الليل ياعتابه والطارف سداد
 

السلام عليكم ورحمة الله وبركاته
يعلم الله انني اتشرف بكل من يلعب معي
والخبره لها دور ونستفيد منكم طالت اعماركم

.................................................. ............................



ياسلامي علاكم والسوالف طويله = مااحصرها كذيْا بين يوم ٍ ولــيله
مير اباقول قول ٍ والنشاما تشــيله = والحمول الثقيله مالها الا جملها


فيه برق ٍ نخيله بالــــحدود = والاصايل شرد فرسانها
والقراده من اطباع القرود = ضايقوا بالمدن سـكانها

مرحباا بالنيابه عن شبابن وشيبه///قلتهاا يوم امثل فالمواقف عتيبه///والرجل حسب حضه ماله الا نصيبه

والمثل قال مالا الحمل الا جملهاا


لا ح برق المخيله والرعود///اسمعوهاا على دندانهاا

لو تثور القنابل والفرود//////الا صايل لهاا شجعانهاا

طيب طيب ..


سرا الليل وصح لسااان الحربي ولسان العتيبي ..

وكلنا شبابه ..

طلال الثبيتي صح بدنك وشرفتنا بردك

( محارب الزله ) من أجمل الالقاب صح لسانك


البقا فيك ياللي تاتمثل عــــــــتابه = بس مدري عسى تقدر تمثل شبابه
فيه قصر ٍ مشيد وفيه بيت ٍ خرابه = والحمول الثقيله مالها الا جــــــملها


ليت عصر الجهاله مايــــــعود = لااجل ماتنفضح شردانها
الـشجاع اعتذر عنه الشـرود = قول كيف انقلب ميــزانها

اعرفني ليا مثلت برقا وروقه////نايبن عن شبابه ما تضيع حقوقه///فالمواقف كعاام الخصم محدن يعوقه

والمثل قال مال الحمله الا جملهاا


بين نقص الحروف وبين زود///نظرتن بينت بعياانهاا
حجتن ما حضر فيها شهود////وين يا صاحبي برهانهاا

لو تقول وتعيد ولو تزور حــــــــــــــــقايق = عن شبابه ترى منته بنايب ولايق
أنت ورع ٍ تلاعب كورة ٍبالــــــــــــــحدايق = والمثل قال ماللحمله الا جــــملها


واضح ان توك بعمر الورود = والقوافي رقص شيطانها
به عليها مواثيق وعـــــهود = لو عتيبه يزيد جـــــــــنانها

يا الحريبي علامك لا تبيح سدودك ////انت اظنك بعد هاذي تعدى حدودك///مير ميز كلامك قدم تكتب ردودك
والمثل قال ما ل الحمله الا جملهاا

عمري اصغير لكن فكر عود//////وانت فكرك فكر ورعانهاا

من على عصر ابويه والجدود////قلب ليلى على خلانهااا

الاخ العزيز مرزوق العتيبي
الله يقويك ويجمل حالك
الف شكر على المشاهده

مانبيح السدود ولانـــــــــــغيْر نَهَجْنا = بس نسهج جميع اللي يعرف وسهجنا
يالعتابي ترانا بااخذك امس ابتهجنا = والمثل قال ماللحمله الا جــــــــــــملها



ياعميلي بكم ضاق الوجود = كيف لوهي تطيح اركانها
فرق بين الثعالي والفهـود = بالرمك لاوطوا ميــــدانها

الحقيقه تبا للحق وقفه وميقاف///يا لحريبي غديتو بعد ماراح صياف///راحو اعيال حرب اليوم لربااع وانصاف/
والمثل قال مال الحمله الاجملهاا

خيمه ابلا عمد وبلا عمود///قشهاا الريح مع خلياانهاا

لا تحرك على راسك قيود/////علمو حرب في ريضانهااا

ابك يالعتيبي والله انك مصيبه .. كفو

يوم صياف ماجود اعتراكم جـــناني = طارد ٍ من عتيبه فوق عشر وثماني
ويوم عزْل غدوا شعْار ربعك بااماني =والمثل قال ماللحمله الا جمــــــــلها


والله انا لكم سم الكــــــــبود = يالعتابي قضى ديــــانها
من زعل طق عود براس عود = حرب مااحد ٍ ينزل شانها

كيف يطرد عتيبه مانسيت الثبيتي///تذكر ه يوم اخذهاا قدمكم كمبليتي///وليت يا عوينت الحربي بعدها صحيتي///

والمثل قال مال الحمله الا جملهاا

يا سهود اليالي يامهود///العتاابي صفى بعناهاا

من حدود المدينه والنفود///حيتن قاطعين السانهااا

يالعتابي تريْح لاتــــــــــــــــهذري علينا = الحقيقه ترفرف بالعلم في يــدينا
ان جلستوا جلسنا وان سريتوا سرينا = والحمول الثقيله مالها الا جـــملها


ماصفيت وشيوخك باللحود = ولالفينا العرب بااوطانها
من لفانا تعشته الاســــود = والشواهد لها نيـــشانها

يا الحريبي تحلم وش وراهاا الحلاامي///انت غافي وعينك غطاسه بالمناامي///نحمد الله كسبناا قسمناا فالسنامي ///

والمثل قال مال الحملهاا الا جملهاا

يوم صوت العزاوي بالجدود////روسكم في وسط كرعاانهاا


الله يعزهم ال السعود/////نسيت القوم مع شيخانهااا

مااتحلم ولكنْْه عــــليْ الحــــــرامي = إنٌ كذب العتيبي من خوال وعمامي
وش كسبتوا بها لايالعين الرسامي = والحمول الثقيله مالها الا جـــــــملها


يوم قدح السواعد والـــزنود = الـذويبي كلا ذيــــــــــبانها
والشريف اشتراكم بالنقود = باعكم في رخيص اثمانها

الرديه على منهو نطقهاا لسانه ////لو تنزل مقام الهرج انا لي مكانه// مير غن الحن غنه لايا الخيزرانه///

المثل قال مال الحمله الا جملهاا



سبعة شيوخ منكم ومعدود///فعل ناصر عوج لحيانهاا

ساريه ليلهاا وانتم رقود///والشيابين تشعى اسمانهااا

صح الله لسااااااااااااااااااااااانك واسمحلناا على القصور

يعطيكم العافية على المحاورة الرائعه

لالعبنا لعبنا فــــــــــــــــوق راس العتيبي = مانجنب ليا ما شمسه الها مغيبي
وان نشدني تراني له سموع ٍ مجـــيبي = والحمول الثقيله مالها الا جــــملها


فوق عشرين منكم او يزود = من شيوخ ٍ وســـــــاع ابطانها
غير محسن مضحيبه جـرود =(( بالنهار )) وقــــــــدم عتبانها