بسم الله الرحمن الرحيم

أنه في سنة من الخمسينات دعي الأمير فيصل بن عبدالعزيزأال سعود

الأمير/ منصور الفغم لحضور حفل ( لم أتذكر مناسبتة فأعذروني )

وكان الشاعر / فهد بن جبرين موجدافي لحظة ذهاب الأميرمنصور

تلبية لدعوة الأمير/ فيصل بن عبدالعزيز أبن سعود فوق في الحجاز

فقال أبن جبرين ياطويل العمر أروح وياك مرافق ، ووافق

وعند وصولهم أستقبلهم الأمير / أبن سعود بحفاوه لما بينهم من

صداقه وثيقه وأخاوه بينهم .

وكا من المتعارف قديما وجود الشعراء مهم جدا في

الحفلات والمناسبات ومن بين الحضور كان هناك

الشاعر / لويحان

والشاعر/ محمد الجابري الحربي

والشاعر/ ناصر أبن سرحان الشيباني

وهم في ذلك الوقت كانوا يعتبرون أحد أقوي فطاحلة الشعر ،

وبداء الأمير/ فيصل بن عبدالعزيزال سعود

في الشعر وقال هذا البيت

يامن شرا له هم يامنهو يسوم = طبت بضاع السوق وأفتح بابها

أخذوا شوي ومحد رد علي بيت الأمير/ أبن سعود

فقال الشاعر/ أبن جبرين للأمير/ الفغم

ياطويل العمر أقلط عليه فقال الأمير/ الفغم اذا عندك رد أقلط عليه

فوقف أبن جبرين فقال بيت ردا علي بيت الأمير/ أبن سعود

يشريه منك اللي مكلف بالهموم = اللي مكلف بالهموم أولابها

وتبع أبن جبرين بيته الشعري بقوله

(((((((((((( أبوك ينزلك ويحط واحد محلك ))))))))))))))

قاصدا الأمير/ أبن سعود

فقال الأمير / أبن سعود تعال من أي عرب أنت

فقال له : ياطويل العمر أنا فهد أبن جبرين المطيري جاي

مع الأمير/ منصور الفغم مرافق معه

فقال الأمير/ فيصل بن عبدالعزيز بن سعود تسمعون

وش يقول(((((((((((( أبوك ينزلك ويحط واحد محلك )))))))))))

هـذا هـو الشــاعر

ورا ماعلمتنا عنه يالأمير/ منصور

فقال ياطويل العمر مادريت عنه الا هالحين

وسلامتكم ،،،،،،،،،،

أخوكم/شـ2000ـاعر

المشاركة الأصلية كتبت بواسطة ذيب الحنابج (المشاركة 236211) شكرا على النقل

المشاركة الأصلية كتبت بواسطة أبو خالد الروقي (المشاركة 236304) شاعر 2000 نقل رائع لاهنت تحياتي لك

المشاركة الأصلية كتبت بواسطة نواف الذيابي (المشاركة 236369) السلام عليكم ورحمة الله وبركاته شكرا على النقل اخوي شاعر 2000

يـا عبد لا تقـرب سعيـر النار =النـار تأكـل مـن مـواليـها

أنـا سـوات مـوكـف الأمطار =اللـي ألـيا جـا النار يطفيـها

أنـا الجمـل و نته سوات الفار =ونـا سنـوني مـا تـوقـيها

أنـت الجمـل و العبد أله جزار =أنا جنـوب الـهرش أوطيـها

المشاركة الأصلية كتبت بواسطة الجزل (المشاركة 236669) °ˆ~*¤®§(*§*)§®¤*~ˆ°بسم الله الرحمن الرحيم°ˆ~*¤®§(*§*)§®¤*~ˆ° الـشــ2000ــــاعر أشكــرك عــلــى حــســن تـعـــبـيـرك و عــلــى إحياء ذكر الشـاعر الــبــحـــر علمــاَ بأن الشاعر غني عن التعريــــف و أذكر لك مقتطفـــات من محاوراتـه مـع الشاعر سفر العازمـــي العــتيــبـي الملقب بــ قيس رحمهم اللــــه قيـس يـا عبد لا تقـرب سعيـر النار =النـار تأكـل مـن مـواليـها البـحر أنـا سـوات مـوكـف الأمطار =اللـي ألـيا جـا النار يطفيـها قيـس أنـا الجمـل و نته سوات الفار =ونـا سنـوني مـا تـوقـيها البـحر أنـت الجمـل و العبد أله جزار =أنا جنـوب الـهرش أوطيـها تــقـــبــلوا تــحـــــيــــــــات الـــــجـــــــــزل