شاعر المليون محمد مريبد العازمي (رشيدي)وليس عتيبي
 

كنت قديما اعرف ان العوازم من عتيبة ولكن الان لمست ان فيه فخذ من الرشايده يتسمون بهذا الاسم

ويطلقون على انفسهم العوازم

وقد دار بيني وبين احدهم اختلا ف في نسب شاعر المليون محمد مريبد العازمي

فقد نسبه الرشايده اليهم على انه رشيدي

وانا الى الان لاادري هل هو رشيدي ام عتيبي

فياليت احد الاخوان يتفضل مشكورا بنسب شاعر الميلون محمد مريبد العازمي

يعني اجل صدق الرشيدي هو منهم

انا اعطيك الجواب حول هالموضوع


اولا محمد مريبد عازمي وليس عتيبي والدليل انه ذكر اسم جد القبيلة في احد قصايده


وبخصوص علاقة العوازم بالرشايدة , عندنا بالكويت بعض العوازم مسجلين بإسم الرشيدي وربما الصحيح
ان بعض الرشايدة مسجلين باسم العازمي

فلا يوجد فخذ بالرشايدة اسمه العازمي ولا فخذ بالعوازم اسمه الرشيدي

والله اعلم

محمد مريبد العازمي من عيال عطا يعني مو عتيبي

بارك الله فيكم يااخوان على التوضيح والالتباس في الموضوع

اشكر جميع اخواني الذين قاموا بالرد الصحيح


واشكر كاتب الموضوع الأخ حجاب

نعم اخي محمد مريبد عازمي من عيال عطا

وهذا للأسف يلتبس على الكثير


فالعوازم قبيلة مستقله وليست فخذ تتبع قبيلة وقد التبس على الكثير هذا الموضوع


فنعم هناك من يكتب عازمي رشيدي في المدينه المنوره

ولكن هؤلاء لايعترفون فيهم ابناء قبيلة العوازم وقد قاطعوهم لحين يغيروا اسم الرشيدي من بطاقاتهم

ونحن لانسب قبيلة الرشايده فهي قبيلة كريمه

ولكن لايصح الا الصحيح

فالعوازم قبيلة مستقله ومنتشرون بجميع العالم العربي

ولكم الشكر على الطرح الجميل اخواني جميعا

حلم العمر ليسوووا من هوازن
كلنا نعرفهم عيال عطا

مشكور على التوضيح

صح لسانك يالصابري فالعوازم قبيله مستقله وعريقة وغالبيتهم في المنطقة الشرقية والكويت
وهم معروفين ,


عازمي من المنطقة الشرقية

مأظنيت انه عتيبي لانه قال بنى عطــا ...

والله ماشاء الله عليــه شـــاعر !!!

بسم الله الرحمن الرحيم

الحمد لله رب العالميـن والصلاة والسلام على أشرف الأنبياء والمرسلين أولا أشكر أعضاء وزوار منتديات قبيلة عتيبـة

على أهتمامها بشاعر المليـون / محمـد مريبـد الفهيـدي وردود الأخـوان الذين اثنـوا على الشاعر وقالوا انه شاعر ويستاهل

التصويت وهذا يدل على الذوق الراقي منهم وتشجيع الشعر الرااائع للأسف ما يحدث الان بشاعر المليـون يتحملـه

المشرفين على البرنامج وأتضح أنه بالفعل برنامج مـادي ! وأثاروا العصبية القبلية بين أبناء وطن واحـد هـو :

المملكـة العربيـة السعوديـة أما بقية الدول ليس لنا دخل بها يكفي ماقله الإماراتيـون من ألفاظ وفي مجال يرتفع الشاعر

في هذا المقام أنه يذكر وهو كرة القدم أو ما أشبه ذلك يعني فعولهم بس فالكورة و و و ...ألخ .

أما بخصوص الموضوع : محمـد مريبـد العازمـي ( رشيدي ) وليس عتيبي .

فالشاعـر / محمد مريبـد الفهيـدي الصابـري ليس من عـوازم العتبان وليس من عـوازم الرشايدة وإنمـا هـو مـن :

قـبـيـلـة الــعــوازم الاد عــطــا التي يسكـن اغلبهـم في دولـة الكويـت والمنطقـة الشرقيـة

مـن المملكة العربية السعودية ...

وأحد الاعضاء ذكر انـه فالكويـت فيه ناس يسجلون العازمي الرشيدي وفيه الرشيدي العازمـي فأنا أقول له يأخي

الكويـت ليست مقياس فالكويت بلـد جابر الخيـر وكان يقصده الناس من قديم الزمان لكي يحصلوا على وظيفـة ولكن

بشرط ان يكون لك قريب في الكويت فكما يعلم الجميع أن الفزعـة كانت هي العامل السائد في ذلك الوقت وكل واحد

يقول لزميله تكفى أفزع لي أنك تعرفني ويفزعله ويسجل اسمه نفس اسم خويه لو كانوا من قبيلتيـن مختلفتين

يعني بس فالوظيفة إثبات والا كل الناس تدري أن هذا من قبيلة وهذا من قبيلة فعلى سبيـل المثال واحد مطيري

الله يذكره بالخير ساكن فالخفجي جانا عند عمـي فالخفجي وقالوا عمي هذا فلان بن فلان المطيري العازمـي يقولها يضحك

أنا احسب فيه فخذ من مطير أسمه العازمـي ويوم راح المطيري سـألت عمي فقال من قبيلة مطير ولكن أول يوم الناس

تدور الوظائف جاي فالكويت وكل أخوياه عـوازم ولايعرف مطيري فالجيش الكويتي قال للعـوازم تكفون واحد يكفلني

أنه ولد عمـي والا أخوي عشان أسجل فالجيش وكفله واحد من الــعــوازم وسجل فالجيش يقول عمـي قعد 15 سنـة

فالكويت وبعدين رجع للسعوديـة وكتب المطيـري...


أما الأخ العضو / أبو مرحبا يـوم يقـول خوال محمـد مريبـد المشاعلة من الرشايدة فهـذا كلام غير صحيح !!!

إنما خـوال محمـد مريبـد الهضابيــن من السراحيـن من الفهيـدات ...

وشكرا للجميـع وشكرا مـرة أخرى لمنتدى قبيلة عتيبة ...

يوجد العازمي الرشيدي وهم في المينة المنورة وموجدين في مشرفة وهم عوازم من الصوابر معترف بهم لكن لقلتهم كتبوا الرشيدي لعدم تواجد قبيلة العوازم في تلك الأرجاء

القوبع أشكرك على الرد ...

ولكن ياخي الدعوى بالعقل يعني العازمي الرشيدي طبيعي يرجع لبني رشيد

والعازمي العتيبي طبيعي يرجع لعتيبـة

والفهيـدي العازمــي طبيعي يرجع لقبيلة العوازم الاد عـطـا ...

وشكرا للجميـع وأتمنى انك تقرأ الموضوع اللي نزلته فالمنتدى العام وهو منقول من :

مجالس قبيلة حرب الكريمـة ...

اشكرك نعم ليس من هوازن

محمد مريبد ألف نعم فيه


وشاعر مافيها كلام


لكن محمد عازمي من عيال عطا كما قال

بني عطا أهل الصفات الكريمة

وليس رشيدي

ولا يوجد عازمي رشيدي

قد يكون هناك من يسجل العازمي الرشيدي ولكن هم بالأصل ماهم من بني رشيد

ولكن لوجودهم بالقرب من ديار بني رشيد سجلو ا الرشيدي


ونعم فيهم وبجميع القبايل







إحترااااااااااااااااااااامي

اشكر جميع الأخوان اللذين شاركوا بالموضوع


وأوضحوا لنا الصوره الصحيحه


وبالخصوص الأخ الصابري


ونحن جميعا أخوه في الأسلام وفي الوطن

[b][b]السلام عليكم ورحمة الله وبركاته وبعد

شكرا لادارة واعضا منتدي قبيله الهييلا عيال عتاب على اتاحة الفرصه لي بهذا المنتدى الرائع هذا اولا........

ثانيا احب اشكر الاخ حجاب الشيباني على موضوعه الرائع حول الشاعر محمد العازمي

في هذا الموضوع انا كنت سابقا اعتقد كما تعتقد ياخي حجاب ولاكن قبل خمس سنوات احد زملائي في العمل عنزي ومع مرور الوقت عرفت الفخذ الذي هو ينتمي اليه في قبيلة عنزه وهو ( الخالدي) واستغربت من هذا الشي ايضا هذا الموضوع دعاني الى ان اقرا حول القبائل العربيه فوجدت ماهو فعلا مدهش اكثر من ذالك وهو الاتي

1- هناك قبيلة الخالدي والخالدي العنزي
2-هناك قبيلة سبيع والسبيعي العنزي
3-هناك قبيلة العوازم و العازمي العتيبي والعازمي الرشيدي
4- هناك الحازمي الجيزاني والحازمي الحربي والحازمي البلوي
5-هناك الفهيدي الحربي والفهيدي الشيباني والفهيدي العازمي
6-هناك الشامان التميمي والشامان الحويطي والشامان الحضر

وهناك الكثير والكثير من التشابه بين افخاذقبائل نجد وافخاذ فبائل الجنوب والشرق والغرب فهذا ليس غريب وكل قبيله ونعم فيها وبرجالها

اخيرا اخواني

محمد الوانه عتيبي اكيد بيتسمى بعتيبه والدليل ابو هذال خلف ولوان محمد رشيدي اكيد بيتسمى بالرشايده والدليل مساعد الرشيدي لان مافيه احد بينكر اصله ومحمد ماتسمى في قبيلة العوازم الا اكيد انه ينتمي اليها وعزالله انه شاعر ويستاهل وانا احب اشكر الاخ مرزوق عندما قال محمد من عيال عطاء وهو قال هالشي بقصيدته

ملاحظه/ حول قبيلة العوازم نظرا لقلة القبيله في المنطقه الوسطى والمنطقه الغربيه هو ماسبب هذا التضارب حول قبيلة الشاعر محمد العازمي لانهم يتركز معضمهم في الشرقيه والكويت

اخيرا اخواني اسف جدا على الاطاله وشكرا لكم جميعا وتقبلو تحياتي..................

أجل كل من قال انه عازمي حطيتوه اعتيبي
محمد بن مريبد عازمي من قبيلة العوازم شانها شان القبائل الثانية
وفي فخذ العوازم من بني رشيد(الرشايده) وهو ليس منها
وشكرا

لا يوجد فخذ من بني رشيد إسمه العازمي إطلاقاً


إلا إذا كنتم أبخص مني بقبيلتي

ههههه هون عليك يالرشيدي لاتزعل

انا اعرف انو العوازم حقين الرشايده مايسمون الرشيدي يقولون العازمي فقط

وانو الرشايده انفسهم قسمين قسم يقول العازمي منا وقسم يقول العازمي ليس منا

واحنا لا نقدر ان نحكم هل هو من الرشايده ولا مهو منهم الله اعلم

الشاعر محمد بن مريبد العازمي من قبيلة العوازم و هم متواجدين بكثرة عندنا بالكويت

و ليس عتيبي و ماله صلة بالعتبان او الرشايدة


و هذا كله يبين في لهجته (( طريقة كلامه ))
و هذي اللهجة ما يعرف يميزها الا الشيبان و اصحاب الخبرة


و السلام ختام ،،،