يابو نجر النفيعي لاتعذر واترك المعذار=تقدم واطلب الله خالق الانسان سبحانه
نفيعي من ننفيع اهل الوفاء والطيب والمقدار =واسالت عتيبه الهيلا وقالوا مالهم خانه

الا يا عايض اللي ناوي اللاله يشب النار=ترا المشهاب يا رجّال فوقك شب نيرانه
والا ياراعي الفتنه لزوم اتكثّر الاذكار=والا يا عايض اللي ما عرف خاله وعمّانه

توكلنا على الله والحمامه في يد الصقار=يطير الصقر ابومخالب ويضوي لورعانه
ترى مانيب احب اهل الفتن يالشاعر المكار=تلف اتدور مير ربوعك العتبان ديانه

والا ياللي بدا بيتك يهلهل فوقك الاعمار=تراجع قبل لا هلهل بيوتك فوق عمدانه
والا ياللي معي لفّيت يا رجّال فالاذكار=ترا البندق على قول العرب مركوز نيشانه

والايالي بدا يضرب على راسك جرس الانذار=توقع ثم طع شوري تخير واجلب ازانه
والايالي تسولف وتفلسف عادات الثرثار=ترا البندق على قول العرب ماهيب مليانه