لأني إنشغلت شوي
خلك معي ياأبيض الشارب لو ان القاف معنا يطول .................................................. ..........جتنا على حلها جتنا على حلــــها أخيل لي مزنةٍ نشّت من البارح وفيها ثعول .................................................. .......والديرة تعلـــــّها والديرة تعلّــــــــها |
الله الله يالشعار
الليل الليل الجمهور ينتظركم .... |
الشارب اسود وفتح عينك الله لايجيب الخبول
.................................................. . ادرك مواويلها ادرك مواويلها يامزنة وبلها يثعل وفيها برق صار مخيول .................................................. اعرف وادور لها اعرف وادورلها |
أدعي لك بطول عمرك واثرك أنت تشك باللي نقول
.................................................. ........... المخطية خلّـــها والمخطية خلّــــها القيظ حر وسموم وفالشتاء تسمـــــع هدير الفحول .................................................. .......... لو ما هي بكّــــلها لو ما هي بكلّــها |
عاشوا
أدعي لك بطول عمرك واثرك أنت تشك باللي نقول
.................................................. ........... المخطية خلّـــها والمخطية خلّــــها القيظ حر وسموم وفالشتاء تسمـــــع هدير الفحول .................................................. .......... لو ما هي بكّــــلها لو ما هي بكلّــها |
خــل الدعـــاء للــــعجوز اللي لثامتـها عليـها بلــول
.................................................. ............ ياورد ادبلها ياوارد ادبلها يعجبك صوت الفحل ياللي على صحنك حبيبات فول .................................................. ......... والله ما ازلها والله مازلها |
مانتب غنين عن الله يوم تبذخ تحسب إنك رسول
.................................................. .......صلاتك وصلـــها صلاتك صلــــها أصحابنا كلهم عقــــــال ويمرون ماهم عجــــول .................................................. ......وراك تعجلّهــــا وراك تعجلّـــــها |
العاصفة تبرم المعصوف والمعصوف ينزل نزول
.................................................. ... شوشتك افطن لها شوشتك افطن لها اشوف الشجر طاحت اوراقة واشوف القلق مقبول .................................................. . غطست مثقالها غطست مثقالها |
وراك تخلف مسير القافلة وانته تعرف الأصول
.................................................. .....ماهوبٍ ممشن لّها ما هوبٍ ممشن لّها العازمي والزلامي والعصيمي وأبو وافي زمول .................................................. .....والحمل تشتلـــّها والحمل تشتلها |
صح لسانك
ماهوبٍ ممشن لّها ما هوبٍ ممشن لّها
وراك تخلف مسير القافلة وانته تعرف الأصول والحمل تشتلـــّها والحمل تشتلها العازمي والزلامي والعصيمي وأبو وافي زمول |
القافلة ضيعت درب التجارة ولفت مع طريق الجهول
.................................................. .......... خلك مخاون لها خلك مخاون لها شعارنا في السماء وغيومهم تمطر علينا ذهول .................................................. ......... لا يهمك احمالها لايهمك احمالها |
وشلون تسفط لإبن عمك مسافيط الطمن والنزول
.................................................. ........منتب زعيــــمٍ لها منتب زعيمـــــلّها ذولاك أهل ماقفٍ معروف في يومٍ يزوغ العقول .................................................. ....... ليــــــتك حليلّهـــا ليتــــك حليلّـــها |
انا اختبرتك وضني فيك طيب وسامحني على ما اقول
.................................................. .......... والحيلة احتالها والحيلة احتالها هيا بنا يالصقر نمشي على درب الرجال الفحول .................................................. ........ دروبهم كلها دروبهم كلها |
أنا على ماتظن وكل شين عندنا له حلول
...............................................وأع رفك كفوٍلها وأعرفك كفولها مشوارها يتعب ويرهق ولكن شد عفش الرحول .................................................أ رب ناصلها وأرب ناصلها |
الغالية غالية عندي وعندك محمية من الطلول
................................................. والروح فدوا لها والروح فدوا لها بتعب على شانها حتى لون الدرب كله يهول ................................................. وشعل قناديلها . وشعل قناديلها |
عاشوا الشعار
أنا على ماتظن وكل شين عندنا له حلول
...............................................وأع رفك كفوٍلها وأعرفك كفولها مشوارها يتعب ويرهق ولكن شد عفش الرحول .................................................أ رب ناصلها وأرب ناصلها الغالية غالية عندي وعندك محمية من الطلول ................................................. والروح فدوا لها والروح فدوا لها بتعب على شانها حتى لون الدرب كله يهول ................................................. وشعل قناديلها . وشعل قناديلها |
الغالية غالية تلقى لها عند النشاما قبــــول
.................................................. والقرم يدّلــــها والقرم يدّلــــها إتعبلها لو تمضي لأجلها يالقرم عشرين حول .................................................و تصير رمزلّـــها وتصير رمزلّـــها |
الله يدل المسافر ويستر على اللي ساكنين السهول
.................................................. ...... الله يسهل لها الله يسهل لها في دارنا سـاكن ولاكنة مع الايام حب الفضول .................................................. .... طبيب ودواء لها طبيب ودواء لها |
قالو تزول الجبال الشامخة والطبع صعبٍ يزول
.................................................. ..... عساك تفطلها عساك تفطلها غيّرت في بحرها وأخذت فالمعنى تصول وتجول .................................................. ......وشلــون نمهلــها وشلـــون نمهلها |
صحيح قول الحكيم اللي يمثل ويذكر لي مثول
.................................................. .. فنونها حلها فنونها حلها ابعد مسافاتك وشرق وغرب واشرب الماء زلول .................................................. . وكفخ وحلق لها وكفخ وحلق لها |
الظاهر إنك يا أبو سلطان من بعض الدعاوي ملول
.................................................. ........عيني مورلّها عيني مورلّها رسمت لك خطها فوق الهدا وتمرّ ريع الحجول .................................................. .......سافر وكيّــلّها سافر وكــيلــها |
خلووووووووووووووووووها
بالعكس انا ديم على الدعوى افتح ف القفول
.................................................. ... عينك اسلم لها عينك اسلم لها خط الهدا فيه ازدواجية وفية اصلا صلول .................................................. . كيلوهـــا كــلـها كيلوهـــا كــلـها |
لا هنت يا أبو سلطان والعذرة إن حصل مني زلة وما قصرت والقاف شاب وإدخل على المحاورة الثانية في صفحة شعر المحاورة
|
بيض الله وجيهكم
لاهنتوا على ماقدمتوا ولعب ومعان جزله وحنا معكم على الموضوع الجديد الــــحــــر الاشـقــر وابــوســلــطـــان لــلــمــره الــثــانــيــة |
ما شاء الله واصلو واصلو
انا اشهد والله انا اشهد |
الساعة الآن »02:20 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd