|
طفل صغير في رأسة حميه ..
السلام عليكم
مساء الخيرات للجميع هذا موقف طريف حاصل وأردت تنزيلة في المنتدى ولد أخوي عمره 7 سنوات توه في السنة الثانية أبتدائي الولد في رأسة حمية ماهيب صاحية وتوه صغير المهم الذيب يدوج في الفلل عندنا ويدخل يدور الجوالات اللي تشحن وماأحد عندها يخمه ويروح بيت الشعر ويتكي ويقعد يخرش الجوال رسائل ليوسف أقل حاجة عشرين رسالة ثم يرجعه مكانة في الشاحن وبعض الأيام يغيب من المدرسة علشان أذا راحو أخوانه للمدرسة يعرف وين مكانات الجوالات المزبنة ويطلعها ويقعد يخرش رسائل على رقم 48 ليوسف وأذا رجعوا من المدرسة لقوا الجوالات مفصلة أو مخلصة شحنها ويومين وأنكفش كفشة وهو جالس في عز القايلة في بيت الشعر يرسل هههههههههههههههههههههه هههههههههههههههههههههه لله درة هالبطل الصغير اقسم بالله أنه مطنوخ وفي رأسة حميه مجنونة .. تدرون كم رسالة أرسلها والله وقسم بالله أنها 416 رسالة اللي حسبناها هذا طفل فكيف عاد حنا يالكبار تحياتي للجميع أخوكم/فيحان العضياني |
هههههههههههههه
بالله حب لي خشمه كفو والله لاهنت يافيحان |
أسعدني مروك ذعار
وابشر بسعدك لاهنت يالغالي تحياتي لك.. |
هههههههههههههه لا تستغرب هذا عتيبي والله يحفظه لأمه وأبوه دمت بود أخوي فيحان العضياني |
دامت ايامك كلها سعادة
الباسل لاهنت على المرور تحياتي لك .. |
تسلم يدينه البطل
|
بيض الله وجهك ، ووجهه
عز الله أن أمه جابت ولد تحياتي يا ولد العم |
بيض الله وجهه ووجه من جابه ،،،
لا تستغرب هذا دام الدم العتيبي يجري بعروووقه . بالله عليكم تشترون له شريحة وجوال وتخلووونه يصوووت. بالله سلم لي عليه ، وقل شد حيلك . عاشوا عتاااابه .. |
مندوب قوقل
سلمت يالغالي عالمرور تحياتي لك ... |
فهد القثامي
ووجهك ابيض ابن العم سلمت على المرور تحياتي لك ... |
كاسب الطيب
ووجهك ابيض ابن العم مايحتاج توصي علي الحرام أني شاري له شريحة جديدة رصيد 200 وثلاث بطاقات أم 100 سلمت يالغالي على المرور تحياتي لك ... |
عز الله انه ذيب
وبيض الله وجهه كذا العتبان دايما اهل حميه |
ما شاء الله عية وله عندى هدية قيمه بس زودني بعنوانه الله يحفضة لوالدينه طبا على الخاص
|
خخخخخخخ عتيبي اصلي ذا كفووالله فديته حبلي على خشمه الذيب خخخخخخ نقطه يا شباب الي ماله نفس في شركة مبايلي يطلع بأسمه ثلاث او اربع شرايح ويكرفها ثم يكبها وبعدين اذا بغى يطلع شريحه يطلع بأسم اخوه للمعلوميه حدها الاتماني خمس ميه يعني اربع شرايح فيها الفين ريال تصوت فيها ونااولكم
|
يمال العافية
الله يحفظة لعين ترجيه ويبارك فيه لوالدية ونعم التربية ما يستغرب على نسل الاحرار ,, |
400 رساله ؟؟؟؟؟؟؟؟؟؟؟
كنها قويه هههههههههههههههههههههههههه والله لو 400 رساله كان خلاص فاز يوسف |
اشهد انه نشمي صغيّر
الله يحفظه لاهله |
ذيب ولد ذيب سلملي عليه وقوله يوصي عيال فصله بنفس الطريقه لا تنسى |
سنافي الهيلا
والله ثم والله واللي رفع سبع وقسم بالله العلي العظيم وبعزة وجلالة أن هذا اللي حاصل ياولد قعدنا نحسب الرسايل اللي في الجوالات اللي ارسل عن طريقها لقيناها 416 رسالة .. طبعا منها الأسبوع الماضي ومنها من يوم الأربعاء الى بعد صلاة الجمعة آمس ههههههههههههههه مطنوخ هالصغير .. |
سبحان الله ورعان عتابه يرضعون الفزعة والنخوة مع حليب امهاتهم
|
خخخخخخخخخخخخخخخخخخخخخ
والله انه ذيب امعط الله يخليه ويصلحه ولا هي غريبه عليه الحميه لانه نسل ااحرار مشكور اخوي |
| الساعة الآن »11:53 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd