ليلة فرح يا اهل الفرح وافرحوها=بالطيب يااهل الطيبات ابرحوها
حفلة مناحي ناجحة نجحوها = واللي يقدم طيب لا بد يلقاه
ابتدا الموال يا شعار = وابتدا دور الرباعية

مبروك يا سامي ومليون مبروك=حضرت من شأنك وتقدير لأبوك
يا مناحي اقرب دوك جاك السعد دوك = واللي يقدم طيب لا بد يلقاه
دونكم ما يعذر المعذار = جيتكم والنية النية

يا اهل القلوب اللي يغذيها الايمان = العفو عند المقدرة فضل واحسان
ادعوا عشان قبلان يعفو لبدهان = واللي يقدم طيب لا بد يلقاه
يا مناجي من عذاب النار = اعف عنا وادفع السية

الله يقوم حظكم يا مناحي = وادعي لسامي بالفرج والصلاحي
ما فيه طيرٍ طار ماله جناحي = واللي يقدم طيب لا بد يلقاه
طب في سوق الخيار اختار = وانت بين الشمس والفية

مشكور يا حبيب بكل المساعي=وانا ادري انك صاحي الفكر واعي
عسا الدعى مقبول من كل داعي = واللي يقدم طيب لا بد يلقاه
قلتها يا طيب الافكار = فالقنوات الفضائية

انبادلك تحيةٍ في تحيتك = و إدع وعطاك الله على قد نيتك
والناس ما يرجون شمسك وفيتك = واللي يقدم طيب لا بد يلقاه
اشترينا غالي الاسعار = ما حسبنا للشريطية

انا بلايه دمعة الشايب اللي = يبدو لي انه من زمانه مولي
ينخى ويسترحم وانا جيت كلي = واللي يقدم طيب لا بد يلقاه
قلتها واعيدها تكرار = والرسالة رقمها مية

يا وصل جايٍ فيك ريبة وشكة = تقولها ما كننا وسط مكة
لكن صك الباب هذاك صكه = واللي يقدم طيب لا بد يلقاه
طايرة طارت بلا طيار = حمّلت بذخيرةٍ حية

ماهو لحالك كل واحد يشوفه = شايب وجعل الله بحاله يروفه
يبكي وفي جنبه تباكى ضعوفه = واللي يقدم طيب لا بد يلقاه
والله اللي يعلم الأسرار = يمكن الدعوى سياسية

الشكّ حولك يا ملخبط فالأرقام = تبغى تقدّم بارد الحيل قدّام
دفع البلا ما كنّ في قلبك إسلام = واللي يقدم طيب لا بد يلقاه
لو ما حشمة كبار مطار = ما تركتك فالسعودية

اللي يا عواض دوب استوى الجو = لا عاد لا تلجو ولا عاد نلجو
نسمع علوم الناس لو كان ما جو = واللي يقدم طيب لا بد يلقاه
اذكر الله وإعرف اللي صار= للبضاعة والحرامية

وصل يسولف بالخبر ما يهمه =والعلم ما يعرض على غير عمه
حنا لنا شيمة وقيمة وذمة = واللي يقدم طيب لا بد يلقاه
ميّز المدخال والمضهار = خل لك روحٍ رياضية

الجو صافي يا مغنّ القصايد = ما تترك العادات قوم العوايد
والرجل يعرف عند وقت الشداد = واللي يقدم طيب لا بد يلقاه
أذكر الله وانت لا تحتار=صيدة القناص مشوية

ذمتك يا زيد العضيلة وسيعة = تسيّر اللي ما شرعته شريعة
قطع الرجا هذا يا مال القطيعة = واللي يقدم طيب لا بد يلقاه
البعير اقفا به الجزار = قسّمه بين الشقردية

سباحنا اللي فالبحور العميقة=يغوصها بالثانية والدقيقة
هو ما درى ان القرش قاضب طريقه = واللي يقدم طيب لا بد يلقاه
حسبي الله والبحر غدّار =والعمل مقرون بالنية

إسمع ووصّل هرجتي للجماعة=كل يقوم ونجدته من ذراعه
ومن ضاع يعرف ويش سبّة ضياعه = واللي يقدم طيب لا بد يلقاه
استدارت والفلك دوّار=والسبب قدرة إلهية