لقيت بالعتبان خمسة عذاريب !!!
 

محاورة رائعة جداً ( شمرية _ عتيبية )

بين رجلين أحداهما من شمر والآخر من عتيبة الهيلا أعجبتني حد الجنون

بالبداية سأذكر لكم مناسبة

القصيدة .



مناسبة القصيده:

أصيب ثامر بن فلاح بن شامان الشمري إصابة ادخلته المستشفى

وكان في دورة عسكريه مسؤلها المقدم تريحيب العتيبي واثناء وجوده

في

المستشفى

كانت قد اوشكت الدوره على الانتهاء وطلب والده من المقدم تريحيب

تمكينه من التخرج مع خوياه ،، وكان له ما اراد ،، وبهذه المناسبه أتى ابو

ثامر بهذه القصيده وسلمها الى تريحيب..





سـلام منـي للمقـدم تريحيـب

اعداد ما خط القلـم بيـد كتـاب

وعداد ما غنوا هل الفطر الشيـب

بأرضٍ خليه ما بها غير الاعشاب

وأعداد ما ذعذع نسيم الهباهيـب

وأعداد ما سجيت رجلي للاقـراب

ما هي غريبه منك يا كاسب الطيب

حلياك من نجمٍ تبيـن ولا غـاب

شريف ما يدخل على ساسك العيب

من يفعل الحسنا بالاجواد ما خاب

لقيت بالعتبان خمسـة عذاريـب

الطيب والنخوه وتقدير الاجنـاب

دون الخوي يا طون حر اللواهيب

وان حدت الدنيا يفكون الانشـاب
وجاء الرد من : تريحيب بن سويلم العازمي العتيبي




حي الكتاب اللي من الشمري جيب

اقولهـا بالصـدق مانـي بكـذاب

يا مرحبا عد النجـوم المراقيـب

ترحيب مشتاقٍ ليا شاف الاحبـاب

بكتاب ابن شامان رجل المواجيب

فيه الجواهر بين صايغ وحسـاب

بنيت له بأقصى ضميري دواليـب

هذا الرصيد اللي كنزته وراء الباب

من شأن ثامر يرخصن المطاليـب

خوينا الطيب له الحـق غصـاب

خوينا ننصاب مثلـه ليـا صيـب

نمرض معه ونطيب مثله ليا طاب

يا عل ما يفتق على مثله الجيـب

والله يجيره من صواديف الاسباب


والف نعم والله بعتيبة افعالهم ترفع الراس عسى مانعدهم

وسلامتكم

ماعليكم زود يالطنايا وفعل الطيب في اهل الطيب ليس بغريب على ابن سويلم وامثاله من الرجال

ما عليكم زود وبيض الله وجهك يالشمري وننتظر منك المزيد يابعد حيي

تستاهل الطيب ياالشمري

وقصيده جزاله

وفالك التوفيق

ومن قال لايهون بصراحة عتيبة فيها من الميزات مايرفع الراس وتستاهل المدح والتمجيد

شكرا على مرورك ولاهنت طال عمرك

العابر
هلابك وصح بدنك وعسى الله لايهينك

ما عليك زود ومشكووور

مروي العطشا اشكر لك المرور وعسى الله لايهينك

بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
السلام عليكم ورحمة الله وبركاته
(((((( عندما يكون الكلام عن شمر ))))))) فلن يقدر احد ان يوفيهم شي ... اي كرم.اي رجولة . اي جيرة .... ال فنيدل جيراننا من قديم واللة ان رجالهم بالف رجال ...واللة اني احبهم واعزهم ال 000شمر 000(الهيلوم 1383.النفيعي)

مو غريب على عتيبة


الطيب



ولا يهنون شمر وحميع القبايل




نقل رائع اخوي




وصح لسان الشعار

بسم الله الرحمن الرحيم

العلم الطيب رأس مال الانسان في هذه الحياة.

الله يجعلني واياكم منهم.

تحياتي

(

511

)