سلام تسليم الرجال اللي على سلم الرجال = جينا على وقت الوعد 000 والنار من شبابها
الليل توه ماسرى ياللي تواعدنا تعال =ترى الوعد مثل العهد 0000والنار من شبابها

يامرحبا في مرحبا عداد ما يبد الهلال=من يوم جيتوا فالبلد والنار من شبابها
لا والله الا ساع زان الليل ما فيها جدال=ليلٍ ما ينسى للابد والنار من شبابها

ياربعنا بعض الدعاوي ماوراها راس مال = مابعدها غير النكد 000 والنار من شبابها
اسمع كلامي وافهمه مال الحمول الا الجمال = ما انته بحلال العقد 00 والنار من شبابها

ما ضاع من قسمك يابن عمي دقاق ولا جلال=مار العرب فيها حسد والنار من شبابها
ياللي تعاين فيّ عاين فالجنوب وفالشمال=اللي صدر واللي ورد والنار من شبابها

ماني مجامل لاتجامل سرهايابن الحلال = لن كان لك عزم وجهد...والنار من شبابها
ترى الشداد احنا هل له من قديمات اليال= عندي مع الحجه سند ...والنار من شبابها

خيّل على راسك خيالٍ ما حصل مثله خيال= فيه الصواقع والبرد والنار من شبابها
سبحان من غيّر حوال الناس من حالٍ لحال=تال الليالي ماش احد والنار من شبابها

انته علامك قمت تبنيها على جرف(ن)هيال = ليتك تعلم من نشد والنار من شبابها
ترى الهوى لو هب مايثر على صم الجبال = يا ليت صاحبنا رقدوالنار من شبابها

انا موردها يابن ثعلي على العد الزلال=فالاوله واللي بعد والنار من شبابها
ترى الحقيقه ما تزعل يا كريمين السبال=والعلم ساع انه ركد والنار من شبابها

انته تسد اللازمه في كل وقت وكل حال = اكيد من يزرع حصدوالنار من شبابها
ماني بضايق يا ولد من كثرقيل و كثرقال =والليل وابشر بالسعد والنار من شبابها

وانا اعرف انك فاللوازم من طحاطيح العيال=ابوك عقب له ولد والنار من شبابها
انا ما اذم الطيبين اهل الكرم واهل الدلال=مسعود وسعيد وسعد والنار من شبابها

يالشاعر اللي تفهم المعنى ترى جاله مجال0 = أعنز على الله وأعتمد والنار من شبابها
حنا عريبين المناسب فالجدود وفالخوال = ماأذم في منسب حمد والنار من شبابها