مرحبا في حلة العتبان ياقاصي وداني = والبدايه قوموا صفين والباقي على الله
من يبا بكر البيوت ومن يبا عذب المعاني = يقلط ويشربله الضرمان من فنجال دله

البقا يلي ترحب وارخ من يدك العناني = واسرج الخيله الاصيلة عان دربك وانت دله
مااخطر فاللقلب ياخالد يجيك ابه اللساني = والضماير تزدحم ببيوووتها( نقظه وحله)

والله انا فالمواقف واقفين ولا نعاني = بالشجاعه حاضرين وبالكرم حنا هلله
استوا طبخ القصيد ولانجيب الا السماني = والهدف بين النجوم العاليات المستهله

نعم نعم ونعم والله في طويلين اليماني = وان بغيت الصدق كلٍ يالعصيمي في محله
مانبى طبخه ولكن شد حقبه والبطاني = وان طرحك القاف خله بعد ماخلاك خله

ماعليكم زود كلمه حق يتبعها ضماني = والكلام الصدق فهل الطيب لايمكن نزله
لا تعجل يارفيقي لايدوربك الزماني = ثم ترجع في خرابه عقب مامسكنك فله

اسر ليلك والجدي فوقك مناحر لليماني = وانتبه فيها نجومٍ غيرها فوقك مطله
ان بغيت الفرض كبر واقر في سبع المثاني = واركع وسلم ( وفرضك يالعصيمي لاتخله ) !!

والقمر نوره يشع الكون في أعلا مكاني = منت علام الطبيعه تعقد الحبل وتحله..!!
مانبا فتوا من الي حج ماصام ارمضاني = لو يطولبه الدهر دينه يجوز انه يمله .!!