ياسلام الله سلام(ن) من الوزن الثقيل =ردة(ن) من شافها جاء يسوق الها جمله
يا عتيبه لو بقى في الزمن قلب(ن) عليل = كل رجال(ن) يجازى على حسب عمله

مرحبا ترحيب يوفي عميل مع عميل =من هجوس(ن)مع رجال اللزوم مجمله
ياقحطان اصحابنا شايف(ن)فالحمل ميل=وانت نزل حمل ريمان والا عدله

المشاركة الأصلية كتبت بواسطة سفير الجذعان (المشاركة 269320) مرحبا ترحيب يوفي عميل مع عميل =من هجوس(ن)مع رجال اللزوم مجمله ياقحطان اصحابنا شايف(ن)فالحمل ميل=وانت نزل حمل ريمان والا عدله

البقا ياللي ترحب عسى عمرك طويل = والجمل لا ثقل حمله لزوم(ن) يحمله
يا قصرانا .. في اللقا لعنبو جد الذليل =غير قاف العجز يا تجبره .. يا تهمله

ياسفير الربع بالله وش كثر الحصيل=جعل عندك مايسر النفوس وتقبله
كنت جاري فالدير لكن.اخترت الرحيل=جزت عن نجد المسمئ هضابه وسهله

خابرين الضيف يقلط على بن(ن) وهيل =وانت بصرك تفتح الباب والا .. تقفله
مااطيب اللي لا تولى الكثير اعطى القليل =يعتبر ما راح له في اللقا .. قيد انمله

صح لسانك ضنا مضيم ( حياك الله) وصح لسان سفير

أبشر ياضيف بالصف . :)


ولايهون سفير الجذعان

إبداع

لكم التقدير والإحترام

العلوم اللي بوجهين يالرجل الفضيل=ماتمشيها على وانتبه للمقبله
قلتها واقولها كل يوم وكل ليل=لحيته(ن)ماتفعل الطيب ماتستاهله

المشاركة الأصلية كتبت بواسطة { سلطان الجذع } (المشاركة 269395) العلوم اللي بوجهين يالرجل الفضيل=ماتمشيها على وانتبه للمقبله قلتها واقولها كل يوم وكل ليل=لحيته(ن)ماتفعل الطيب ماتستاهله

ما ذكرنا عاقل القوم يومي له شليل =انتبه للثانيه وانتبه للاوله
والله انا نفعل الطيب ونذري الدخيل =وانت تعرف ابن هدلان وابن قرمله

شفت برق المزن لكن ماسال المسيل=لاتقول ان المطر كل وادي سيله
ونعم لكن من فوقك الجدي وسهيل=العتيبي عنكم الله رافع منزله

المشاركة الأصلية كتبت بواسطة مرزوق العتيبي (المشاركة 270807) ونعم لكن من فوقك الجدي وسهيـل العتيبـي عنكـم الله رافـع منزلـه ...... الله الله ياسلطان صح لسانك ولسان ضنا مضيم بس ماتلاحظون ان هالقاف تقصيد طويل الاجل ههههه كل ليله بيتين .... حنا نعرف كل ٍ وضروفه لكن حلاة المحراف ان يبتدي وينتهي في حلّه .. ... الله لايهنيكم ....