سلام منى عليكم ياهل الدار === سهيل بين وخير الله كثيرى
لا والله الا بسمى ثم بختار === قم يالنفيعى بعد جاك المطيرى

يامرحبا مرحبا والجار للجار=والبحر يا صاحبي ماهو غديري
يا صاحبي وش هو اللي صار ماصار=ياجعل فالامر يا رجّال خيري

ماقول فيكم قصور رجال اهل كار === اقولها يالنفيعى من ضميرى
الشعر تالا اليالى لعبة قمار === اما يجى فوق ولا فالحضيرى

والله ونعمين فيكم عزوة امطار=لاكنّ حنا هل السيف الشطيري
الشعر يا صاحبي منهاجه اكثار=والعمر يفنا وحلم الله كبيري

المشاركة الأصلية كتبت بواسطة مرزوق العتيبي (المشاركة 235629) يامرحبـا مرحبـا والجـار للجـار والبحر يا صاحبـي ماهـو غديـري .... . الله الله بيت معناه غزير لاهنت يابو نجر ولا هان قبيلك النادر والله يحييه في محله ... ... واصلوا وعساكم على القوّه ....

الدرب واضح علامك تهزع يسار == لا تخلف الدرب وتعطل مسيرى
من يظلم الناس بكره يدخل النار == تصلاه نار الظليمه بالسعيرى

الدري واضح وانا ماني بمحتار=لاكن نمهل علاها فالمحيري
يا مطير انا بنشدك عن ناس(ن)اشطار=يوم(ن)تطلّق علانا هالعسيري

راحت مراح القطا يالله عسا خار == اثر المشاور بلاه امن الشويرى
مطير تعرف ليا من الوقا ثار == مطير ماهى بحاجه للنصيرى