سلام رديه لها جنحان ماتقدر تطير=لو طار عباس ابن فرناس اسمع العلم اسمعه
الليل يانايف يسير الليل ولا مايسير=يازين طق الراس فالراس اسمع العلم اسمعه

هلا يامرحبا ترحيبةٍ تشبه لبو جنزير=الي يدك اطوال الاطعاس اسمع العلم اسمعه
اكرب حزامك يالعتيبي واعرف الموقف كبير=مايقدره دايس ودواس اسمع العلم اسمعه

القاف وزنه زين مير اللحن متغير كثير=فصل لها ياخوك بقياس اسمع العلم اسمعه
الرقم الاول ياعتيبه لا يعود فالاخير=مثلك يعرف الوضع حساس اسمع العلم اسمعه

هاذي تراها منك والله يالعتيبي ماتصير=انكان فيك اشوية احساس اسمع العلم اسمعه
الرقم الاول من نصيب الي يشير ويستشير=علمٍ يجي من بين الاقواس اسمع العلم اسمعه

أليا صهل قولوا فرس وليا هدر قولوا بعير =ولا طلي من تحت الامواس اسمع العلم اسمعه
نبا نولع نار فالتجار ويجيهم نذير=بكره يجيك العلم في (واس) اسمع العلم اسمعه

المشاركة الأصلية كتبت بواسطة نايف الحميدي (المشاركة 276512) هاذي تراها منك والله يالعتيبي ماتصير=انكان فيك اشوية احساس اسمع العلم اسمعه الرقم الاول من نصيب الي يشير ويستشير=علمٍ يجي من بين الاقواس اسمع العلم اسمعه

انٌ انكر الاصوات يامشهور لصوات الحمير=لو حولها دقات الاجراس اسمع العلم اسمعه
هاذي بشاره والبشاره عادت الوجه البشير=والفعل من تركي وعفاس اسمع العم اسمعه

مالي ولا لك فالحمير السود يارجال عير=والناس دايم تظلم الناس اسمع العلم اسمعه
صر البشاره في عباتك واعرف الماقف خطير=وكليب موته سيف جساس اسمع العلم اسمعه

الظلم مالله حببه والشر مايعقبه خير=لكن عوذ كل وسواس اسمع العلم اسمعه
انكان شبة نارها في ذمتي مانستخير=السيف له ضربه ومغراس اسمع العلم اسمعه

والله مانحسب يالعتيبي للكبير ولصغير=لو جيت غازي تنقل الفاس اسمع العلم اسمعه
ياشين حضك لو سقيتك سمن ازعاف ومرير=يشرقك والارياق يباس اسمع العلم اسمعه

نايف طوال الوقت ماينقل سوى سيفٍ شطير=ماهمه مطفيت الاكباس اسمع العلم اسمعه
حظي سوات طويق مهما كان يالقلب الضرير=يوم ان بعض الناس لحاس اسمع العلم اسمعه

نصرف ذهب نبغا ذهب لا ياحسايف يامدير=أدير بنكن معلن أفلاس اسمع العلم اسمعه
ارفق على نفسك شويّه ياصبي توك غرير=يابن الحميدي عدم الاجناس اسمع العلم اسمعه

مشهور مايدري يحسب انه غني وهوه فقير=نعرض ذهب لاتعرض انحاس اسمع العلم اسمعه
الفرق بين الناس فرق العقل يالوجه السفير=والمشكله نيشانها هاس اسمع العلم اسمعه

المشاركة الأصلية كتبت بواسطة نايف الحميدي (المشاركة 276787) مشهور مايدري يحسب انه غني وهوه فقير=نعرض ذهب لاتعرض انحاس اسمع العلم اسمعه الفرق بين الناس فرق العقل يالوجه السفير=والمشكله نيشانها هاس اسمع العلم اسمعه