ياالله ياللي خالق الناس من طين =ومن واهن الما جاعلاً نسل الاجيال
وياخالق ٍ تحت السما سبع اراضين =منها وفيها عمر الانسان لو طال
اشكي عليك الوقت مع حظي الشين = واشكي ظروف ٍخلت القلب يهتال
جتنا مكاتيبه وشفنا العناوين =وانه عن دروب الشقا مابعد مال
دعى غرابه بالنيا وألحق البين =وهفى بصوت غرابها كل مكيال
كني غريم ٍ يلحق الدين بالدين =لا في يده حيله ولا هوبمحتال
ماعنده اتجاره ولا له بساتين =الا رجا رب ٍ عليمن عن الحال
همي تضيق ابه السعه والميادين = و يهد بجنوده ضلاعين واجبال
انشيل ثقل الحمل مابيننا البين =انا وقلبي بين لوعه وغربال
نأكل ونشرب بالهموم الملايين = والنا بمجلسها محل ٍومنزال
يومن بعد يومن وحين ٍبعد حين =وايام بعد ايام وليال بليال
والناس من حولي ولاهم بدارين =مقفي بهمي والمخاليق بإقبال
والقلب بأحزانه نسوه المحبين =ولبست من همي على القلب سربال
ما جوه في نفعه ولاهم بجايين =خلوه يوم احتاج في سو الاحوال
للوقت دستورن يسن القوانين = ويضرب بسيفًا يفلج الصم الاقذال
ويش انت يابن ادم ومصدرك من وين = تلهث ورى الدنيا تبى جمع الاموال
يالله فالجنه جوار النبيين =وحسن الجزا يوم القضا بين الاعمال
وصلاة ربي عد ماترمش العين = على محمد كل ما هل همال

المشاركة الأصلية كتبت بواسطة مرزوق العتيبي (المشاركة 286711) .. شاعر الهيلا نوح بن صقر صح لسانك مدد بلا عدد قصيده رائعه ومنك ماهيب غريبه مودتي ...

المشاركة الأصلية كتبت بواسطة الطاحوس (المشاركة 286716) صح لسااانك يابوجرااح قصيدةٍ جزله من شااعرٍ جزل الله لايهيينك

المشاركة الأصلية كتبت بواسطة ابوجراح (المشاركة 286708) ياالله ياللي خالق الناس من طين =ومن واهن الما جاعلاً نسل الاجيال وياخالق ٍ تحت السما سبع اراضين =منها وفيها عمر الانسان لو طال اشكي عليك الوقت مع حظي الشين = واشكي ظروف ٍخلت القلب يهتال جتنا مكاتيبه وشفنا العناوين =وانه عن دروب الشقا مابعد مال دعى غرابه بالنيا وألحق البين =وهفى بصوت غرابها كل مكيال كني غريم ٍ يلحق الدين بالدين =لا في يده حيله ولا هوبمحتال ماعنده اتجاره ولا له بساتين =الا رجا رب ٍ عليمن عن الحال همي تضيق ابه السعه والميادين = و يهد بجنوده ضلاعين واجبال انشيل ثقل الحمل مابيننا البين =انا وقلبي بين لوعه وغربال نأكل ونشرب بالهموم الملايين = والنا بمجلسها محل ٍومنزال يومن بعد يومن وحين ٍبعد حين =وايام بعد ايام وليال بليال والناس من حولي ولاهم بدارين =مقفي بهمي والمخاليق بإقبال والقلب بأحزانه نسوه المحبين =ولبست من همي على القلب سربال ما جوه في نفعه ولاهم بجايين =خلوه يوم احتاج في سو الاحوال للوقت دستورن يسن القوانين = ويضرب بسيفًا يفلج الصم الاقذال ويش انت يابن ادم ومصدرك من وين = تلهث ورى الدنيا تبى جمع الاموال يالله فالجنه جوار النبيين =وحسن الجزا يوم القضا بين الاعمال وصلاة ربي عد ماترمش العين = على محمد كل ما هل همال نوح صقر العتيبـــــــــــــــــي

المشاركة الأصلية كتبت بواسطة مشاري (المشاركة 286743) شاعر الهيلا صح لسااااااااااانك ملايين ولاهنت يالغالي على القصيده الجزله الغير مستغربه من شاعر بحجمك سجل اعجابي وتقديري بشاعريتك اخوك مشاري

المشاركة الأصلية كتبت بواسطة أبو نجر النفيعي (المشاركة 286771) .. شاعر الهيلا : نوح العتيبي قصيده جزله ورائعه .. وانت شاعر الهيلا ما يعتاز :) . وصح لسانك يالغالي.. وننتظر جديدك بشغف. .. اخووك

المشاركة الأصلية كتبت بواسطة خلف بن مرزوق (المشاركة 288093) ... .. الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين ويش انت يابن ادم ومصدرك من وين تلهث ورى الدنيا تبى جمع الامـوال يالله فالجـنـه جــوار النبيـيـن وحسن الجزا يوم القضا بين الاعمال ذهب صافي بابو صقر صح لسانك مليون شاعرنل القدير ودمت منجما للحكم مودتي .

المشاركة الأصلية كتبت بواسطة السميــــــري (المشاركة 287598) .. . شااعر الهيلااااااااا . جيت ابي اقتبس بعض الابيااات الا انهااا تستحق الاقتباااس أجمع .. كل بيت اطيب من الثاااااني .. صح لساانك يالمبدع .. لاعدمناااااااك ..