ياسلامي عد ماهبت نسانيس الهبايب=للحضور الي تشاهد ماكتبت وكل غايب
مار يامرزوق ظني فيك طول الوقت صايب= انتبه للأوله والثانيه واللي بعدها

اكثر الشعار يامرزوق غايب=مار ياليتك تكرم بالاجابه
ماتجي بعض الدعاوي بالغصايب=مار بعض ايامانا فيها غرابه

مرحبا ترحيبة ٍ من خاطري غالي ثمنها = فيك ياللي كل ساحات الرجوله شلت منها
دايم ٍ شرواك طني مايروح بعيد عنها = انتبه للاوله والثانيه واللي بعدها

موجع ٍ قلبي فراق اغلى الحبايب = طيبين الساس ورجال المهابه
يامحمد كل هالدنيا غرايب = لكن المشوار حسب له حسابه

سارت الاقدام غرب وشام واللي صار صاير=ماعليك خلاف رجالٍ ماتجهلك البصاير
المراجل ماتفرّش بالحرير وبالحصاير=انتبه للأوله والثانيه واللي بعدها

اخذ مني حكمةٍ من راس شايب=الدهر مابين ميله وانقلابه
فيه بعض اومور منها البال طايب=لااعتزيت بواحدٍ مايعتزابه

الدهر معروف يارجال والمولى يديره = انت ياللي محفي الرجلين تاصل كل ديره
لاتقرب حبتك حول الرحاه المستديره = وانتبه للاوله والثانيه واللي بعدها

ابذل المجهود ثم حث الركايب = لاتخاوي واحد ٍ ضاعت ركابه
وانت رجل ٍ ماتحسب للصعايب = ذيب يامحمد ومن نسل الذيابه

أخذ يامرزوق علمي ثم رد العلم عني=لابدا نور القمر غابن نجومٍ يلمعني
كم بالٍ مستريح وكم من بال متعني=انتبه للأوله والثانيه واللي بعدها

الله اللي يعطي الحكمه وهايب =والعوارف تختلف والا تشابه؟
وانت رجلٍ ماتجالس كل خابب=والغشيم يشيل سمه في زهابه