البارحه في وسط ساحات عاليه = واليوم في وسط الديار الخليّه
يوم(ن) كل(ن) ماسك(ن) يد غاليه=وأنا من الحسرات حالي شقيّه
أشوف شي(ن) يجرح القلب تاليه=بنت الحمايل للمفاسد ضحيّه
باعت شرفها والفرنجي تباريه=لاعاد لا حشمه ولا مقدريّه
ياصاحبي وإن باعوا الطيب نشريه= حنّا هل العادات والشاذليّه
يقطعك يارجل(ن) تكشّف مخازيه=اللي على النسوان مابه حميّه
راح يتمشى والبلا في تمشّيه =راعي ولكن ما حفظ للرعيّه
عود(ن) وتالي عمره إبليس مغويه= في مظلم البارات حطه خويّه
يشرب شراب(ن) عقل الانسان يغديه=وإلى غدا هانت عليه الخطيّه
عود(ن) يبيله مخطر(ن) في علابيه= فاسد ومجرم والبنات الضحيّه
والذيب يسري والبلا في مساريه=يفرس رباع إن ما لقا له ثنيّه
وكان الحضاره تلغي أغلا مباديه= لا بو حضاراة الشعوب الغبيّه
راع الشرف كل(ن) يحبه ويغليه= وراع الردا ماله ترا قابليّه
بعض النساء بالحب كل(ن) تخاويه= خبله لوّ إنه في عباة أجوديّه
درب الردا دايم تجي في حراويه= بسباب غيره بس ما هي نقيّه
وألا بعضهن عز أهلها تداريه= متّحضره وألا تعيش إبدويّه
مثل الحرار اللي رفيعه مرابيه= وألا الورود اليانعات النديّه
درب الردا يا بنت وش هي تواليه= غير الضياع بليلة(ن) سرمديّه
وين الرجال اللي تعرف المشاريه= اللي لهم بالطيب روحه وجيّه
راع المرض وإن ما لقاء من يداويه = يعدي مرضه إن ما برا كل حيّه
ليت السحاب اللي تكاشف مناشيه = يمطر على ريضان نجد العذيّه

المشاركة الأصلية كتبت بواسطة ذيب الحنابج (المشاركة 239152) صح الساااااااانكـ

المشاركة الأصلية كتبت بواسطة خلف بن مرزوق (المشاركة 239301) ... .. فهد الغنام صح لسااانك يالجزال والله يصلح شباب المسلمين موووودتي .

ولد شمر صح لسانك


جزله


في انتظار جديدك


تحياتي ياغالي

المشاركة الأصلية كتبت بواسطة أبو نجر النفيعي (المشاركة 239306) صح السااانكـ يالشميري على الجزله وننتظر جديدك اخوك

المشاركة الأصلية كتبت بواسطة مرزوق العتيبي (المشاركة 240417) ... . جزاله يالسنعوسي ... اشكرك على قصيدتك الجزله وعلى مشاعرك الانسانيه الراقيه .. .. والله يصلح الاحوال يالغالي. .. فعلا شي معيب .. يالله سترك .. !! :(

المشاركة الأصلية كتبت بواسطة فيصل المسعودي (المشاركة 243624) ولد شمر صح لسانك جزله في انتظار جديدك تحياتي ياغالي