ياصاحب الفين سته شهرها تاسع=
والفين واحد فطس والقائمه تاسع=
والفين لازم ورى يعطونك التاسع=
والـنـفـس لـلـمال والـجـاه مـجـبـولـه=
ياسلام الله سلام الهجادي=مع تحية ودنـا مستعده
أقرب أقرب لا تكثر بالدوادي=يالمطاري وانت من تكر جده

جيتك وجاك العذاب الشين يالروقى == والله لاروقك فالميدان وتروقى
خلك بجنبى هنا لاتنس وتروقى == والنفس للمال والجاه مجبوله
حربكم كله ربيع وبرادى == طيع شورى وانسدح بالمخده
عندك قريب وارد المعادى == لا تعذربنا يا تكس المكده

ياصاحب الفين سته شهرها تاسع=
والفين واحد فطس والقائمه تاسع=
والفين لازم ورى يعطونك التاسع=
والنفس للجـاه والأمواال مجبولـه=
ياسـلام الله سـلام الهـجـادي=مـع تحيـة ودنــا مستـعـده
أقرب أقرب لا تكثـر دوادي=يالمطاري وانت من تكـر جـده

لي نية ن والعرب تمشي على نيه=
بشر شحك يالمطيري بالعلانيه=
مدام ربي حشرك اليوم لـ هنيه=
والنفس للمال والاولاد مجبوله=
جابك الله وانت غاية مرادي=وان مسكت الصيد مانيب اهده
كان قبلك ذيب ماكان عادي=صوبوه النشاما عندميقاف خده

استسمح العذر منكم ياهل الحله == عمير ابحشره حتى دربه يدله
ويسرى ودمعه على خدينه يهله == والنفس للمال والاولاد مجبوله
الفتيله مالها الا زنادى == وانت مثل اللى يقولون وده
ذيبنا يمرح بوسط البلادى == ومن نواه بشين ملعون جده

بيني وبين الردى ياصاحبي حايل=
يالناشئ اللي تخم الدرب وتحايـل =
والا رفيقك هرب عانه ورى حايل =
والنفس للمـال والاولاد مجبولـه =
يوم ضـرب المجـوخ بالهنـادي=وين جدك راح ما خذت ســـده؟
كان تبغـى علـوم ن بالوكـادي=سيـل واد القوافـي منـت قـده

طايف جميع الكلام الى على بالك == ان كان هاذى علومك عزى لحالك
يامردد الكذب فال الله ولا فالك == والنفس للمال والاولاد مجبوله
يوم وقت السيف وخيول الطرادى == راح جدك والسبب شوخ الاشده
كان تبغا لك علوم ( ن) بازديادى == المطيرى ياعمر منته بكده