منتدانا بالعلوم الطيبه مافيه زيه=حي والله منتدانا فالصباح وفالعشيه
ان تمازح بيننا من صح قلب وحسن نيه=ومايصيب الشك غير اهل الردى واهل الرخامه

مايصيب الشك غيراهل الردى واهل الرخامه=ياعتيبه ماندور للمهبل والرخومي
من يقابلني عزيز اعز فالماقف مقامه=اتعلم من علومه ويتعلم من علومي

منتدنا ياعميل الخير ماتلقى مثيله = دام عنوانه يابن عمي على أسم القبيله
الشهامه والكرامه والجميله والجزيله = وقولها ياصاحبي للي يدنق كنعامه

قولها ياصاحبي للي يدنق كنعامه = كيف بالله ياعميل الخير ينظر لنجومي
سرها ياصاحبي قدام يامال السلامه = والله انه ياعميلي يخزي ابليس الرجومي

بيني وبينك علوم طوال والمده قصيره= ياعسى فالامر خير وياعسى فالامر خيره
منت سالم لو نقلت البندقيه والذخيره=وكل رجالن من ذراعه ومن نبرت كلامه

كل رجالن من ذراعه ومن نبرت كلامه=والسهوم وجهتلك وانت صد عن السهومي
صاحبك ساري معه بندق ويكرب في حزامه=وان لقى الصيده ضعيفه عادته عنها يشومي

بيني وبينك علوم(ن) بينه والكل خابر = والجنايز مالها ياصاحبي كود المقابر
لا تصيح فالنوادي لا تصيح فالمنابر = ومحتسينك بالدروع ولا تلحقنا ملامه

محتسينك بالدروع ولا تلحقنا ملامه = مار لا جتك الذهيبه لاتبيع ولا تسومي
صاحبي لاكثرت احلامه نكدرله منامه = وان تعرض للهبوب ايجيه من لفح السمومي

تعرف اني ماتغيب وتدري اني ماتغير=ولا تقول اني كبير اعرفك ياصاحب صغير
سير الخطوه بدربي ياعسى المولى يسير=ولاتسرع ثم تاخذلك على السرعه غرامه

لاتسرع ثم تاخذلك على السرعه غرامه=منت مع خطن مزفلت لاتهبد فالحزومي
صاحبك رام الجزيله ليتك تحقق مرامه=لاتقربله ترى منته بقده فالهجومي

ادري انك دوب تمشي فالطريق الي قبالك = والحمول الكايه لابد ماتطرح جمالك
وان لفيت اسيرك واكويك ثم اقطع وصالك = ولا تسيرك القوافي وانت في درب الندامه

لا تسيرك القوافي وانت في درب الندامه = صخر القيفان قدام المطانيخ القرومي
هب ياذاه الغليم هب يامكثر حلامه = ملتمس مدري مصخن ولاكيد انه امحمومي

دام تدري يالشقاوي لا تعرض في طريقي=انت ابن عمي عضيدي ساعت الشده شقيقي
لاتزعلني وشب النار واسوي حريقي=ثم تسمع من عتيبه وش بلا الرجل وعلامه

ثم تسمع من عتيبه وش بلا الرجل وعلامه=ثم اقول المعذره مغرور كثر فالوهومي
ياحليله ياعتيبه لا شداد ولا مسامه=طول السانه عليه مير مازود همومي

دامك انته معترف بالحق فالدعوى سلامي = استلمها من هجوس الشعر في مسك الختامي
كلمت(ن) قد قالها الشاعر رشيد ابن الزلامي = (لا لفاه امشيخ النيبان مردومن سنامه )

لا لفاه امشيخ النيبان مردومن سنامه = الحوير وش يسوي غير ياكثر الضيومي
اشهدوا ياهل الكويت وصوتوا لهل المنامه = والله اني للمشقى ثابت وقلبي عزومي

صح لسانك يافزّاع


بس مالقيت تلعب الا مع ولد عمك


دوّر واحد من بعيد عشان ماتجامله ولا يجاملك


صح لسانك يالشقاوي


هذا الشبل من ذاك الاسد


تحياااااااااااااااااااااااتي

المشاركة الأصلية كتبت بواسطة ابو لمار (المشاركة 249690) صح لسانك يافزّاع بس مالقيت تلعب الا مع ولد عمك دوّر واحد من بعيد عشان ماتجامله ولا يجاملك صح لسانك يالشقاوي هذا الشبل من ذاك الاسد تحياااااااااااااااااااااااتي