هيه يانجل العيون اللي علـى طاريهـا=تستريح هجوس قلبي ويتريـح بالـي
هيه ياللي ماهتني وأرتاح لين أطريهـا=هيه ياللي كثر ماحبـه معـذب حالـي
لاتحسبني على حبـك مسـوي فيهـا=والله إنك عندي أغلى من جميع أمالي
أنت شمعة حبي اللي مستحيل أطفيهـا=كيف أبطفيها وأنا محتاج نـور قبالـي
أنت عندي ياعذاب الـروح ياغاليهـا=والله لتبطي ياغالي وأنت عندي غالـي
أنت ماحد ٍ غيرك الدنيا علـي ماليهـا=حتى لو اني لحالـي ماتقـول لحالـي
صوتك ونبرات صوتك مسمعي يوحيها=ماتقـول الا مكلمنـي علـى جوالـي
وإن رقدت الليل جيت وجيتك نشريهـا=حتى لوهي حلم أبشريها وابرخص مالي
يعني أفهم راح سلطان الجلاوي فيهـا=لكن إلحق قبل لأرمي غترتي وعقالـي
وقبل أقول السبه اللي لاصدف طاريهـا=تستريح هجوس قلبي ويتريـح بالـي