سلام الله على الشعار من فيض الهجوس اللي = جزيلات المعاني من مزاياها ومكسبها
والا يا اهل الشعر مازونه القيفان بالملي = وخيال الأصيله يكرب احزامه ويركبها

هلا يامرحبا ترحيبةٍ فالشد والحلي = وياطيبك يابن الأجواد كما ليلتـك مطيبها
تفضل والسيوف مصقلاتً وقتها حلّي = لها من دم أبو راسين والحلقوم وحبحبها

ليامن السوالف جات بين الربط والحلي = تحيذر لاتطوفك حاجتن ما انته بحاسبها
والا ياللي تشيل السيف لاياقع من الذلي = وتصبح مشكله ياللي من الراعه بلشت ابها

ليا منك تعبت امن الثقيلة ياولد قلي = بشيل الكايدات امن الحمول وباتعقبها
أنا فالماقف الغصاب والله مارتخى حملي = ترى طبع الجمل هـدّاج لا من راد يشربها