ياتركي البراق ويش العمل ويش
 

ياتركي البراق ويش العمل ويش
امس الطيور البرق ماتدرك العيش
وفي وقتنا التالي هذا جالها ريش
يالله على بابك يافتاح الابواب ..



مابتلى الطيبين الا عيال الرخوم =بعد من نعمه الله ملت بطونها
عانهم من ورى الشاشات شنوا هجوم=من نجاح العتيبي كثرت غبونها

سلطان الجذع ×× تركي البراق

يعني محاورة متميزه

والموضوع مميز بعد


صح لساانك ياسلطان وبانتظار تركي ...

وبما ان الموضوع محايد انا في صفكم كلكم !!

الله الله حياااك الله ياسلطاان ولي الشررف بمجااراتك .. طال عمررك

استللم


اللاش ياسلطان مهما حصل لاش.
يعني على ماقيل هرجن على ماش.
يوم انها ميقاف .. قبل امس منحااش..
يالله على بابك يافتااح الابواب

عن قليل المروه يارفيقي نشووم=العتيبي ورا الحروه مهو دونها

يومها بالسيوف الحدب ولا السهوم=نفرك خشومها ثم نلطم عيونها

طلال الثبيتي بيض الله وجهك
وشاكر لك على المرور المشرف

هلالالالالالا ياطلال حيااك الله وحي المحاوره الي جابتك :)

وصفي وصف الجذع وااااااحد وواشكرك على مرورك

دمت بخير,,,

هلالالالالالا يابو منذررررر
حياك الله ياطويل العمر وحي الله المحاوره الي جابتك

شكرا على مرورك الكررررررريم وومنكم نستفيد طال عمررك :)

دايم تحرش بالطويلين ..الاقزام
وحنا عيلهم صبرنا طول ايام
وان كان زادت شكرهم طلقه حزام
يالله على بابك يافتاح الابواب



اسمع الصوت لكن ماورى الصوت قوم=غير قوم مرابي الذل فركونها
كم لطمنا العيون وكم فرقنا الخشوم =قلتها والعرب غيري يقولونها

يبقى الهلامه لو تمرجل هلامه ..
وقد قال من ملفي واقتبس من كلامه .
(لاباس حنا في مواري القيامه ) .
يالله على بابك يافتاح الابواب


الله يعز منهو لفهم بالكموم=وعاش صاحٍ العرب في جنب مجنونها

سيفنا فاللوازم ماغطته الثلوم= كلمةً من قديم الوقت يوحونهااا

صح لسانكم ياشعار عتابه المبدعين

تحياتي لكم يالهيلا

وانا متابع معاكم للاستفاده

رجــــم النـــــايـــــف

حنا هل الطالات والراس مرفوع
روس القبايل تمتثل لامرنا طوع
يوم انها بخيول وسيوف ودروع
يالله على بابك يافتاح الابواب



يالثبيتي ترى العز ماتجيبه علوم =غير بافعال العالم يعدونها
الاماني تراها راس مال محروم=يمتنون العلوم ولا يسوونها

رجم النايف بيض الله وجهك
ياشاعر مطير

مرزوق العتيبي
شكرا على المرور
والمتابعه

يامديرنا الغالي

ياصاحبي سلطان انا بنشدك عن

وارد عراوي لابدا طرقةً حن

يحسب من اهل الفن ..ومضيع الفن ..

يالله على بابك يافتاح الابواااااااب

يالجذع والمواقف من نصيب القروم=والعتيبي من أول دق عربونها

السماء يالجذع مليا حرارن تحوم=والحقايق تبيّن ولو يخفووونهااا

هذاك خبل بكل وجه يتمشى

ومن الهزايم قش فالوت قشا

كم واحد من فزعته ماتعشى

يالله على بابك يافتاح الابواب

الركايب يقال خدودها للوسوم =جاتك رسالتي والسر في مضمونها
ماعلينا خلاف ولاعلينا هموم=كم طحنا الحبوب وزان مطحونها

ّ


صح السنتكم .. يا بمدعين

:)

يا سلام

حيثما اجد سلطان الجذع اجد الابداع لله درك

وصح لسانك ولسان مروي الشطير