الليله الملعبه تبغى صدور(ن) وساع=تحكم لي القاف ولا تخشى هجوم السباع
يالنشمي اقرب وسولف يا عزيز الطباع=والله يعين العرب ويديم هالمنتدى

يالالاله قوم يالنشمي وهات الزين كله=يالالاله وابعدو عني هروج اهل الرديّه
يلالاله فيه لغز(ن) يابن عمي ما تحله=يالالاله لو تجمّع عشرة(ن) من فوق ميّه

الملعبه طيبها من طيب شعارها= واهل الوفا والعوارف تحكم اشوارها
انا اشري الغاليه لوا زادت اسعارها= والله يعين العرب ويديم هالمنتدي
يالالاله عندنا سيف ن على الطاغي نسله= يالالاله والقويه مالها غار القويه
يالالاله والحقايق واضحه مثل الاهله= يالالاله كم نقطه للحروف الابجديه

المشاركة الأصلية كتبت بواسطة بن زهران (المشاركة 245337) صح السانك يابو نجر ولاهنت والله ابداع ابونجر والنشمي واصلو وياابونجر ازهل الصف من دون قصور في النشمي واصلووو الله يفقكم تحياتي اخوكم

ارحب

يابن زهراان

وصح ابدنك

والصف عامر بوجودك يالقرم

ولاهنت

انته عزيز(ن) عليّه.. يابن ثابت شجيع=وخاطرك وسط الملاعب يا رفيقي وسيع
لاكن فصل الشتاء بلعون بعده ربيع=والله يديم الوطن ويديم هالمنتدى

يالالاله سيفكم خله ودل الدرب دله=يالالاله ما نبا سيف(ن) ولا عدي العبيّه
يالالاله والمحل اللي تقوله مو محله=يالالاله مسكنه يا صاحبي وسط الحويه

يابو نجر صف لي نيتك ياصاحبي= انته عتيبي من العتبان منت اجنبي
تراك يابونجر مكفول سد اشنبي=والله يديم الوطن ويديم هالمنتدي
يالالاله خلها تمشي على مذهب ومله= يالالاله مانباها بيننا تصبح قضيه
يالالاله واضح المكتوب وادري عن سجله= يالالاله ياعتابه فالعرب عاقل وعيه

انا احمد الله خضر قلبي ولابي خلاف=وانا عتيبي من اللي يحتمون الرهاف
وانته عكست الدروب وتحسب انها خفاف=الله يعين العرب ويعين هالمنتدى

يالالاله صب كيفك يا ولد من وسط دله=يالالاله وانت ما عندك قصور(ن) بالحميّه
يالالاله طايره من فوقها مابه مظلّه=يالالاله صارت العالم تسمّيها بليّه

المشاركة الأصلية كتبت بواسطة النشمي (المشاركة 245363) ابو نجر انا وياك تقول بدو يبون يشترون سياره من المعارض وجايين بعدصلاة الفجر وش رايك نجلها بعد التراويح

يا فيصل ادرى على روحك وخلك للبيب= قدام راسك يشيب قبل وقت المشيب
حنا نضدالخصم دايم وسقم الحريب =والله يعز الوطن ويديم هالمنتدي
يلالاله والغليم لو تمنا ماحصله= يالالاله ماحصله لا كثير ولا بليه
يالالاله عندنا طب ن يداوي كل عله= يالالاله واخر اعلاج المرض فالطب كيه

انا محضّر هنيّا كي ارز العلم=وترا الهوا يا صحيبي ما يهز الصمم
وانته هالايام مرفوع(ن) عليك القلم=والله يعين يعز العرب ويديم هالمنتدى

يالالاله وانت رجّال(ن)و قلبك فيه خله=يلالاله والغليّم ساقكم سوق المطيّه
يلالاله طبّكم معروف في وسط المجله=يالالاله ما يعالج سم داب و سم حيّه

انته محضر وانا جبتلك سيفآ حديد=العلم واضح يافيصل ليش اكررواعيد
احسب حسابك وميز وانته المستفيد=والله يعزالوطن ويديم هالمنتدي
يالالاله يالغليم فيك خوف وفيك ذله=يالالاله نيتي وحده والك عشرين نيه
يالالاله والغشيم مايحقق غايت اله=يالالاله ماش فراعه تراها جات هيه

يراعي السيف يا مرحب وجيب السيوف=من شان اذكّيك يا رجّال مثل الخروف
من بعد هاذي على الميدان كل(ن) يشوف=والله يعز الوطـن ويديـم هالمنتـدي

يالالاله وابن ثابت ياجماعه زل زله=يالالاله قام ينخى يا جماعه في خويّه
يالالاله لازم الوسم الحمر هاذا تشله=يالالاله وانت لنته طاير امن الجاذيبه

المشاركة الأصلية كتبت بواسطة خلف بن مرزوق (المشاركة 245431) ... .. هاموران من هوامير القلطه صحت السنتكم ماتبعتكم متعه وفائده اسجل بقائي .

دور لشرواك ذكه لا تهمقا الرجال = منته بقادر تداحم شامخات الجبال=
انته حويشي ولا تمشي دروب الجمال= الله يعز الوطن ويديم هالمنتدي
يالالاله طيعني يابو نجر والفرض صله=يالالاله وان عصيت امري ترى الذمه بريه
يالالاله سيفنايابونجر مافيه كله=يالالاله يلطم اعيون العدى صبح وعشيه

ترا الحويشي تهابه فالمواقف فحول=يا كثر ما كرر اليومه واغني واقول
انته شدادك طرح من فوق ظهر الذلول=والله يعين العرب ويعز هالمنتدى

يالالاله وانته البارح تبرّد فوق تلّه=يالالاله ثم جمعك بين ذي وبين ذيّه
يالالاله وانت قلبك يابن ثابت فيه غله=يالالاله مار ليتك ما عرفت الاوليّه

المشاركة الأصلية كتبت بواسطة مقعد الدغيلبي (المشاركة 245750) الله الله الله ابو نجـــــــــــــــــــــــــر والنشمــــــــــــــــــــــــي شعار يجبرونك على المتاااابعه صحت اللسنتكـــــم يامبدعيييييين تحيااااااااااااااتي للجميع

اررررررررررررحب

يابو فيصل

وصح ابدنك

والابداااع انتم اهله
وحنا نتعلم منكم يالذيب

والله لا يهينك على المرووور

تقديري