|
قصيدة فلاح المورقي و رد بدر بن مطلق الهراني
قصيدة الشاعر: فلاح المورقي
طاوعت نفسي للغليبه وحبيت ***** ومن شان خاطر عين تكرم مدينه أنّشهدني تالي الليل ونـــــيت ***** مثل الجريح اللي تزايد ونيـــــــــنه حبيت ناس فالمحبه تشا فيت ***** من عقب طعنات السيوف السنينه في حبهم ياما شربت وتقهويت ***** دلة هــــوا وبهــــــارها زايديــنـــه أنّشهدني عنه مايوم صـــديت ***** دقات قلبي والسهر لأجل عيـــــــنـه جسمي بليا روح كني توفـــيت ***** والحب ماتسعف يساره يمينـــــــــه الحب مثل السجن يلي تمنيــت ***** وأنّشهدني يالمقاطي سجـــيــنـــــــه ياصاحبي ياراعي الطيب والصيت*** ياشاعر(ن) ماجاب غير الثمينـــــه بمشي على شورك ولافيه شكيت *** شور الفطين اللي علومه رزينــــه الحل عطنياه لو هو على بيـــــت *** والله يعين الصابر الله يعينـــــــــــــه =============================================== رد الشاعر / بدر بن مطلق الهراني عبرت ما فالجاش من يوم خطيت ***** حي الجواب اللي لنا كاتبـــيـنــه ياراعي المكتوب حيّيت حيّيـــــت ***** وإعداد من لبى الحرّم زايرينــــه إليا زهمني طايل الباع لبّيــــــت ***** أجيه لو الناس بيني وبـيـــــنــــــه الحب ماعذرب شيلويح وبخيـت ***** وفلاح يشكي حب صاف الجــبــيـنه ويقول ماعنه ولايوم صدّيـــــت ***** مير الهوى باير على مخلصيــــــنه وجدّد علّي جروح عنها تشاويت **** وقت(ن) مضى وقفة ليالي ســنـيـنه الحب بلوى مثل حكم الطواغيت **** والموت للي حبهم مصدريـــــــــــنه في دار ريم الصيد ياما تمشيت **** وقدام يرهنكم تراني رهــــــــــيـــــنه ضافي شعر ملهوف خطر(ن) لياجيت* في مبسمه ياقوت في شاهدينــــــه وإن سلهم بعينه شهيق وتناهيت ** غارات مردوفه مثل حرب سيـــــــنه الشور عندي ياعشير النعاتيت *** خلك وأنا بنصى وأبحث كنــــيــــــنـــه إن كانها بالمال ما شّي دسيت **** المال لاجت حزته مرخصـــــيـــــنـــه وإن كانها بالفعل عزوا هل البيت * أبوه يصبح فالنعش شايــــلـــــيـــنـــه مير النصيحه لو أجازف وضحيت * الفايز اللي مات في حفظ ديــــــــنـــه اليوم حال العشق مثل الكواشيت * يومين والروض الخضر حايسيــنـــه ============================================= |
صح لسان فلاح المورقي وصح لسان بدر الهراني
قصيده رائعه بيض الله وجهك على القصيده تحيااتي لك |
رووووووووووووووعة ياشاعر الجيلين
قصيدة رائعة لخليفة مطلق الثبيتي والرد كان رائع ولو كان في احدى الأبيات نوع ما من الكسر
واسمحولي ان اطلق على فلاح شاعر الجيلين مع احترامي لجميع الشعار |
اقتباس:
ياكبرها يارياجيل خليفة مطلق الثبيتي الله يرحمه ذي قويـــــــــــــــــــــــــــه شوي طيب ذكرت واحد ميت قول الله يرحمه وين راحوووو شعار قبله أمثال/ مرزوق المقاطي وين راح عيضه الثبيتي وين راح فيصل الثبيتي وين راح تركي العصيمي وين راح عيد الذيابي وين راح ماجد العضياني وين راح حزام العصيمي وين راح عبدالعزيز العازمي وين راح مشعل المقاطي كلهم شعار ماقالووو خليفة لمطلق الثبيتي الله يرحمه برحمته شاعر الجيلين ههههههههههههههههههههههه ليش لحق على مطلق لحق على صياف لحق على المسعودي لحق على الجبرتي لحق على المعنى |
شكرا لزيارتكم وتوضيح !
السلام عليكم ورحمة الله وبركاته
شاكر لكم زيارتكم يا متعب العصيمي وراعي الإبل والفزاع أما بالنسبة لراعي الإبل يا ليت توضح لنا البيت المكسور في بالتحديد !!!!! |
اقتباس:
|
اقتباس:
فلاح المورقي وبدر مطلق الهراني والحقيقه كانت القصائد في منتهى الروعه والله يوفقهم في مجالهم الشعري انشالله اما بالنبسه للقصيده اخي راع الابل القصيده موزونه ميه فالميه وانا راجعتها اكثر من مره ولم اجد فيها اي كسر مع احترامي لوجهة نظرك فالقصيده . والسلام ختام |
عفوا على المقااطعه
تركي العصيمي شاعر ومعروف عند الكل ومن الشعراء الشباب اللذين يجيدون اللعب على اصله ولا وصل فلاح المورقي في مستواااه وكل شاعر من الافضل الى الافضل تقديري |
اقتباس:
الحمدلله والشكر على العافيه اقول بك لووون انت أرجع لهرجي واقراء جيدا الظاهر انك عجل أنا قلت انهم ولم أحدد شخص بعينه وقلت بأنهم لم يقوووولوووووو افهم لم يقوولوووو عرفت تقرااء ولا اعيدها مرة ثانيه لم يقولو عن انفسهم خليفة مطلق الله يرحمه والله اني اسمع بأسماء الشعار المذكورين كلهم ولا اعرف فيهم احد شخصي يعني لاتفهمني غلط وتقول تبا وتبا كلهم ربعنا من عتيبه |
اقتباس:
افهم ماقالووو انهم خليفه مطلق رحمة الله سلطان الجلاوي. وصل العطياني. ابونجر النفيعي. مهنا العتيبي. محمد السواط.صالح العتيبي |
ياسلام عليك زيد بعد زيد شف يمكنك نسيت احد والا شي تاكد لا تخلي احد الا من الشعار
|
اقتباس:
لان العقليه شوي واللبييب بالاشارة يفهم اسمحلنا ياعتيبي نجد الظاهر انك ماترضى على الشاعر الكبير فلاح المورقي بس ترا والله لا قلت عنه شي يعني ادليت بدلوي ولا أحب أن اهضم حقوق الشعار الباقيين كما يفعل البعض |
.. ياجماعه طوّلوا بالكم .. الأمور ماتسوى إنها تاصل إلى هذا الحد .. أول شيء ربما تكون هذه المناقشات والمجادلات بسبب كثرة شعراء عتيبة في الجيلين القديم .. والجديد .. وهذا من فضل الله علينا ,, حيث أن القبائل الأخرى لايوجد بها سوى شاعر واحد أو إثنين .. ثانيا ً : يوجدهناك شعراء غير معروفين ولكنهم أقوى من بعض الشعراء أصحاب الشهرة .. وأخيراً : أتمنى أن لا يكون هناك مايشتت الأفكار والقلوب .. ولو إختلفت أفكارنا فيجب ألا تختلف قلوبنا .. (( مشكور يابدر على الموضوع جميل .. وصح لسانك ولسان المورقي )) |
اقتباس:
الاخ نادر العش أقسم بالله بأن كلامك ميه بالميه وانا عندما كتبت تعليقي ليس تنقيص قدر احد الشعراء بل احببت ان ابين ان هناك شعار من قبيلة عتيبه اكفى من الشعار الموجودين بالساحة ولكن لايحبون الاعلام وانا شخصيا اعرف اشخاص من قبيلة عتيبه شعار مصايب لو أعوذ بالله من كلمة لو تعرض بعض قصائدهم لصاروو من المعروفين وعندما انشدهم لماذا لاتريدون عرض قصائدكم بالمجلات والصحف يردون علي ويقولون لانحب الاعلام فقصائدهم لهم ولربعهم ولا يحبون الشهره كما بعض الشعراء أما الاخ عتيبي نجد أنا اتأسف منه هل تعلم لماذا أتأسف منه كي لا يستفيد الاعداء من هذه النقاش الذي دار بيني وبين أبن عمي ويدس السم بالعسل |
يا الربع يجب ان نعد الحق بدون تحيز ولا مجامله ولا يجوز التعصب كلنا اولد عم واذا ظهر شاعر جيد فهو يمثل القبيله فكل الشعراء الذين ظهرو مثل :
الشاعر خلف العتيبي الشاعر مطلق الثبيتي الشاعرمستور العصيمي الشاعرحبيب العازمي الشاعر ملفي المورقي الشاعر رشيد الزلامي وبعض الشعراء لا اذكرهم الان فكل هولاء يمثلون القبيله0 وشكراّ |
صح لسان الشاعرين وتشكر ياناقل الموضوع اما بالنسبه لتجاهل تركي العصيمي ياخي ضليمه النفس ماهيب زينه لا والله شاعر وله جماهيره ولقد عجز عنه الشاعر زيد العظيله حتى في احدى الحفلات انه جلس وقد طلبه تركي العصيمي وقال له انا لا العب مع شاعر مجنون ؟ كنايه عن قوته في لعب المحاوره ؟ وبعد ذالك اتت الصحافه لكي تكتب عن الموضوع وسالت العديد من الشعرا منهم حبيب العازمي وقال شاعر ومنهم مستور العصيمي وقال شاعر ومنهم فيصل الرياحي وقال شاعر ومنهم المورقي وقال شاعر ؟ وعندما اتصلو على زيد العظيله قالو لماذا لم تقم بالعب مع تركي حينما طلبك بالمحاوره ؟ قال لانه ليس شاعر فقالو له كبار ساحه الشعر شهدو له بشاعريته فما قولك على هذا قال بانه شاعر هجومي ... فكيف يتجاهل شاعر اقعد شاعر معروف عن العب عنه بكنايه قوته ؟ انا والله مادخل جيبي من الكلام شي لا شك انه من ابنا القبيله الحقيقه طريق صريح وانا نقلت الكلام هذا لاحدى لقائاتي مع الشاعر تركي في احدى مكاتب الشعر في جلسه عاديه وسمعت منه هذا الكلام بحضور الشاعر مشعل بن عباس الشيباني .. ولكم جزيل الشكر |
| الساعة الآن »06:39 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd