سلام ردية (ن) فيهاسؤال وجواب = أبدابها للنشامى وارفع اشعارها
ابونجر شاعر يكتب ويقرا الكتاب = وانا اعرف أرض الجزيره واعرف احرارها

يا مرحبا مرحبا بك يا عزيز الجناب=ترحيبة(ن) نايبه عن كل شعّارها
ارسم طريقك وحذرا من معاوى الذياب=وانا معي بندق(ن) ما تنخمد نارها

دام البقاء والشجيع امن الخطر مايهاب = افتح سموعك وخل الناس بافكارها
نبا نحاسبك يابونجر قبل الحساب = من شأن ما تبلش العربان في دارها

انا معك يالعصيمي في دروب الصواب=والطايره عمرها في يد طيارها
يا ديرة(ن) من علاها يالعصيمي ضباب=ما نعرف ايمينها من ضربة ايسارها

ماني براض(ن) عليك من الليالي عذاب = واللي بليّا سند ترجع لمصدارها
الناس مايدخلون البيت من غير باب = اسمع وستر الجنازه عند قبارها

المشاركة الأصلية كتبت بواسطة سعود العصيمي (المشاركة 253423) صــــــــح السانك واستلم ماني براض(ن) عليك من الليالي عذاب = واللي بليّا سند ترجع لمصدارها الناس مايدخلون البيت من غير باب = اسمع وستر الجنازه عند قبارها

مامن عذاب(ن) يجي في قلب بعض الشباب=يا قوم علم المعارك عند سبّارها
لقمتك يا كبرها مابين ضرس(ن) وناب=لا تنشب اف حلق قايلها من امرارها

سعود يعدت باللعب معك

ولاهنت والجايات اكثررر

وترقبني قريب اباك في سالفه :)