الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   احدى محاوراتي في احدى المنتديات مع الشاعر د.حمد العصيمي (http://www.otaibah.net/m/showthread.php?t=29268)

أبو نجر النفيعي 12-Oct-2006 04:19 AM
احدى محاوراتي في احدى المنتديات مع الشاعر د.حمد العصيمي
 
السلام عليكم ورحمه الله وبركاته

حبيت انقل لكم احدى محاوراتي في احدى المنتدياات

انا والدكتور حمد العصيمي

وارجو ان تناال على اعجاابكم


النفيعي



سلامي من السنّه ومن منبع الدين=سلام الوفا واهل الصفا والحميّـه
يجيني من الشعّار رجّال واذهيـن=نبا نلعب المعنا وانـا مـا عليّـه




العصيمي



هلا مرحبا ترحيب غالـي بغاليـن=وعيد الفطر قـدام عيـد الضحيـه
والا يا النفيعي وش وسوم البعارين=عشان الشداد يقر فـوق المطيـه





النفيعي



يدوم البقا يـا ملحقيـن المخلّيـن=عتيبه عتيبه لابـة(ن) صيرميـه
اشوف العذارى يخطف(نّ) الميادين=وهـاذي بعلـم الله ماهـي نقيّـه




العصمي




جمعنا كتاب الله من يسار ويمين=وصرنا خوان وراحت الجاهليـه
يصح الصحيح ولو تميل الموازين=ترى الوقت يا بو نجر دربى طميه



النفيعي



ترا ما جمعتو غار كتب الدواويـن=ولا تجتمع حسنه على ضـل سيّـه
ترا يابن عاصم نعرف الجيم والسين=على امكانك اليومه تشيـل الرديّـه



العصيمي



اقول الامانه في يدين الموامين=ولا لك علينا يا النفيعي دعيه
كلام يجي ويروح ماله براهين=ومن طاح راح بذمة العامريـه



النفيعي




ترا كـل خلـق الله تـرد المعاديـن=واضنّك تجي واتروح فارض(ن) خليّه
ما بهذل نفوس الناس غير الشياطين=تجاهـل علـوم(ن) ثابتـه فالعذيّـه




العصيمي


يبو نجر لا طالت رقاب المساكيـن=تقص الرقـاب سلالنـا النافعيـه
ترى القفل والمفتاح عند السلاطين=ولا بانت العلـه تهـون القضيـه



النفيعي



سلالك ترا ما حررت في فلسطين=ولا قصّت ارقاب العدا والبريـه
ولا يا حمد خلّك معي فالدكاكيـن=على شان تفرق بين ذيّه وذيّـه



العصيمي



انا ماني اللي يلطم الخشم والعيـن=وكحل الصبيه مع عمـام الصبيـه
ليا صرت راكب يا النفيعي شدادين=يموت البعير وتطـول الجرهديـه




النفيعي


على وين يالصاحب بتمشي على وين=تحـذف الاذيّـه جعلـكـم لـلاذيّـه
ترا كل ايشوف الناس في طبعه الشين=يحب الجلوس اعـلا شـداد المطيّـه


وسلامتكم

نواف العطاوي 12-Oct-2006 05:30 AM
عساك سالم ياابونجر وبيض الله وجهك تسلم على الابداع والى الامام حتى نشوفك في الساحه


تقبل تحياتي نواف العطاوي

الدماسي 2007 12-Oct-2006 05:31 AM
ابونجر النيفيعي
.
صح السنتكم
..
محاوره رائعه جدا وشعراء اروع
.
تحياتي وتقديري

نادر العش 12-Oct-2006 05:53 AM
..


اشوف العذارى يخطف(نّ) الميادين
وهـاذي بعلـم الله ماهـي نقيّـه

.

ترى القفل والمفتاح عند السلاطين
ولا بانت العلـه تهـون القضيـه


.



ما شاء الله ..


ما أستطيع أقول أكثر من كذا

متعب العصيمي 12-Oct-2006 07:25 AM
نجمنا وشاعرنا المميز ابو نجرعساك سالم وبيض الله وجهك تسلم على الابداع

وأنشالله بأذن الله نراك احد شعراء وأركان المحاوره

تحياتي لك وتمنياتي لك بتوفيك والنجاح

خلف بن مرزوق 12-Oct-2006 08:40 AM
...
..

ترا ما جمعتو غار كتب الدواويـن
ولا تجتمع حسنه على ضـل سيّـه

ماتخلي الاعيبك :)

صح لساااانك يافيصل ولسان حمد

ابداع من الطرفين

الدكتور العصيمي والدكتور النفيعي

مووودتي

.

مرزوق حمدان العتيبي 12-Oct-2006 11:35 AM
...
محاوره ذات هدف ومعنى واضح ..
الف شكر لكما على الابداع ...

السميــــــري 12-Oct-2006 04:29 PM
ولا يا حمد خلّك معي فالدكاكيـن = على شان تفرق بين ذيّه وذيّـه

هههههه

الله عليك يابو نجر

لاهنت

صح لسانك

مبدع كما عهدناااااك

برسفوووور

منت بدكتوووووووور

,,

اخوووك السميــــــــري

أبو نجر النفيعي 12-Oct-2006 04:42 PM
..

.

نواف العطاوي

الله لا يهينك على المروور

ورفع المعنويااات :)

ولاهنت..

اخوك..
.

أبو نجر النفيعي 12-Oct-2006 04:43 PM
..


.

الدماسي 2007

صح ابدنك
وانت الرائع

ولاهنت

اخوك..
.

أبو نجر النفيعي 12-Oct-2006 04:44 PM
..

.

نادر العش

الشاعر والقلم المبدع

مرورك شرف لي وتعليقك على المحاوره

ولاهنت..

.

اخوك..
.

أبو نجر النفيعي 12-Oct-2006 04:46 PM
..

.

متعب العصيمي

شكرا لكلمتك الرائعه

وشهاده اعتز بها

والله لا يهينك..

.

اخوك..
.

أبو نجر النفيعي 12-Oct-2006 04:48 PM
..

.

خلف بن مرزوق

صح ابدنك عني ونيابه عن د.حمد

وتشريفك وكلماتك شرف لنا جميع

ولاهنت..


اخوك..
.

أبو نجر النفيعي 12-Oct-2006 05:19 PM
..

.

مرزوق العتيبي

هلابك وشرفتنا يالغالي

والابدااع وجودك ..

ولاهنتـ ....

.
.
اخوك..
.

نواف العصيمي 12-Oct-2006 07:44 PM

بيض الله وجهك

و

صح السانك

و

وتضل رائع

مقعد الدغيلبي 12-Oct-2006 08:00 PM
الله
الله
أبدااااااااع
بين ابو نجر
والدكتور حمد
كلام في بطنه كلام
لكم خالص تحيااااتي

عمرالروقي 12-Oct-2006 08:07 PM
ابو نجر النفيعي
مشكور على المحاوره الرائعه
0000000000000000000000

الأمــير 12-Oct-2006 09:39 PM
صح السااااااااانكـ والسان الشاعر العصيمي


اخوك ذيب الحنابج


الساعة الآن »01:37 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd