سلامي على الشعار من غير تحديد=اعمٌه على الشعار مانيب اخصه
عسى الله يرحم وقت غانم وابا زيد= ليا قام واحدهم على الخصم رصه

هلا مرحبابك يالحميدي تراديد=تقدم وعطنا خطبتك فالمنصه
ياشاعر يانخبه جيت بالعيد ياسيد=توال الليالي ماش رصه وقصه

يدوم البقاء والصيد ياموفر الصيد=ومن كثره القصاص ماعاد قصه
ترى العيد عيد الله ولاهوب تجديد=وطبع الذهب ماغير الوقت فصه

تقوله وأنا ماجهلك من ماضي ابعيد=يبا يطيح من علم العواريف نصه
أقول الوصايط ماوراها ولا فيد=عطتك الخواتم من حلال أخو حصه

لو الله ليا زدتو على الزايد نزيد=ودرب السعد بالعين لازم تبصه
انا مابلشت مع الخبول المقاريد= وكم شاربٍ يزمر وجبنا مقصه

وحنا مانبلش نضرب الحيد بالحيد=لكن الحميدي مايذريه جصه
تقول وأنا خيال لا طول الميد=أبصير لك في داخل الحلق غصه

يامشهور مادامك تدرعت فالقيد=نبا نلزمك بوصاه واخوك وصه
ومرٍ محاديرٍ ومرٍ مسانيد=ومشهور يبغاله ثمانين حصه

كثير العرب يدخل بوجهه ليا ريد =وبعض العرب يدخل يانايف بعصه
نجيب الذهب ياناقلين العباريد=ونايف على ماقيل معروف لصه

عصاة النبي موسى على السحر تنكيد=وعظم المشعوذ يمزعه من مفصه
نقلنا المشوك يوم مشهور رعديد=ولا في يدينه غير عظمٍ يمصه