يا سلام الله سلام(ن)ينثني يم السميري=من هواجيس النفيعي يا عرب مفكوك بابه
ودّنا نسري وناخذ معْه بالمعنا الغزيري=والكلام الشين تكفا طالبك عقّل ركابه

مرحبا بك مرحبا بك من هواجيس الضميري = كل عنوانٍ يبين كل صفحه من كتابه
اسر بالمعنى ترى المعنى دفن في جوف بيري = يتعب الشاعر يجيبه واحلق اللحيه لاجابه

البقا بك يالمرحب واحذروا عطف المسيري=ودّنا نسري على دربن طويل(ن)ماتهابه
الجمل بلهان روّح مار مدري يا خبيري=هو رثع رثعه كبيره يوم حدوه الذيابه

النياق العفر سقها واحتلبها فالعصيري = والسماري سده الله والنفاعي وش يبابه
الجمل بلهان روح ماش فالديره بعيري = مارثع لكن وقته يالنفاعي التوابه

النياق العفر دايم ما حلبها كود غيري=وانت تعرف يالسماري كل سيف(ن)له نصابه
الجمل بلهان يا رجّال فتنه فالمحيري=وانت خابر يوم شالوا ضرسه الايمن ونابه

المشاركة الأصلية كتبت بواسطة متعب العصيمي (المشاركة 235714) صح لسانك يابو نجر وصح لسان السميري وبيض الله وجيهكم ونا بصفك يابو نجر ولايهون اخوي السميري

المشاركة الأصلية كتبت بواسطة خالد اوصاهب (المشاركة 235718) في صفك يابونجر ولا يهون السماري يابلادي واصلي والله معاكي

نشعم النار الكبيره ثم يطيح ابها الصقيري = قلت لك وانته تقول الشر يامبعد سرابه
والله انه مايحصل عقب ضرسه كل خيري = شايل احموله على ظهره ولاحصل شرابه

نشعم النار الكبيره ياولد شر(ن)شريري=مار انا شفت الفحل يا صاحبي قلبه ذبابه
وابك انا مدري وشنهو مار قالولي عسيري=قلت قلع تقلعه مار ابعدوا عنّا ثيابه

طيرٍ ابرق يالنفاعي بعد رميه مايطيري = جاه قناص الطيور وبندقه يمه رمابه
مارجعنا يم عرقه يمكن انه من مطيري = مار قلي ويش عندك ماعلى راسك رقابه

والله اني خابر(ن)ياشيخ ويش اللي يصيري=مار في تال الزمن با شيخ جاته انقلابه
لا لا لا ماهو مطيري وابك انا اضنه عميري=وانت لنته بالرسول وانت لنته بالصحابه

سايق(ن) موتر عراوي قام يقرع فالمسيري = ثم تعرض للخطوط المسرعه واصبح نهابه
ابك أنا مديت حبلي والحبل ماهو قصيري = النفاعي كل علم(ن) جوف قلبه قد طرابه

ساريه والليل ساري يالسميري لا تحيري=وانت من روس الرجال اللي لهم عز ومهابه
الجمل جر الرغى يا صاحبي عقب الهديري=لو ما هاج الجمل يا صاحبي محد(ن)زرا به

ساريه خل كريمي وانت جاري ياقصيري = ياقصيري خابرٍ انك ماتدورها نشابه
يالنفاعي الحرار الشقر صيدٍ للقميري = كيف صارت وانت حرٍ ماتخاويك الغرابه