يالسميري ما بها ترحيب=من بعد ما شفت تاليها
فعلتك يا صاحبي تخريب=من بعد ما راح غاليها

القشر ماينجزى بالطيب = ماتجي من فوق عاليها
وش فعلت وكان عندك جيب = شكل مخباتك ممليها

لا يجي شكّ(ن) ولا به ريب=عينكم يا ناس نعميها
عان هاك الرجل يالصّحيب=راح وانت اللي مسويها

كل كلمه ودها تعريب = يالنفاعي وش تسميها
لاتصير لصاحيك عتّيب = ثم تعود لي تغنيها

انته لنته عالم(ن)للغيب=يابو كفين(ن)تحنيها
عيب يارجّال فعلك عيب=كان بالصحبه تلويها

ألي ناب(ن) مثل ناب الذيب = أرقبتك الناب ايوطيها
صحبتي بالطيب دوم تصيب = والنفاعي مادخل فيها