|
[]-قصة سجن اثعيل ابن رابح السماري في سجن الشريف-[]
تكفون ياروقه ورى ذكركم مات****** وانتم ثمان الحام غير العطاوي قعدت في حوش البقر للموهنات****** مـــكتوب ولا ما عليــــا دعاوي ------------- السلام عليكم اسرد لكم قصة هذه الابيات التي قيلت على وقت حكم الشريف مناسبة القصيدة:- بداية السالفة على وقت الشريف كان الشريف واضع مراكز حماية على حدود مكة لحمايتة من الغزو وكان من ضمن المراكز مركز قريب من القنفذة وحاطن فية مجموعة من الاخويا على راسهم ثعيل بن رابح السماري وزايد الذيابي الملقب ببو ستة وكان في نفس هذه الفترة حكم ابن سعود بدا في الانتشار حتى وصل الى ابن لوي في الخرمة ويوم من الأيام والخويا يسولوفون في مركزهم بالقنفذة قال ثعيل إبن رابح والله ماني بقاعد تحت أمر الشريف ابي اروح مع ابن سعود وازبن ابن لوي وايده في الامر ابو سته وبعض الخويا لكن الدواسيس بين الخويا وصلوا الخبر لشريف في مكة وقام الشريف وارسل مجموعة اخويا إلى مركز القنفذة ومسكوا ابن رابح وابو سته قبل تمكنهم من الهرب وقام الشريف بحبسهم في سجن يقال له المحروق بمكة وجلسوا في السجن فترة بعدها اطلق الشريف بعض المساجين من ضمنهم ابو ستة وابقى على ثعيل ابن رابح وخلال تواجده في السجن قصد ثعيل ابن رابح قصيدة لروقة ينخاهم في فك أسرة والقصيدة طويلة ولا احفظ منها الا هذه الابيات:- يالله يامعطي العطايا الجزيلات*** عطني على قد النحى والهقاوي وفرج لعبدن يسهر الليل مابات*** مسجون مخذول غريب ن جلاوي إلى ان قال تكفون ياروقه ورى ذكركم(حيكم) مات****** وانتم ثمان الحام غير العطاوي قعدت في حوش البقر للموهنات****** مـــكتوب ولا ما عليــــا دعاوي وصلت القصيدة لأومرا الروقة وان الشريف حبس ابن رابح قام ركب عباس ابن زيد امير السمره وراح لشريف في مكه يطلبة فك ابن رابح ورفض الشريف طلبه وبعد فترة ركب فاجر ابن شليويح العطاوي وطلب الشريف ورفض الشريف يطلق سراحه استمر على هل الحال اومره الروقة لفك مسجونهم لا كن لازال الشريف مصر على عدم اطلاق سراحه ولما سمع خزام ابن صامل العازمي الروقي (ممن شاركوا في يوم الرغامة مع ابن سعود) قصيدة ثعيل ابن رابح ينخى الروقة لفك أسرة عزم على فك أسر وكان وقتها يقطن مع بعض من ربعة ذوي صامل وذوي صويميل وذوي صغير في كشب قام ابن صامل وشال على ذلوله ومعه نسيبه رجا ابن صهدان وترادفوا مطيتهم يبون مكة لفك ابن رابح من السجن يوم وصلوا مكة نوخو مطيتهم وعقلوها ومشوا رجلية زابنين السجن مع طلوع الصبح ويوم وصلوا السجن شافوا على باب السجن عبد محابسي متقلدن بندقةوجالس قال خزام لرجا لطرحت العبد اوطى على رقبته المهم مشو متجهين يم السجن ويوم شافهم العبد وهو يقوم من مكانة ويقول وش عندكم قال خزام ياولدي نبي ننشدك عن غليمن مدري هو في السجن ولا طلع قال العبد منهو قال ثعيل ابن رابح قال العبد ايه فية مالك الا يحطك معه يوم قال الكلمة هذه لين خزام قد وصله ويضربة بالبندق ضرب على البطن لينه طايح على الارض ويقوم رجا وياطى على رقبت العبد قال خزام هات المفاتيح وياخذ المفاتيح ويفك حديد السجن ويربط بة العبد وينادي ياثعيل ابن رابح ياثعيل ابن رابح ويطلع من غرف السجن مجموعة كبيرة من ضمنهم ابن رابح ماقعد في السجن الا الي مربوط في الخشبة وياخذون خويهم وبعد ثلاثة ليالي وهم منوخين عند عباس ابن زيد يم هكران قالوا له تعرف الرجال قال عباس ابك انتم كيف جبتوه يالاد عاصي قال جبناه يابن زيد اغبقنا نبي نمشي الذيب في القليب ( خايفين من الشريف يلحق بهم) قال عباس ابن زيد والله يالاد عاصي ان الشريف طلبته اكثر من مرة واخرتها ههدني انه يحطني معة بيض الله وجهيكم وبعد ماغتبقوا مشوا من عند ابن زيد يم ربعهم وقالوا لهم شدود شدود الذيب في القليب لو جانا الشريف ماخلا منا احد ويشدون ربعة ذوي صامل وذوي صويمل وذوي صغير ومانزلوا الى في ساجر ويصيروا تحت راية ابن محيا مع ابن سعود. ويقصد واحد من ذوي صغير يقال له اوخاضر ابن صويبر قصيدها طويلة منها هذه الابيات:- بـشروا عبــاس وكبــار الجمـاعـة*** جابو المسجون جذعان العوازم ماقعد في السجن لو هو ربع ساعه*** اطلقــوا اثعيل قطمان المحازم قفـلة الـي فية كسـر بالسـراعـــه*** يارجـا هــذه مـن اكبــر اللوازم والحــديـد مجودينه في كــراعة*** والـشريف من الزعل ياخزام كازم انتهى.... |
تكمله لقصيده ثعيل بن رابح السمارى الله يرحمه ويسكنه فسيح جناته
الاخ عاصى الله يسلمك ويطول عمرك على طاعته امين تسلم اخوى على هالقصه الطيبه ولا تهون قصيده الشاعر ثعيل ابن رابح لم تاتى كامله وانت لم تقصر وانا اعرف عيال الشاعر ثعيل شخصيا واحفاده وتمنيت انك جبت القصيده كامله لجمال القصه واكتمالها ولاكن انا ان شاء الله عن قريب رايح ابحث عن القصيده كامله مع ابنا الشاعر او احد احفاده بذن الله واظعها فى نفس الموضوع يالله يامعطي العطايا الجزيلات = عطني على قد النحى والهقاوي وفرج لعبدن يسهر الليل مابات = مسجون مخذول غريب ن جلاوي مسجون فى حوش البقر بالمهونات = مظلوم والله ماعليه دعاوى ومن بعدذا ياراكب فوق الصيعريات = يعطن السهل عن الوعر وماهاوى يلفن حى منهم الكتب ماجات = ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تكفون ياروقه وراء حيكم مات = ونتم ثمان ابدود غير العطاوى تبصروا وخذ الدعاوى بحيلات = وعرف تراء طب البلاوى بلاوى ورجال لو ماقيل مافيه نفعات = ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
الف شكر عالقص والقصيد
رحم الله الشاعر وكل العتبان اللي في القصه والمسلمين اجمعين الف شكر |
ابن زهيميل
اللة يعافيك اخوي على المشاركة والقصيدة ماحفظت إلا هذه الابيات من حياه الوالد واتمنى انك تجيبها لنا كامله بالتوفيق الشاعرالساهر امين اخوي عفوا على مشاركتك |
اخوى عاصى القصه غير صحيحه الله يسلمك وانا ان شاء الله رايح اصحح القصه كامله عن سعد بن محمد ابن ثعيل يرويها عن زايد ابو سته الذيابى شخصيا وزايد ابو سته رفيق ثعيل بن رابح
|
ابن زهيميل
حياك اخوي وكما كنت متوقع ان يبي يكون فية قول اخر في احداث سجن ابن رابح لان قصة سجن ثعيل منتشرة بين الروقة بروايتين ارجوا منك سرد لنا الرواية الاخرى وذكر أدله على مصداقيتها |
اخوى عاصى الله يسلمك يروى لى سعد بن محمد بن ثعيل حفيد ثعيل يقول يوم من الايام كنت معزوم عند
العوالى يقول يوم جيت عندهم وقلطنا لافيه شايب كبير فى السن هوينشد العوالى عنى قال يالربع الرجال هذا منهو قالو هذا سعد بن محمد ابن ثعيل قال قم ونبوك تعال عندى يقول وانا اقوم وجى عنده بعد ماحبيت خشمه ثانى مره قال انا زائد ابو سته الذيابى يقول ويسرد على قصه جدى كامله يقول زائد كنا انا وثعيل كل واحد رئس بلك ورئس البلك يعنى رئس مركز فى ذالك الوقت يقول سجن ثعيل عند ماقال انا ابى اروح لبن سعود يقول وحكم الشريف على نهايه والناس خايفين يقول الشريف جاه الخبر وحط ثعيل بالسجن يقول زائد الشريف مايسمع فى ابد لو اطلبه اى شى عطانيه يقول ويقعد بالسجن فتره ورد القصيده يالله يامعط العطايا الجزيلات = عطنا على قد النحا والهقاوى وفرج لعبد يسهر الليل مابات = مهموم مسجون غريب جلاوى مسجون فى شط البحر بالمهونات = مكتوب والله ماعليان دعاوى ولاانى براعى للعلوم الرديات = مير اعطبونى بالقلم والشكاوى ومن بعدها ياراكبا فوق عيرات = حراير مافوقها الاعراوى حراير من نسل جيش الشرارات = بنات حرا مع فريق اللحاوى قطم الفخوذ ولطلب مستعدات = ماصلفقوها فى حماها الشواوى مسراحها من عندنا الصبح عجلات = مثل القطا اللى لبعد الدار ناوى يمشن خبت عن الجبال الحفيات = ينصن مكه والقرى والمشاوى ينصن حى منهم الكتب ماجات = وانا من اول فى رجاهم شفاوى اهل البيوت اللى على خمس قطبات = الاد روق مشرعين القهاوى تكفون ياروقه وراء حيكم مات = ونتم ثمان الحام غير العطاوى تبصرو وخذو الدعاوى بحيلات = وعرف تراء طب البلاوى بلاوى يقول زائد وانا اروح للشريف وانا احط العمامه فى رقبه قلت تكفاء يالشريف طالبك للجايك فيه قال الشريف ابشر يقول قلت اثعيل بن رابح قال بشرط يازائد قلت ابشر قال مايروح لبن سعود يقول قلت تم يقول زائد ونجلس انا وثعيل سنه فى القنفذه وبعدها نروح لجماعتنا وينهزم الشريف هذه القصه انا ارويها عن احفاد اثعيل بن رابح وهو سعد بن محمد ابن ثعيل ولك تحياتى اخوى العاصى |
ابن زهيميل
حياك الله اخوي وهذه الرواية الثانية الي منتشرة ان ابو سته هو مطلق ثعيل ابن رابح من سجن الشريف ولكن ليست بصحيحه لان ابو سته الله يرحمه نسب اطلاق ثعيل لنفسه سامحه الله وذلك بستغلال الصحبه القوية بينه وبين ثعيل واستغلال ايضاً نزوح خزام وربعة من الحجاز بعد الحادثة مباشرة الى القصيم الله يرحمهم جميعاً |
اخوى عاصى العوازم ماهى غريبه عليهم فعل الطيب بل عتيبه كلها وانا اعلم وكل يعلم ان العتيبه ماهم بحاجت افعول الطيب بالكذب هم اكبر من العلوم الكذبه اخوى عاصى
العلم الاكيد حتى عن اثعيل بن رابح نفسه ان اللى اطلقه من السجن هو زايد ابو سته الذيابى وفى المعلوميه ان فاجر بن شليويح لم يكن على وقت ثعيل بن رابح اخوى عاصى الله يسلمك فاجربن شليويح توفى قبل قصه ثعيل بسنين طويله وانا خوك العلم جاك من ثعيل بن رابح ومن ولد ثعيل ومن احفاده ومن زايد ابو سته صاحب ثعيل شخصيا وزيدك من الشعر بيت ان ثعيل رد قصيده فى زايد بمناسبه خروجه من السجن وان شاء الله اتى بها قريبا ثعيل شاعر ولو كان فيه قصه مثل قصتك اللى رويتها لنل لارد ثعيل قصيده وشتهرت مع الناس وحفظوها مثل ماحفضو قصيدته وهو فى السجن طبعا هذا بالعقل ونخوك |
من الروايتين اخوي
يتضح ضعف رواية( إدعاء) ابو ستة لاطلاقة ثعيل والقصيدة لابن صويبر خير دليل وانتشارها ايضاً بين الروقة في وقتها اكبر دليل وانت تعرف ان القصيدة ماتنتشر بين الناس الا لمناسبة وقعت في وقتها جعلت الناس تحفظ هذه القصائد مع مرور الزمن |
كود:
فاجربن شليويح توفى قبل قصه ثعيل بسنين طويله وانا خوكلان سالفة ثعيل ايام ابن لوي كان تبع ابن سعود وترك حسين الشريف واليك تواريخ انظمامة لابن سعود http://www.moqatel.com/openshare/Mos...26.htm_cvt.htm ومذكور يوم تربه عام1337هـ وفي هذه الفترة كان فاجر ابن شليويح على قيد الحياه ارجع لموضوع مشاهير من عتيبة في المنتدى وتلاحظ ان فاجر كان من مشاهر عتيبة الجيل الخامس ( 1330 - 1360 ) هجري . 24- فاجر ابن شليويح العطاوي وهو ابن شليويح الفارس المعروف وكان لايقل عن ابيه وعمه بخيت شجاعة وفروسيه شرب فنجال فيصل الدويش في معركة المجمعه عام 1325 هجري وصوبه قابله الزركلي عام 1333 تقريبا وذكر بعض الاحاديث الذي رواها عنه ووصفه الزركلي وعده من ضمن فرسان نجد الكبار . http://www.otaiby.com/vb/showthread.php?t=2339&page=2 |
الاكيد ان ثعيل بن رابح اطلقه زايد ابو سته والله وانا ولد عمك لو ثعيل اطلق سراحه مثل ماذكرت لارد ثعيل اكبر ملحمه لانه شاعر ولاكن انت استنادك غير موثق تقولى ليش لانك اخذت بقصيدة اوخاضر بن صويبر وتركت الروات عن ثعيل وابنا اثعيل وعتيبه لو فعلو القصه مثل ماتروى لنا لاخلدوها بالشعر بس
ابنا ثعيل موجودين على قيد الحياه وانا من المقربين لهم واناناشدهم عن قصه ثعيل بالتفصيل المؤمل يعنى ثعيل بيجحد عيال عمه يوم اطلقو سراحه من السجن لاوالله الفعل ينومس اللى بعيد ماهو عيال عمه بس ليال العيد معروفه من عصاريها القصه اللى يرويها زايد ابو سته هى الصحيح ولاتعقب طارش وفاجر غير موجود فى ذالك الوقت ولم يتدخل فى القضيه البتا |
نعم صدقت يابن زهيميل والعاصي ماقصر والعلم اكيد يا العاصي اب محماس
|
كود:
اخوى عاصى الله يسلمك يروى لى سعد بن محمد بن ثعيل حفيد ثعيل يقول يوم من الايام كنت معزوم عند الا الآن وانت تدور وترجع مرة ثانية بنفس الرد بدون سرد تفاصيل القصة كامله وذكر الادله على ذلك من قصيد او احداث صاحبه القصة خلاصة كلامك انك تعرف ذوي ثعيل وانهم متاكيد ان ابو ستة هو مطلق ثعيل على الرغم ان سعد ابن ثعيل يوم كان معزوم عند العوالي لم يعرف ابو سته في المجلس ولما سرد ابو سته القصة علية هل لانه لا يعلم عنها شي ام ماذا يعني في تناقض في اقوال احفاد ابن ثعيل في تزويدك بسالفة ابو سته على العموم ارجوا انك اذا انك متاكد من روايت ابو سته المزعومة ذكر التفاصيل بالكامل بكل احداثها وسبب السجن لان سردك لسالفة ادعاء ابو سته انة مطلق ثعيل فيها من الضعف الكثير بهذا الاسلوب كذلك قولك كود:
ولاكن انت استنادك غير موثق تقولى ليش لانك اخذت بقصيدة اوخاضر بن صويبر وتركت الروات عن ثعيل وابنا اثعيلوقالها ابن صويبر بعد مانزلوا ساجر اما قولك الرواة فانا رويت لكم القصة كاملة بدون تغير ولا تحريف لاني سامعها وانا عمري 7 سنوات من ابوي عن جدي الي هو مطلق ثعيل غليس حياك اخوي اسرد لنا القصه الي مصدقها وانا اخوك |
ابن زهيميل
نسيت اوضح لك موقف حدث في سالفة ابن ثعيل عام 1408 او 1409 ماني ذاكر بالضبط كان في مناسبة كبيرة عند السمرة في دغيبجه وكان السمرة ماقصروا عازمين من الروقة ناس كثير وكان من ضمن الحضور ابوي الله يرحمه وكان اغلب وقت المناسبة سوالف وقصيد عن مفاعيل عتيبة وقام واحد من الذيبة شايب ماودي اذكر اسمه وقال في المناسبه يبي يتنومس حنا مطلقين ثعيل ابن رابح والي مطلقة ابو سته وسكت بعدها بدون ذكر تفاصيل القصة كاملة قام ابوي الله يرحمه ورد علي الشايب بالسالفة كاملة وبالقصيدة كاملة وكان من ضمن الحضور عوالي وسمرة وذيبة وعوازم ولم ينكر علية احد بعد ماسمعوا السالفة بالكامل والقصيدة بل نشدوا الذيابي عن صحة ادعاه وليش ماجبت شي يثبت انكم اطلقتهوه بعدها اخذ الذيابي الله يكرمك حذيانة في يده ومشى ترك المناسبه |
حسب مافهمت من كلامك ان جدك هو من اطلق سراح ثعيل الله يسلمك
اخوى عاصى القضيه كبيره ولا يمكن لايى عتيبى ان يجحد مثل هذه القضيه ابدا نسيت اوضح لك موقف حدث في سالفة ابن ثعيل عام 1408 او 1409 ماني ذاكر بالضبط كان في مناسبة كبيرة عند السمرة في دغيبجه وكان السمرة ماقصروا عازمين من الروقة ناس كثير وكان من ضمن الحضور ابوي الله يرحمه وكان اغلب وقت المناسبة سوالف وقصيد عن مفاعيل عتيبة وقام واحد من الذيبة شايب ماودي اذكر اسمه وقال في المناسبه يبي يتنومس حنا مطلقين ثعيل ابن رابح والي مطلقة ابو سته وسكت بعدها بدون ذكر تفاصيل القصة كاملة قام ابوي الله يرحمه ورد علي الشايب بالسالفة كاملة وبالقصيدة كاملة وكان من ضمن الحضور عوالي وسمرة وذيبة وعوازم ولم ينكر علية احد بعد ماسمعوا السالفة بالكامل والقصيدة بل نشدوا الذيابي عن صحة ادعاه وليش ماجبت شي يثبت انكم اطلقتهوه بعدها اخذ الذيابي الله يكرمك حذيانة في يده ومشى ترك المناسبه غير صحيح اخوى عاصى لم يحصل مثل هذا الكلام بين الذيبه والعوازم فى نقاش يخص ثعيل بن رابح واطلاق سراحه من السجن فى مناسبات السمرة دورلي سمارى واحد يوافقك الراى فى ماقلت عن قصه ثعيل الناس وش دراهم عن ثعيل مسجون الا القصيده اللى ردها ثعيل بالسجن وثعيل لو كلامك صحيح والله ليرد قصيده عصماء لنفرض ان زايد ابو سته كذاب على سبيل المثال والله مايسكت ثعيل ولاالروقه ولااعتابه قاطبه المشكله ان السالفه فيها اكثر من شاهد منهم من عاصر الحادثه ومنهم عاش الاحداث فى تلك الزمان كيف تكذب الناس اللى عاصر وعاشو زمن اثعيل وموجودين يعنى لامفر من الشهود وش فايده ثعيل يجحد فعل ربعه قلى ليش الكلام اللى ياصلك ويتعداك فيه من السمره شياب عاشو وقت سجن ثعيل وموجودين على قيد الحياه الله يمدهم فى الصحه اخذين قصه ثعيل من الاف لليا ولا بتفصيل المؤمل من ثعيل شخصيا وانا مستعد اعطيك اكثر من خمسه شياب عاشو وقت سجن ثعيل ولازالو موجودين على قيد الحياه وعندهم الخبر الاكيد ورد القصيده يالله يامعط العطايا الجزيلات = عطنا على قد النحا والهقاوى وفرج لعبد يسهر الليل مابات = مهموم مسجون غريب جلاوى مسجون فى شط البحر بالمهونات = مكتوب والله ماعليان دعاوى ولاانى براعى للعلوم الرديات = مير اعطبونى بالقلم والشكاوى ومن بعدها ياراكبا فوق عيرات = حراير مافوقها الاعراوى حراير من نسل جيش الشرارات = بنات حرا مع فريق اللحاوى قطم الفخوذ ولطلب مستعدات = ماصلفقوها فى حماها الشواوى مسراحها من عندنا الصبح عجلات = مثل القطا اللى لبعد الدار ناوى يمشن خبت عن الجبال الحفيات = ينصن مكه والقرى والمشاوى ينصن حى منهم الكتب ماجات = وانا من اول فى رجاهم شفاوى اهل البيوت اللى على خمس قطبات = الاد روق مشرعين القهاوى تكفون ياروقه وراء حيكم مات = ونتم ثمان الحام غير العطاوى تبصرو وخذو الدعاوى بحيلات = وعرف تراء طب البلاوى بلاوى تمعن القصيده زين واعرف ان ثعيل بن رابح ماخص السمرة بس لاخص الروقه كلها وفعول الروقه كيف تقول اذبحو حارس السجن واخذو ثعيل ودوه السمره ولم يحرك ثعيل ساكن عن العوازم غير صحيح لو كلامك صحيح سمعت الكلام من ثعيل خل اللى غير يعنى ثعيل بيمدح الروقه وهو فى السجن ويوم اطلقو سراحه قال مافعلو شى حرام عليك اخذ العلوم بالعقل والمنطق |
على يدك يابن زهيميل
اسرد لنا القصه بالتفصيل من شياب السمره الي تدعي انهم عاصروا ابن رابح مع ذكر الادله على صدق كلامهم ------------------- ومثل ماذكرت لك في سالفة ابن رابح ابو سته اطلق سراحة الشريف وبعدها بفترة سالفة اطلاق ابن رابح وصاحبها نزوح ابن صامل وربعة من الحجاز تقولي ليش ابن رابح ماسوى قصيدة او مامخبر من الي مطلقة من السجن هذا الامر مايعرفة الا ابن رابح وابن زيد ماتدري لا انت ولا انا وش الظروف الي حصلت بعد ذلك هل مات احد منهم هذا في علم الغيب ---------------- شاهد اخر على القصة بيوت الطين في ساجر الي سكنوها على وقت ابن سعود انت تعرف وانا اخوك البدوا منول ما يتركون منازلهم الا بسبب قله المطر او حرب بينهم وبين قبيله اخرى الشاهد ان تركهم للحجاز بسبب امر خطير يهددهم ولا ليش تركوا ربعهم الروقة في كشب ومنازلهم وليش هم من بين الروقة تركوا الحجاز في ذلك الوقت ------------------------- عموماً ماودي ادخلك في تفاصيل كثيرة عن السالفة وانت الا الآن تلف وتدور بدون رد مقنع لي ولمن يتابع الموضوع --------------- انتظر منك معلومات من شياب السمره على الحادثه بالكامل ولا تنسى تدعم قصتك بالادله ....... اخوك عااااااااااااااااااصي |
عاصى الله يسلمك ويعافيك
اخوى عاصى انا ماحاول على اى شى يذكر ابدا ام انت تقول ان جدك طرف فى الموضوع يعنى الادله اللى ذكرتها لك ماشفتها الله يسلمك انا الادله عندى ولد ثعيل وموجود وحيا يرزق واحفاده واحفاد زايد ابو سته ليش تضلل على نفسك وتكابر انى ماعندى ادله وانا جايبلك الدليل القاطع اخوى الله يسلمك ويعافيك ويوم اطلقو ثعيل من السجن ثعيل ليش ارحلو وتركو ثعيل ليش ماراح معهم يعنى ثعيل زال الخطر عنه وهم لا غير صحيح اخوى لو السالفه مثل ماتفضلت لارحل ثعيل معهم دليلك وشهو انت الله يعافيك يعنى انت جايب دليل لااخوى لم تاتى باى دليل يذكر الاانك ذكرت القصه على غير المالؤف انا عطيتك الادله الكافيه ونت ويش عندك من ادله ؟؟؟؟؟؟؟ ولك تحياتى واحترامى |
في انتظار
قصيدة ابن رابح في ابو سته مدح فية على ماقام به في سبيل اطلاق سراحه حتى تثبت روايتك ولا تصبح الرواية ضعيفة |
لاهنت يابن زهيميل
القصة الصحيحة كما رواهى ابن زهيميل انا سامعها من سعد بن محمد بن ثعيل وبعد ماشفت جدالكم سالت واحد من عيال سعد واكد لي القصة انها صحيحة........... |
اخوى عاصى انت بقوالك ثبت القصه انها صحيحه حسب اقوالك وانت لم تاتى باى دليل يشفعلك اخوى عاصى سلمت ودمت والله يعافيك
|
القصيدة خير شاهد
وانتم ياخواني سامعين الروايه من سعد ابن ثعيل الي سامع بالسالفه من ابو سته شخصياً عشان كذا احفاد ثعيل مقتنعين ان كل ماقاله ابو سته صحيح ومنها صدقتم كلام الرجال مدري الا متى افهم فيكم وانتم تلفون ودورن انا كلامي واضح وصريح اذا سندكم في القصة سعد ابن محمد ابن ثعيل خله يذكر لكم السالفة بالتفصيل ولا يقول لكم مثل ما خبر ابن زهيميل انة سامعها من ابو سته السالفة خاتمه الكلام اسردوا القصة من حفيد ابن رابح مع ذكر الاحداث بالتفصيل والادله على ذلك حتى تثبتوا صدق رواية ابو سته ولا اعتبروا الموضوع منتهي عند هذا الحد اخوكم عاااااااااااااااااااااااصي |
اخوى عاصى الله يرضى عليك ويسلمك
انت واثق ان الكلام الاكيد معك ابى اوضح لك شى مهم جدااا 1- ثعيل بن رابح لوكلامك صحيح رد قصيده عصماء ولايمكن نسيانها مهما كان 2- ولوكانت القصه اللى ذكرتها صحيحه ان جدك رحل من الحجاز الى نجد وسبب رحيلهم انهم اطلقو سراح ثعيل من السجن لارحل ثعيل معهم خوف على حياه مثلهم الله يسلمك 3-ثعيل رد قصيده وهو فى سجن الشريف ينخا الروقه ويطلبهم مد يد العون لاطلاق سراحه من السجن كيف ثعيل بعد كلامك اذا انت صادق فى القصه بيسكت ثعيل لالالا والف لاثعيل ماسكت وهو فى السجن ماهو اذا خرج ياهم ملالى 4-الروقه دارين بالسالفه لا وعتيبه كلها يعنى مافيه مجال للتحريف فى القصه مهما كانت الظروف ياحبيبى الله يسلمك 5-زايد ابو سته كيف يحرف قصه ثعيل وثعيل خروجه من السجن حى يرزق ونخوك وبعد خروج ثعيل من السجن ذهب لاجماعته السمره والروقه واخذو علومه بعد خروجه من السجن مافيه مجال لازايد ابو سته للتحريف 6-الشريف على وقته دوله ونخوك تعرف معنى الدوله يعنى على وقت الشريف اقوى من اى قبيله بالعتاد والرجال الناس هلكانين جوع فهمت معنى الجوع 7-تراحيب بن بصيص المطيرى عند ماقتل فى المعركه من قبل السلات فيه ناس من قبيله عتيبه وقال للاميربن هذال حنا قتنا تراحيب عتيبه ماسكتت سواء الروقه او برقاء اعطوا كل ذى حق حقه خبرو بن هذال ان اللى قاتل تراحيب السلات يعنى مافيه مجال للكذب والتحريف 8-حنا سردنا القصه لك ياعاصى صدق او لاتصدق على كيفك كلامك ياعاصى من بدايه القصه فيها اكثر من علامه استفهام؟؟؟؟؟ 9-ولما سمع خزام ابن صامل العازمي الروقي (ممن شاركوا في يوم الرغامة مع ابن سعود) قصيدة ثعيل ابن رابح ينخى الروقة لفك أسرة عزم على فك أسر وكان وقتها يقطن مع بعض من ربعة ذوي صامل وذوي صويميل وذوي صغير في كشب قام ابن صامل وشال على ذلوله ومعه نسيبه رجا ابن صهدان وترادفوا مطيتهم يبون مكة لفك ابن رابح من السجن يوم وصلوا مكة نوخو مطيتهم وعقلوها ومشوا رجلية زابنين السجن مع طلوع الصبح ويوم وصلوا السجن شافوا على باب السجن عبد محابسي متقلدن بندقةوجالس قال خزام لرجا لطرحت العبد اوطى على رقبته المهم مشو متجهين يم السجن ويوم شافهم العبد وهو يقوم من مكانة ويقول وش عندكم قال خزام ياولدي نبي ننشدك عن غليمن مدري هو في السجن ولا طلع قال العبد منهو قال ثعيل ابن رابح قال العبد ايه فية مالك الا يحطك معه يوم قال الكلمة هذه لين خزام قد وصله ويضربة بالبندق ضرب على البطن لينه طايح على الارض ويقوم رجا وياطى على رقبت العبد قال خزام هات المفاتيح وياخذ المفاتيح ويفك حديد السجن ويربط بة العبد وينادي ياثعيل ابن رابح ياثعيل ابن رابح ويطلع من غرف السجن مجموعة كبيرة من ضمنهم ابن رابح ماقعد في السجن الا الي مربوط في الخشبة وياخذون خويهم وبعد ثلاثة ليالي وهم منوخين عند عباس ابن زيد يم هكران قالوا له تعرف الرجال قال عباس ابك انتم كيف جبتوه يالاد عاصي قال جبناه يابن زيد اغبقنا نبي نمشي الذيب في القليب ( خايفين من الشريف يلحق بهم) قال عباس ابن زيد والله يالاد عاصي ان الشريف طلبته اكثر من مرة واخرتها ههدني انه يحطني معة بيض الله وجهيكم وبعد ماغتبقوا مشوا من عند ابن زيد يم ربعهم وقالوا لهم شدود شدود الذيب في القليب لو جانا الشريف ماخلا منا احد ويشدون ربعة ذوي صامل وذوي صويمل وذوي صغير ومانزلوا الى في ساجر ويصيروا تحت راية ابن محيا مع ابن سعود. ويقصد واحد من ذوي صغير يقال له اوخاضر ابن صويبر قصيدها طويلة منها هذه الابيات:- بـشروا عبــاس وكبــار الجمـاعـة*** جابو المسجون جذعان العوازم ماقعد في السجن لو هو ربع ساعه*** اطلقــوا اثعيل قطمان المحازم قفـلة الـي فية كسـر بالسـراعـــه*** يارجـا هــذه مـن اكبــر اللوازم والحــديـد مجودينه في كــراعة*** والـشريف من الزعل ياخزام كازم بعد ثلاثه ايام من القنفذه الى هكران معليش هكران اخوى عاصى يبعد عن المويه القديم حوالى عشرين كلو متر ولا تنسى على ايامهم انهم على الهجن انتبه لراوى القصه يمكن ؟؟؟؟؟؟؟ لو جابو ثعيل من السجن ماغبقهم عباس والله لحط اكبر ماءدبه فى تاريخهم ولاكن لقد اسمعت لو ناديت حياه ولاكن لايحاه لمن تنادى |
اقتباس:
10=اخوى عاصى سلمك الله القنفذه تبعد عن المويه القديم بحوالى 600كيلو وهكران شرق من المويه القديم بحوالى عشرين كيلو يعنى يبيلهم اقل شى عشره ايام على الهجن الطيبه يابعدى 11=بـشروا عبــاس وكبــار الجمـاعـة*** جابو المسجون جذعان العوازم قصه ثعيل بن رابح بعد وفاه عباس يوم سجن ثعيل امير السمره دغيليب بن زيد يابعدى والراوى يقول ان عباس يقول والله انى رايح للشريف ويقول الشريف لعباس بتروح ولاحطيتك معه 12= يمكن الشاعر ماسكه معه على عباس وقال القصيده بسم عباس بس وين نودى كلام الراوى بعد ماسكه على عباس ماعليش |
|
السلام عليكم ورحمه الله وبركاته
الاخ عاصى الاسبوع الفايت وتحديدا يوم الاربعا كان فيه نقاش مع ولد ثعيل محمد بن ثعيل السميرى وكان النقاش حول خروج ثعيل من السجن يقول محمد ولد ثعيل ان والدى الله يسكنه فسيح جناته واموات المسلمين عند مااطلق سراحه زايد ابو سته الذيابى مكث فى القنفذه سنه كامله وتزوج من قبيله الشلاوى واخذ زوجته الشلويه وذهب لمكه لمبايعه الملك عبد العزيز وعند وصوله لعبد العزيز كان والدى معه بندقيه وكانت البندقيه معمره بالذخيره الحيه وعند ماسئل من احد الخدم انذاك اجاب ثعيل انا جاى ابايع عبد العزيز وعند تفتيش الخدم لثعيل وجدو ان البندقيه معمره بالذخيرة الحيه قالو الخدم لثعيل انت جاى تبايع الملك او تقتله فوضع ثعيل فى غرفه للتاكد من صحه اقواله فسمع خالد بن لوى عن قصه ثعيل فاخبر الملك عبد العزيز بذالك وتم اطلاق سراح ثعيل ومقابله الملك عبد العزيز والقاه قصيده امام الملك عبد العزيز |
عند مااطلق سراحه زايد ابو سته الذيابى مكث فى القنفذه سنه كامله وتزوج من قبيله الشلاوى
ههههههههههه لاحول ولا قوة الا بالله الحين وش نستفيد من اختصار الاحداث بالله هذا رد ولد ثعيل لك يعني سرد لك القصة كاملة وقال يوم اطلق سراحه زايد ابو سته طيب هنا الخلاف ليش انت ماحجيت الرجال وقلت يوم اطلق وقف عندها كيف اطلقة ومتى وكيف اطلقة والشريف توه مطلعة من السجن يعني نبي تفصيل القصة كاملة من الرجال ولا هو كان صغير يوم صارت السالفة ويسمع ان الي اطلق ابوه ابو سته بدون مايدري وش السالفة هذا موضوع ثاني ياخوي الله يعطيك العافية على الجهد الي قاعد تبذله الان لو تجيب شخص ثالث حكم في الموضوع مايعرف عن القصتين شي راح يقول لنا ان القصة الاولة ارجح لتوفر عوامل قوة فيها من ذكر الاحداث بالتفصيل وذكر شاهد عليها من ابيات قيلت في ذلك الوقت ابيك يالغالي تروح لرجال وتاخذ العلم منه بالتفصيل الممل ولا تخلية يتعدا كلمه الا تعرف وش صار فيها عشان تقوي صحة روايتك ولا اسمحلي اقولك نطلب من المشرفين تقفيل الموضوع سلام |
الاخ عاصى
كلامك مردود عليك انت وراوى القصه لانها غير صحيحه يعنى على بلاطه كذبه من اكاذيب ضعفاء النفوس الذين لايطالون المجد والشهره الابالكذب على الناس بس عند ايضاح الحقايق يذوبون كالملح القصه سردنها لك عن ولد ثعيل وحفاده وعن مطلق سراح ثعيل فكيف تكذب هولا ونت لم تاتى الابالكذب الواضح اخى عاصى وفر وقتك عن قصه ثعيل بن رابح السميرى وكرس جهدك لروايه اقصد كذبه جديده ارجومنك اخى عاصى لاتكلف نفسك فى اى موضوع الامتاكدمن صحته الله يسلمك حتى يكون لديك مصداقيه فى منتدى الهيلا طبعن انا مالومك لانك راوى القصه من شخص مبدع فى الكذب على الناس بس راجع الموضوع من البدايه ورايح تقتنع ان شاء الله |
نظراً لخروجك عن آداب الحوار
وعدم تمكنك من إثبات روايتك بالادله القوية من بداية مشاركتك الى اخر رد لك اطلب من المشرفين إغلاق الموضوع |
اخوي عاصي انت الظاهر حاولت تمشي القصة على كيفك في منتدى الهيلا ماقدرت عشان كذا تقول قفلو الموضوع
هذي القصة اسمع بها وانا عمري 15 سنة والاان عمري 45 كل كلمة قالها ابن زهيميل صح ولااحد يحاول يحرف فالمنتدى على كيفة لانة بينكشف ولعلمك انا من جماعة ثعيل ابن رابح |
ياشباااااااااااااااب هدو اعصابكم والاختلاف في الراي موجود في كل مكان
وابن زهيمل لاتقول للرجال كذاب وعاصي لاتكبر السالفه |
فتى كشب
حيالك اخوي ومدام انك من ذوي ثعيل و سامعها من يوم عمرك 15 سنة اكيد ان انك تعرف القصة عن ظهر قلب نبي وانا اخوك تسرد لنا القصة مثل ماسمعتها بالتفصيل وبادله تثبت صدقها وليس مثل ما قال اخوي ابن زهيميل اختصر روايتة في اربعة سطور بدون ادله على صدق روايتة ولكن مصدرة الوحيدة ان روايتة هي الصحيحة يوم قال يروى لى سعد بن محمد بن ثعيل حفيد ثعيل يقول يوم من الايام كنت معزوم عند العوالى يقول يوم جيت عندهم وقلطنا لافيه شايب كبير فى السن هوينشد العوالى عنى قال يالربع الرجال هذا منهو قالو هذا سعد بن محمد ابن ثعيل قال قم ونبوك تعال عندى يقول وانا اقوم وجى عنده بعد ماحبيت خشمه ثانى مره قال انا زائد ابو سته الذيابى يقول ويسرد على قصه جدى كامله يقول زائد كنا انا وثعيل كل واحد رئس بلك ورئس البلك يعنى رئس مركز فى ذالك الوقت يقول سجن ثعيل عند ماقال انا ابى اروح لبن سعود يقول وحكم الشريف على نهايه والناس خايفين يقول الشريف جاه الخبر وحط ثعيل بالسجن يقول زائد الشريف مايسمع فى ابد لو اطلبه اى شى عطانيه يقول ويقعد بالسجن فتره الى ان قال يقول زائد وانا اروح للشريف وانا احط العمامه فى رقبه قلت تكفاء يالشريف طالبك للجايك فيه قال الشريف ابشر يقول قلت اثعيل بن رابح قال بشرط يازائد قلت ابشر قال مايروح لبن سعود يقول قلت تم يقول زائد ونجلس انا وثعيل سنه فى القنفذه وبعدها نروح لجماعتنا وينهزم الشريف هذه القصه انا ارويها عن احفاد اثعيل بن رابح وهو سعد بن محمد ابن ثعيل ولك تحياتى اخوى العاصى انتهى روايتة,,,,,,, ايعقل ان حفيد ثعيل مايعلم عن سالفة جدة الا من غيرة!!!!!!!!!!!!!!!! --------------- انتظر ردك |
الاخ........الفاضل عاصى
بهدو وعقلانيه الله يسلمك ثعيل ايام سجنه ياعاصى كان امير السمره انذاك عمر بن زيد الله يرحمه والقصيده اللتى ذكرتها تقول بشرو عباس وكبار الجماعه الى اخر القصيده المذكوره الاخ عاصى .....العوازم يوم اخرجو ثعيل من سجن الشريف ليش رحلو عن عتيبه وعن ديارهم وهم فعلهم هذا يرفع الراس حسب كلامك وراء السمره والروقه مافزعولهم ودخلوهم فى وجيههم ليش عتيبه كلها مادخلوهم ولاخلوهم يرحلون عن ديارهم اعرف انك بتقول خيفين من الشرف لايذبحهم اجل يقدرون يخرجون ثعيل من السجن ويذبحون الحراس ويروحون لديارهم ولايقدرون يوقفون الشريف هههههه الشريف انذاك دوله بكاملها لاعتيبه ولاغيرها يقدر الشريف بالعتاد والرجال انا احل المشكله لك بينا وبينك الروات وكبار السن الدنيا ماهى مفلوته انا ودى ان العوازم فاعلين الكلام الى انت رويته ولاهب غريب عليهم ابد ولاكن القصه غير صحيحه |
على القوة ياعتيبة وفعلكم طيب
والمعذرة على المداخلة ......... والدعوى هواين ........ بس من الظلم أخفاء الحقائق والقصة معروفة عند عتيبة كلها ............. مهما كان الآمر .... فإن الشمس لاتخفيها سحابة ............. وقصة ثعيل معروفة وبيض الله وجه الجميع لكــــن من أطلق سراحة .... هو الشيخ زايد أبوسته الذيابي وهذا الكلام مردود عن جدي زايد أبوسته ومعروف ومن الغرابة ان تلصق بشخص أخر مع أحترامي للجميع واليوم تحديدآ سألت والدي زويد بن زايد ابو سته في06 / 09 /1428 وهو الآن يناهز عمرة حوالي 80 عام ويعرف التاريخ جيدآ ..... عن قصة ثعيل رغم علمي بها وذكرها وأكد ها وعمومآ ابو سته فعلة معروف ولاعلى الجميع قصور ....... |
يالربع المهم ان الرجال فك من الحبس ان كان فكه الذيابي كفو وان كان فكه العازمي والنعم . ولكن حسب كلام الاخ الحسام فاعتقد بان الذي فكه هو الشيخ زايد ابو سته الذيابي.
|
الله يرحمهم كلهم
ولكن ايو ستة رحمة الله تنومس بفعل لم يفعلة مستغلاً رحيل العوازم من الحجاز بعد الحادثة والله يغفر لهم جميعاً |
يعطيكم العاافية
والقصص كثيرة والروايات الكااذبة واجد ماهي فالقصة ذي بالتحديد وياجمااعه كلن على حسب ماسمع000 وحنا على حسب ماسمعنااا000 وش فايدة المعاند والمحاك (كلنا ربع واخوان وعيال عم) وعلى قولة الشاعر :زيد ابن سلمي المطييري وسعو صدووركم |
الله يرحم الميت منهم ويسكنه فسيح جناته ويطوا عمر احيائهم..
|
ونعم والله يالاد روق وتسلم يمين كاتبها...
|
يعطيكم العافيه
|
| الساعة الآن »12:07 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd