تنشّد يابدوي وانت لاطبله ولاطار = اسم معناه موية ذهب هذي الحضاره
ترى الذيب مايرتاع يالثعلب المكّار = تقوله بعد ذوّقتك انواع المراره

ترى من شاف بحثك يحسبك ربة الدار = وهذي فيك ياصاحبي ماهي خساره
طبيعتك النجاسه واثرك انجس من الفار = من الحنّا كفوفك حسينات النضاره

ولا ياصاحبي في اللعب مافيه معذار = ابمزح معك والعب وغاره ضد غاره
علومك طيبه يالجذع وصغار وكبار = وانا بنجرك ياباب محتاج النجاره

انا مازلت صاحبك ليش الفكر يحتار = وعيب تحط صاحبك مع قوم البواره
علومك وافيه مير لاترخص في الاسعار = وكل(ن) ياوسيع المعرفه دون داره