يالله اني في وجهك يامجيد=كل ماشفت حال المسلمين
كيف سوري يجي (( ابن الــولـيد ))=كرم الله الصحابه اجمعين

اسلتم يالثبيتي لا هنت

يالثبيتي ترى زاد الرصيد = سجلت بالكتاب وبالجبين
الله اللي يدبر ما يريد = ما خفى الله علوم العالمين

خايف (ن) يشمل الشر العبيد=والبلاوي تجي يسرا ويمين
منطق النار هل به من مزيد ؟=ماتجنبها غير اللي فطــين

استلم لا هنت

حقنةٍ صايبتنا بالوريد = والسبب روس قومٍ جاهلين
كل عامٍ يجي ويروح عيد = يضحك الرجل لو قلبه حزين

مرزوق العتيبي

اشكرك على المرور والتعليق

توضيح

الاحظ انكم تحطون (ن) بعد الكلمه الي فيها تنونين

تراي بالابيات اعلاه اكتب التنوين الي هو كسرتين تحت الكلمه ( ٍ ) وهو الصحيح

ذكرت الكلام اللي اعلاه لكي لا تقرى ابياتي بلا تنوين ويضن انها مكسوره

ينربط كل شيطان(ن) مريد=مير الانسان شيطانه لعين
تطلع الشمس ويذوب الجليد=يالله انك تعين الصابرين

استلام لا هنت

كلمة الحق ما تنقص تزيد = وانت عارف وحنى عارفين
تشرق الشمس باليوم الجديد = موعضه في عيون الناظرين

بأنشدك خابرك رايح بعيد=الطريق المسكر لا ذالحين
بأنشدك نكبة النادي (العميد)=وش يبا (الدوخي) من (نور) و (امين)

استلم لا هنت

يا صحيبي خذ العلم الوكيد = نقمة الله تزيل الضالمين
يالثبيتي عسى عمرك سعيد = لا تسمي هذولا مجاهدين

دفعني للعب الموضوع واسم راعي الابيات .

--------------------

صح بدنك يا ولد العم


تشرفت باللعب معك يالجزل


تقبل تحياتي . و دمت بخير ،،،

امتعتونا


صراحة


يعطيكم العافيه


والله يهدينا لما فيه صالحنا جميعاً


تحياتي

ياعالم الشعر والشعّار والمارثـون=اللي يحب الاصالة يحفظ اصلة معه