|
حطيت رقمي فالبلوتوث وتورطت وابا الحل
مساكم الله بالخار
هذي قصه حقيقية صارتلي انا بالعربي رجال راعي وناسة وفلة حجاج وضارب بالمصالح عرض الحايط حتى لامسكت معي تركت العمل ولا علمتهم وطلعت مع اخوياي للربع الخالي وفليت الخاطر صيد ورياجيلن شرواكم وعلوم غانمة لا خلصنا من المقناص وتعشينا وعينا من الله خار امرحنا وليا اصبح الصبح قمنا على تسبود الارانب وقطعناها وحمسناها وسوينا قرصان وفطرنا وليا خلصنا ركبنا جيوبنا معنا الصقور والسلق فالصندوق ويالله قنص تبوني اعلمكم عزالله انها طمخت الحياة مالكم بطويلها واحد من الزملاء الله يعفي عنا وعنه راعي مكالمات وزكرته وكل يوم في مكان سولفت انا وياه يوم من الايام وقال والله انت اسلوبك مايعلا علاه ولو تطيح فالمكالمات سحبت الجو على شباب الرياض قلت تسيف قال هذا العلم الشيطان لعنت الله علاه حريص وانا رجال مداني الخرابيط هاذي مدري كيف قلت وش الطريقة علشان اكلم قال انا اعطيك رقم وكلمه هالحين لاوالله يوم نشبت معه لابا هالامور وهذا احرجني قلت لازم اتخلص منه قلت والله مايصير اعاونك على الخيانة مبا غار الفكه منه قال ايمين يسار قلت سكر هالباب والكلام هذا مايجي منك قال تدري انا بعطيك خطه ثانية قلت وشنهي قال جوالك صح فيه بلوتوث قلت الله الله قل سهله قلت سهله بويش قل ترقم علاه قلت لعنبو دارك والله ماشريت هالبلوتوث غار علشان اتسمع في محاورات الجلاوي والشعار الثانيين قال انت ماعلاك انا ماقلت احذف المقاطع الي فيه قلت وش الحل قال حط بدل اسمك الي فالبلوتوث رقمك وزخرفه وتشوف الهوايل قلت زخرفه وخرابيط ماعندي ماعندي غار الخشونة بحط رقمي والي يكلم يكلم قمت وحطيت رقمي وكان نيتي لاطلعت من عنده امسحه جلسنا شوي ثم رحت للبيت امرحت مالشيطان طاري وقفلت جوالي ويوم جاء فالصبح وقمت وشغل الجوال لاوالله رسايل موجود الي انهلت علي رقمين واحد منها متصل علي اكثر من سبع مرات وواحد مغر مره قلت وش هالمصيبة عسى خار بكلم ابوسبع مكالمات ويوم دقيت لاوالله انه مقفل ودق ثانيه لنفس الحكاية قلت الله يستر ودق على الرقم الثاني ويدق محد يرفعه قلت يصير خار رحت وقضيت اشغالي ورجعت للبيت وقيلت وجا العصر ثم المغرب ثم العشاء وبعد العشاء بساعه بالكثير للجوال يلعلع لهو الرقم الي داق علي سبع مكالمات قلت يالله عسى خار غمزت الزرار حق المكالمه قلت الوه لاماش رد واقول الوه مره ثانيه لاماش رد ورد بالثالثه بصوت مرتفع شوي قال انت داق علي مرتين خير لهاك الصوت الي يرويله عشرين تسلب الله يعزكم براطمها تصقع السماعة من كبرها قلت لقيت لكم سبع مكالمات وكلمت قالت لا ياشيخ قلت اقول لعن الله مننتي عبدته يالعبده والله مابقى غار اضيع وقتي مع كوينينه ماتسوى الهلل الي صرفته على هالمكالمه وانا طفي الجوال جلست عقبها بيومين لهاك الاتصال والرقم الي طلع في جوالي لاوالله معرفه انا نسيت السالفه وطريقة البلوتوث وغيرته من هاك اللاله ورفعه الو الو الو لاماش علم هو يطفي الاتصال وانا ادق ثاني مره هو يفتحه قلت من انت هو يطفيه وانا اجلس عقبها خمس دقايق لهاك الرسالة الي جتني على جوالي لهو من هاك الاتصال فيها بيوت شعر غار شكل لا ومزخرفه بعد ثم شكيت فالموضوع قمت ورسلت رساله راح اليوم الاول والثاني والثالث هو يدق على في نفس هاك اليوم رفعته وقلت لاتستحي وش تبي لاهاك الصوت الي من سمعه ضاعته علومه اخوكم فالله تحسبون عنده اسلوب طعس ماعنده غار الهجوم قلت وش هالحركات نص كم هي تكرها ضحكه وانا اروح في خرايطها صدز والعرق يقوم يصب المهم ماودي اطول علاكم طالت الدعوى وكلها مغار مكالمات والصراحة تاليا يوم فكرت ليني ظايع وابحاول اتخلص منها بي وسيلة بس ماودي اجرح مشاعرها لانها بكل صراحة مودبه ولا عمرها قالت كلام مهوب محتشم وش الحل يارياجيل |
افا يافرناس
لكن هالخطه اللي سويتها يابعد حالي طايحين فيها الشباب هاليومين ومستحيل يدق عليهم الا شراميط بطاقات الشحن الا ماندر اما كيف تخلص منها اظن صعبه لان بعضهن يهد الطير من السماء باسلوبهن ماهو فرناس اللي يكلمها كل يوم |
والله لالامصيبه ولا هم يحزنون
اكرشها قل توكلي على الله والالاتدري لالاعاد ترد علالاها والا عطني رقمها وازهلها ههههههههههههه الحل يالغالي انك تصااارحها قل انا رجال الامور هاذي مهيب عندي توكلي على الله فهمت يالذيب مايبا لموضوعك اي شي |
اخوي فرناس
انت من يوم سمعت صوتها الظاهر جاز لك الوضع واذا كنت تبي الحل اذا دقت سمعها صوت القطار والا حولها على وازهلها على ماقال ذيب الجنابج ههههههههههههههههههههههههههههههههههههههه تحياتي لك |
الاخ فرناس يقول اباالقاسم عليه الصلاة والسلام " كما تدين تدان" أو كما قال يقول الشاعر بندر بن سرور العتيبي ومن كشف ستر الناس كشفو ستاره... ومن يضحك بثرمان يضحك بليا سن ويقول الشاعر:حزام بن سعود العتيبي وحذرا بنات الناس والعيب والردى ****** ترى الدين يقضى والفلك دوار توقع لون العيب فامك وفاختك ******* هل يطيب لك في هالحياه قرار من داس عرض الناس داسو عرضه ****** ومن جار في غيره عليه يجار ومن شق ستر الناس شقو ستره ******* ومن شق ستره مايعين خار وهاذي نصيحه للكبار ادخرتها ******* لو انهم فالعقل غير كبار |
سفير الجذعان
مشكور على طيب اخلاقك ذيب الحنابج يابعد راسي هذا الكلام الي يجمد على الشارب ابن عوجان ههههههههههههههه الله يرج بليسك فيك لكاعة قحص الله لايهينك وتراء البيت الاول لشالح بن هدلان يرد على ضيف الله العفار مهوب لبندر بن سرور انتم الله يهديكم تحسبوني انا من دورت واتعبت نفسي صدفه من غار حساب وحصل الحاصل على تلفون بس |
اخوي فرناس ياللة تحية ،،،
صدر من شركة الاتصالات السعودية بخصوص شرائح سوا سيتم الغاء شرائح سوا إذا لم تحدث بياناتها وهذا مما ينهي معاناة كثير من الشباب والاسر . ولكم تحياتي ،،،، |
بسم الله الرحمن الرحيم
( نهـــــــــــاية العالم ) علا مات الساعة التي تحققت تطاول الناس في البنيان : كثرة الهرج ( القتل )حتى انة لا يدري القاتل لما يقتل والقتول فيما يقتل: *اتشار الزنى * انتشار الربا *انشار الخمور *انتشار العازفات ولا غاني والمغنيات والراقصات ( قال رسول اللة صلى اللة علية وسلم :سيكون اخر الزمان خسف ومسخ وقذف قا لو متى يا رسول اللة ؟ اذا ظهرت المعازف والقينات وشربت الخمور ) خروج نار من الحجاز تضيء لها اعناق الا بل ببصرى ( الشام)وقد حصل عام 654هـ حفر الانفاق بمكة وعلو بنيا نها كعلو الجبال تقارب الزمان (صارت السنة كشهر والشهر كا الاسبوع والاسبوع كيوم واليوم كا الساعة كحرق السعفة) * كثرة الاموال وا عانة الزوجة زوجهاا با لتجارة : *ظهور الموت فجاة * ان ينقلب الناس وتبدل المفاهيم ( قال صلى اللة علية وسلم ك سياتي على الناس سنون خدعات :ال كاذب ويكذب والصادق ويخون الامين ويؤ من الخائن وينطق الر ويبظة :( والرويبظة هو الرجل التافة يتكلم في امر العامة ) *كثرة العقوق وقطع الارحام * فعل الفواحش ( الزنــــــــــــا) با الشوارع حتى ان افضلهم دينا يقول لو واريتها وراء الحائط: مع تحيات سلطان مطلق جازي الد عجـــــــــــــا ني العتيبي |
السلام عليكم
اخوي فرناس هذي الحركات كثرة بالحيل ومايدقون الا الجحلط هذولا حقين البطاقات شحن وان كان تبغى الحل اكرشها والا تبيع الشريحة وتشتري لك شريحة ثانية وان شاء الله قد افدتك تحياااتي |
شرواك الطيب يا فرناس
انا عندي قصتن لهاجري ونتو تعرفون ان .................... قالي قصتة يقول الرجال انة فا البر ومكان عندة با نزين وهو يشوف البل وهو يروح عند راعي البل قالة عنطك با نزين قال راعي البل قال ما عندي قال عندك حليب ونتو تعرفون ان البل فيها حليب قال اكيد فيها حليب قال جب الحليب وهو يحط الحليب في مكان البنزين ومشت السيارة واللة وهو مايدري طلع من الشكمان نضير يومنة فتح الكبوت الا السمن فا الكبوت يزغتر سمن ههههههههههههههههه تقبلوا خالص تحياتي أخوكم سلطان مطلق الدعجاني |
ااااااسف جدا على الخطأ ومن كشف ستر الناس كشفو ستاره... ومن يضحك بثرمان يضحك بليا سن صاحب البيت شالح بن هدلان رحمه الله ورحم اموات المسلمين الاخ فرناس أدري انك مهرجت معها بس تبغى تصرفها وتخليها تنقلع وتفارق عنك يادااااااافع البلااااااااااااااااء ذي طال عمرك تدور أحد يريحها ولا عندها والي ولا وين شيبانها وين أخوانها وين الرقابه الاسريه يالله انك أما تهديها ولا تمحيها من وجه الارض هي واللي على شاكلتها |
الله ينطيكن العافية والسلامة
نصايحن طيبة من لحياتن طيبة |203| |
لاوالله ياخوك أنتبه هالايام مايدق ألا ........................ وعلى فكرة ترى فيه بعض الشباب يسوون هالحركات يتونسون ويحصلون بطاقات سوا وغيسرها ويسجلون صوتك وينتشر بين خلق الله
. الحل كل مادق عليك لاترد أسفهه ........ وياخوفي يكون خويك هو أل مسوي فيك كذا يالخشن ههههههههههههههه تحياتي |
اقتباس:
هههههههههههههههههه الظاهر انها حاصلتلك نفس السالفة ذي الله يعيينك |
اخوي فرناس الله يعنك انا ماني دخل فيك
هههههههههههههههههههههههههههههههه |
أخوي فرناس الحل عندي بس لمدة شهر عط جوالك أحد الهنود مايعرف يتكلم عربي وخله يرد على المكالمات وتشوف بعدها ماأحد يتصل عليك وسلام
|
خخخخخخخخخخخخخخخخخخخخخخخخخخخخخخخخخخخخخخخ
الله يرجكم كل واحد شايل حظيبه ويعطي نصايح انا لقيت الحل تدرون وشنهو حولوا تحت بعد اقولكم بعد الظاهر ماتفهمون اقولكم حولوا تحت وابك علامكم حولوا يمال الي الحل هو معكم الكمرة الخفية هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه |
الصراحة سحبت سيفون على الجوال القديم وطلعت شريحة جديدة وبديت من جديد |197|
|
اقتباس:
تحياتي |
انتبه لاتحط رقمك الجديد في البلوتوث :)
تحياتي |
| الساعة الآن »01:27 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd