يامرحبا ترحيب وافي وكافي = منطوقها صافي ومن قلب صافي
وانته من اللي يحكمون القوافي = والخير خير ومن يبا الشر يلقاه
ولا ياشاعر(ن) لك عندنا حشمه ولك مقدار = تجيب الطيّبه والطيّبه من حظ راعيها
وخلك في يميني لاتروح عن اليمين ايسار = على سبل العرب مع دربها لازم نمشيها

ياذيب خلك في دروب الذيابه = واسري ليا شفت القمر في غيابه
لاتلتفت في دار ينعق غرابه = والخير خير ومن يبا الشر يلقاه

ترى التكرار ياراعي السوالف ينفع الشطّار = وعينك لاتدوّر كحلها والكحل يعميها
نجوم(ن) ونجوم غابت والفلك دوّار = وانا اشوف المجرّه والكواكب من حواليها

ياصاحبي لاتعترض في طريقي = ويطيح حظك ثم صدرك يضيقي
مارضى عليك اخلاف وانته صديقي = والخير خير ومن يبا الشر يلقاه

طيور(ن) طايره بارزاقها وانته حصيلك طار = قلوب(ن) ميته ياصاحبي وش لون تحييها
بيوت العز مبنيه على عز وشرف واصرار = نشيّدها مع العراف ونعلّي مبانيها