سلام وعاد عيدك كل عام يعود وانت بخير=عساك بخير طول الوقت يا نايف ومتعافي
انا انشد عنك وادورك يا نايف من التقدير=وفا واصل الوفا من طبعنا يالصاحب الوافي

هلا يامرحبا ترحيبةٍ ماتعرف التزوير=تقدٌم للزميل الي نهار الحرب ينشافي
زميلي يازميلي ماحصل من جانبك تقصير=وانا وياك طول الوقت ورادٍ على الصافي

المشاركة الأصلية كتبت بواسطة نايف الحميدي (المشاركة 257990) الله الله هلا يامرحبا ترحيبةٍ ماتعرف التزوير=تقدٌم للزميل الي نهار الحرب ينشافي زميلي يازميلي ماحصل من جانبك تقصير=وانا وياك طول الوقت ورادٍ على الصافي

نهار الحرب وقتن فات يوم كليب ينخى الزير=وابو ليلى يقص الروس سيفه حف الاكتافي
لكن اليوم انا طالبك ميز وامعن التفكير=تشوف الناس كلن حط نفسه قرم وسنافي

تذكرني بوقتٍ راح له في داخلي تاثير=زمانٍ فات لعتيبه تعدي كل مشرافي
وهذا الوقت وقت العولمه والفسد والتحرير=عسى ربي يدوم الستر يالله سترك الضافي

يانايف يا حزامي كثر التهليل والتكبير=طروش البحر مالوا وسط مكه فوق الاشرافي
ولن ما صار فالموضع يانايف حسن تدبير=حرام اني ما اطب البيت لا اسعابه ولا اطافي

يقولون الجماعه ياطويل العمر جده غير=وانا اقول السعد في نجد ولا ذي مزلافي
يضيرها ضعيفٍ مير عيت تقبل التضيير=عسى لحية ضعيف الحيل يسفي فوقها السافي