الا ياسلام الله عدد وبل الامطار= على اللي لشوفتهم نسوق البشاره
نبي نلعب الطاروق قدام شعار=نسوي مثل فؤاد راع السفارة

هلا مرحبا والطير وقع ولا طار = يوقع بامان الله داخل دياره
لفت نظرتي ناس(ن) غريبين الاطوار = تجيب السوالف مثل هرج العياره

يدوم البقا والطير في ظل الاسوار=يواصل بظل السور دايم مساره
والا ياعسى لك بين الاجواد معبار=علشان تركب مفردات العبارة

ليا كان نوع الطير من نسل الاحرار = اقول اشهد ان الطير ماهو خساره
مواقيفنا بالطيب في بث الاقمار = عباره كفا للحر عنها الاشاره

ترى كل طيرن وله مخلب ومنقار=وانا طيركم شفته براس الزباره
ترى الطيب اليا طاب فالضيف والجار=وحنا من اهل الفعل واهل الاماره

ليا طار طيرك يلقفه كل صقار = وطيري كسب للجزل في كل غاره
ترا الطيب طيب الفعل والوقت دوار = وما فات مات وخل عنك النعاره

ليا ضف ريشك وانت ما طرت من قار=يبى راعي الناتوش يخلف عياره
ترانا لقانا داخل السله الفار=فوار الطحين ونجسها من فواره

تراعد يدينك قبل ما تطلق النار = ليا شفت عين الحر تقدح شراره
علام الغليّم يقحص يمين ويسار = يذكرني ( إ ) بقصة جحا مع حماره

ليا شطت وحطت ندق الك مسمار=يموت الفقير ولا يقاصد عمارة
اشوفك سوات العبد لاصابه الزار=ليا قام بيتك هادمين(ن) جداره

ليا شطت وحطت ندفّعك الأجار = وكل تاجر(ن) يبخص مكاسب عقاره
نشر للاشاعه في قنوات الاخبار = بعدها يدور عن دلااايل قراره

لياجيت مع صحراء ليا جيت مع قار=ترى الوقت فوقك داير.ن في مداره
لنارك رماد.ن كاثر.ن وسط الاوجار=وناري تقادح فوق راس المنارة

ترا الوقت ما غيّر طويلين الاشبار = ولامن كسرك الوقت جبنا الجباره
اشب الحطب تكريم لطوال الاعمار = وكل شيخ يعسف للمعارك مهاره